በኢትዮጵያ በየጊዜው እየጠበበ መጥቷል ያለው የመገናኛ ብዙሃን ነጻነት እንዳሳሰበው ሲ-ፒ-ጄ የተባለው የዓለም አቀፍ የጋዜጠኞች መብት ተቆርቋሪ ድርጅት አስታወቀ። ድርጅቱ በቅርቡ አደረኩት ባለው የዳሰሳ ጥናት እ.አ.አ ከ2020 ዓም ወዲህ ብቻ 54 ጋዜጠኞች በሙያቸው የተነሳ በደረሰባቸው ጫና አገር ጥለው እንደተሰደዱ ማረጋገጡን ጠቅሷል፡፡

የኢትዮጵያ የሃይማኖት መሪዎች ለመንግሥትና ታጣቂዎች የሰላም ጥሪ አደረጉ። የሃይማኖት መሪዎቹ የሰላም እና የጸሎት ጥሪ ያደረጉት የኢትዮጵያ ሲቪል እና የሙያ ማህበራት ኮንግረስ ባዘጋጀው መድረክ ላይ ነው። ትናንት ጥር 29 ቀን 2017 ዓ.ም አዲስ አበባ ውስጥ በተደረገው የሰላም ጥሪ ጦርነትም፣ ደም መፋሰስም ይብቃ» የሚሉ መልዕክቶች ተላልፈዋል።

በእነ አቶ ዮሐንስ ቧያሌው የክስ መዝገብ ሥር የሽብር ወንጀል ክስ ከቀረበባቸው 51ድ ተከሳሾች መካከል ዛሬ ሐሙስ ፍርድ ቤት የቀረቡ 16 ተከሳሾች ዐቃቤ ሕግ ያቀረበባቸውን ክስ አልፈጸምንም በማለት ተከራከሩ።

መቶ ሺህዎችን ለህልፈት፤ ለአካል ጉዳት ዳርጎ፣ ሚሊዮኖችን ከቤት ንብረታቸው ያፈናቀለው የሰሜን ኢትዮጵያው ጦርነት የማታ ማታ በተፋላሚ ወገኖች መካከል የሰላም ስምምነት ተደርሶ ያበቃ መስሏል። ከፕሪቶሪያ ደቡብ አፍሪቃ ትናንት የተላለፈው እና የተፋላሚ ወገን ተወካዮችን እጅ ያጨባበጠው ትዕይንት በእርግጥ ለኢትዮጵያውያን እጅን በአፍ ያስጫነ ነበር ።

በወለጋ ግጭትና የሰላም እጦት በዘላቂነት እንዲፈታ መንግሥትና ሸማቂ ቡድኖች የሕዝቡን የሰላም ጥያቄ በመስማት ወደ እውነተኛ ዕርቅ መምጣት እንዳለባቸው የምሥራቅ ወለጋ ዞን አባገዳዎች ሰብሳቢ ደሳለኝ ፈይሳ አመለከቱ። በዞኑ የሚከሰቱት ግጭቶች አርሶ አደሩና ባለሀብቶች እንዳያርሱ በማድረጉ የኑሮ ውድነት እንዲጨምር ምክንያት እንደሆነም ጠቁመዋል።

የኢትዮጵያ የሕዝብ ተወካዮች ምክር ቤት ትላንት ጥር 22 ቀን 2017 ዓ.ም አቶ ብርሃኑ አዴሎን የኢትዮጵያ ሰብአዊ መብቶች ኮሚሽን ዋና ኮሚሽነር አድርጎ ሾሟል። ተቋሙ በዶ/ር ዳንኤል በቀለ የሥራ ዘመን ምን መልክ ነበረው? የሰብአዊ መብቶችን ጥበቃ በሚመለከት ምንስ ተጨባጭ ሥራ አከናወነ? የሚለውን እና ከአዲሱ ተሿሚ ምን ይጠበቅ ይሆን?

የዶናልድ ትራምፕን ዳግም ወደ ፕሬዝዳንትነት መመለስን ተከትሎ የወጡ የስደተኞችን ጉዳይ የተመለከቱ ት ዕዛዞችና ህጎች ተፈጻሚ እየሆኑ ነው። ነው። በተለይ በአሜሪካ ስር ዓት ውስጥ ያልተመዘገቡ ስደተኞችን የማፈስና ወደ ሃገራቸው የመመለስ ዘመቻው በርካታ ኢትዮጵያውያንን ለጭንቀት መዳረጉንና በፍርሃት እቤታቸው እንዲቀመጡ እንዳስገደዳቸው ታውቋል።

በትግራይ ያለው ፓለቲካዊ ውጥረት ተከትሎ፥ ኢኮኖሚያዊ አለመረጋጋትም እየተስተዋለ ይገኛል። ነዋሪዎች ግጭት በመስጋት ከባንኮች ገንዘብ ማውጣት፣ ሸቀጦች መሸመት በስፋት ይስተዋላል። ፓለቲካዊ አለመረጋጋቱ ዘርፈ ብዙ ችግር እያስከተለ መቆየቱ የሚገልፁት ያነጋገርናቸው ነዋሪዎች፥ ሁኔታው እንዳይባባስም ስጋት አላቸው።

አቶ እስክንድር ነጋ የሚመሩት የአማራ ፋኖ ሕዝባዊ ድርጅት በዉጪ ሸምጋዮች አማካይነት ከመንግሥት ጋር ድርድር ጀምሯል የሚሉ ዘገቦች ሰሞኑን ተሰራጭተዉ ነበር።የግንባሩ መሪ እስክንድር ነጋ ዛሬ እንዳሉት ግን ድርጅታዉ ድርድር አልጀመረም

ስድስት ሚሊዮን አይሁዳውያን በናዚ ጀርመን በጅምላ የተገደሉበት የሆሎኮስት እልቂት በአዲስ አበባ ታሰበ። በሥነ ሥርዓቱ እንዲህ ያለ የጅምላ ግድያ በፍፁም እንዳይደገም እና ፀረ ሴማዊ እንቅስቃሴዎች እንዲቀጩ የትብብር ድምጾች ተስተጋብተዋል። በሥነ ሥርዓቱ የአውሽቪዝ ማሰቃያ ጣብያ ከናዚ ቁጥጥር ነፃ የሆነበት 80ኛ ዓመት ታስቧል።