የትግራይ ሐይሎች አዛዦች በዶክተር ደብረፅዮን የሚመራው የህወሓት ክንፍ በትግራይ ጊዜያዊ አስተዳደር ያለውን ሃምሳ ሲደመር አንድ ድርሻ እንዲረከብ እንደሚሹ አስታወቁ። ከዚህ በተጨማሪ በትግራይ ያሉ ታጣቂዎች በትግራይ ሰላም እና ፀጥታ ሴክሬታሪያት ስር እንዲሆኑ፥ ከዚህ ውጪ በሆነ ላይ ግን እርምጃ ይወሰዳል ብለዋል።

በዚህ መንፈሳዊ ክብረ በዓል ከንጋቱ ጀምሮ ቅዳሴ ተቀድሷል፣ የኪዳን ፀሎት እና ዝማሬ ደርሷል፣ ቃለ - እግዚአብሔር ተነግራል፣ በቅዱስ ፓትርያርኩም ባህረ ጥምቀቱ ተባርኳል።

በልዩ ልዩ ኦርቶዶክሳዊት ቤተ ክርስትያን ሕብር ዝማሬዎች ያሸበረቀው የጥምቀት በዓል ታቦተ ሕግጋቱ ወደየ መንበራቸው በምዕመኑ ታጅበው ተመልሰው የበዓሉ ፍጻሜ ኾኗል።

ሳዱላዎች የተመረጠ ለብሰዉ አርቲና አሽኩቲ ይዘዉ ሹርባ ተሰርተዉ ለጥምቀት በዓል አደባባይ ሲወጡ ከጢነኛ ሎሚ ያልደረሳት ሳዱላ ካለች ማኩረፍ ልማዷ ነዉ ይላሉ ወይዘሮ አረጋሽ ደምሴ

አቶ ኮስሞስ ገብረ ሚካኤል ለወጣት ኢትዮጵያውያን የተስፋይቱ ምድር ተደርጋ በምትታየው በደቡብ አፍሪቃ በደላሎች የሚፈጽምባቸው በደል መክፋቱን ገልጸዋል።። በሕገ ወጥ መንገድ ደቡብ አፍሪቃ ከደረሱ በኋላ ለእገታ የሚዳረጉት አስቀድሞ ከደላሎች ጋር የተስማሙበትን ውል በጊዜው አላሟሉም የሚባሉት ኢትዮፕያውያን መሆናቸውንም ተናግረዋል።

የመተግበሪያ አጠቃቀምን በተመለከተ በተለያዩ ድረ ገፆች የወጡ መረጃዎች እንደሚያሳዩት በ2024 ዓ/ም ተጠቃሚዎች አውርደው የተጠቀሙባቸው መተግበሪያዎች የማህበራዊ መገናኛ ዘዴዎች ናቸው። በቻይናው ኩባንያ ባትዳንስ የተሰራው እና በአሜሪካ የመዘጋት አደጋ የተጋረጠበት ቲክቶክ /TikTok/ በ2024 በብዛት የተጫነ መተግበሪያ ሆኗል።

በአፋር ክልል ከቅርብ ጊዜ ወዲህ በተደጋጋሚ እየተከሰ ያለው የመሬት መንቀጥቀጥ ከክልሉ ባሻገር ስጋት ደቅኗል። የመሬት መንቀጥቀጡ ያስከተለው ንዝረት እስከ መዲናዋ አዲስ አበባ ድረስ በተደጋጋሚ እየተሰማ ነዋሪዎችን ስጋት ውስጥ መጣሉ ታይቷል። የ አፋር አባቶች መሬት መንቀጥቀጡ ከፈጣሪ የመጣ ስለሆነ ፈጣሪ እንዲመልስልን ዱአ እናደርጋለን ብለዋል።

የትግራይ መንግስት ሰራተኞች ማሕበር፣ የትግራይ ዓቃብያነ ሕግ ማሕበር፣ የክልሉ ጤና ባለሙያዎች እና የግል ትምህርት ቤት አስተማሪዎች ማሕበራት እና ሌሎች በጋራ እንዳሉት የተከማቸ የረዥም ወራት ደሞዝ ካለመክፈል በተጨማሪ ከሕግ፣ ከአሰራር እና የቆዩ ስምምነቶች ውጭ የትግራይ ግዚያዊ አስተዳደር ክልከላዎች አኑሯል ሲሉ ከሰዋል።

ነገ ማክሰኞ የኢየሱስ ክርስቶስ ልደት ( የገና በዓል ) ይከበራል።በአዲስ አበባ ልዩ ልዩ ቦታዎች ባደረግነው የበዓል ግብዓቶች ግብይት ቅኝት ገበያው የአቅርቦች እጥረት እንደሌለበት ከሸማቾችና ሻጮች ሰምተናል።ለእርድ የሚሆኑ ከዶሮ እስከ ፍየል፣ ከበግ እስከ የቀንድ ከብት በስፋት የቀረበ ሲሆን የሸማች ፍላጎት መቀነሱን ግን ተገንዝበናል።

በአሮሚያ ክልል አሙሩ ወረዳ “ልጆቻችሁ ታጣቂዎች ተቀላቅለዋል” በሚል 17 ሰዎች መታሰራቸውን ነዋሪዎች ተናገሩ። ፍርድ ቤት ሳይቀርቡ 7 ወራት ታስረው የተፈቱ የ75 ዓመት አረጋዊ በተመሳሳይ ክስ ድጋሚ መታሰራቸውን ልጃቸው ገልጸዋል። የአሙሩ ወረዳ አስተዳዳሪ “ቤተሰብ ልጆቹን እንዲያመጣ በተቀመጠ አቅጣጫ” የታሰሩ መኖራቸውን ለዶይቼ ቬለ አረጋግጠዋል

የሕዝብ ተወካዮች ምክር ቤት አባል እና የቋሚ ኮሚቴ ሰብሳቢ የነበሩት አቶ ክርስቲያን ታደለ እና የአማራ ክልል ምክር ቤት አባል የሆኑት አቶ ዮሐንስ ቧያለው ከቃሊቲ ወደ ቂሊንጦ ማረሚያ ቤት መዛወራቸውን ጠበቃቸው ተናገሩ።