በኢትዮጵያ የቀውስ አዙሪት ግድያ፣ አስገድዶ መደፈር እና መፈናቀልን ጨምሮ የተለያዩ ግፎች የተፈጸሙባቸው ዜጎች ፍትሕ ይጠብቃሉ። ሀገሪቱም ለሽግግር ፍትሕ እየተዘጋጀች ነው። የአማራ እና የኦሮሚያ ግጭት ሳይቆሙ፤ ሀገሪቱን ለቀውስ ለዳረጉ ጉዳዮች መፍትሔ ሳይበጅ ተግባራዊ የሚደረግ የሽግግር ፍትሕ ተጎጂዎችን ለመፈወሱ በርካቶች ጥያቄ አላቸው።

«ፖለቲካችን የተለመደውን የአፈናና አግላይነት፣ የአንድ ፓርቲ የበላይነትና ጠቅላይነት አጠናክሮ ቀጥሏል፣የአገሪቱ ኢኮኖሚ ወደ ጦርነት ኢኮኖሚ ተሸጋግሮ፣ የኑሮ ውድነቱ ከሕዝብ አቅም በላይ በመሆኑ "ምሬትና ተስፋ መቁረጥ በአደገኛ ሁኔታ የመሰደድን ምርጫ እያጎላው መጥቷል"፡፡ ሲል ስብስቡ«ኢትዮጵያ አሁን የምትገኝበት» ያለውን ተጨባጭ ሁኔታ ገልጿል።

«በሕገ-ወጥ ስደት በጣም ብዙ ሰዎች ምድረ በዳ ላይ ቀርተዋል። ሊቢያ ዉስጥ ደብዛቸዉ ጠፍቶ ቀርቷል። ብዙ ስደተኞች አካላቸዉ ጎልዋል። የሰዎችን አካል እየቀደዱ ኩላሊት የሚዘርፉ ሁሉ አሉ። በዚህ ጉዳይ የሰለጠኑ ሰዎች የተደራጁ ሐኪሞችም ጭምር ያሉበት ይህን ስራ የሚሰራ ቡድን በረሃ ላይ አለ።

1.7 ቢልዮን የአሜሪካ ዶላር ወጭ የተደረገበት የአዋሽ ኮምቦልቻ ወልድያ ሀራ ገበያ የባቡር መስመር ፕሮጀክት 3500 የሚደርሱ ሰራተኞች ደመወዝ እንዳልተከፈላቸዉ ገለፁ። ግንባታዉ በቱርኩ ስራ ተቋራጭ ያፒ መርከዚ ኮንስትራክሽን ኢንደስትሪ ኮርፖሬሽን ሲከናወን የነበረው ፕሮጀክቱ በመቋረጡ ሰራተኞች ደመወዛቸዉ በወቅቱ እንዳልተከፈላቸው ተናግረዋል።

ኢትዮጵያ እና ሶማሊያ አንካራ ውስጥ ምን አይነት ስምምነት አደረጉ? የሁለቱ አገራት መሪዎች እና ተቃዋሚ ፖለቲከኞችስ ምን አሉ? ዳሰሳ ይኖረናል ። የሁለቱ አገራት ውዝግብ ሰበብ ስለሆነችው ሶማሊላንድ የፕሬዚደንት በዓለ ሲመትም አጠር ያለ ዘገባ አለን ።

በአማራ ክልል ሰሜን ወሎ ዞን ጃራ የስደተኞች መጠለያ ጣቢያ በሴቶች ላይ እየደረሰ ያለው ወሲባዊ ጥቃት እየጨመረ መምጣቱ ተገለፀ። በባለፉት ሁለት ወራት 12 ጥቃቶች የተመዘገቡ ሲሆን ጥቃቱ ከዚህም በላይ ሊሆን ይችላል ተብሏል።

7 አባላት ያሉትና አዲስ ሥራ አስፈፃሚ በቅርቡ የመረጠው የኢትዮጵያ የፖለቲካ ፓርቲዎች የጋራ ምክር ቤት በሀገራዊ ምክክሩ ሂደት ቢታዩ በሚል በጠቅላላ ጉባኤ ያፀደቃቸውን ልዩ ልዩ አጀንዳዎች ለብሔራዊ ምክክር ኮሚሽን ዛሬ አስረክቧል።

የሕዝብ ተወካዮች ምክር ቤት ለ2017 በጀት ዓመት ተጨማሪ 582 ቢሊየን ብር በጀት ትናንት ማክሰኛ በአብላጫ ድምጽ አጽድቋል።ተጨማሪ በጀቱ የዋጋ ንረትን እንዳያስከትል እና በንግድ ማኅበረሰቡ ላይ ጫና እንዳይፈጥር በምክር ቤቱ አባላት በሥጋትነት ቢነሳም የገንዘብ ሚኒስቴር ግን መንግሥት በጀትን በጥናት ተመስርቶ እና በጥናት መሰራቱን አመልክቷል።

የሲቪል ማሕበራትና አመራሮቻቸው በፀጥታ አካላት «በአካልና በስልክ ተደጋጋሚ ወከባና ማስፈራሪያ» እየደረሰባቸው መሆኑን እንደገለፁለት የሰብአዊ መብት ተሟጋቾች ማዕከል አመለከተ። ይህን «ዛቻና ማስፈራሪያ በመሸሽ ከአገር ለመሰደድ የተገደዱ» መኖራቸውንም አስታውቋል።

በትግራይ ክልል በሴቶች ላይ የሚፈፀም ፆታን መሰረት ያደረገ ጥቃት አሳሳቢ ደረጃ ላይ መድረሱ ተገለፀ ። የትግራይ ክልል ሴቶች ማሕበር በአንድ ዓመት 783 ሴቶች ላይ የፆታ ጥቃት ተፈጽሞ 44 ሴቶች በግፍ ተገድለዋል ተብሏል ። የመብት ተቋማት እና የተጎጂ ቤተሰቦች በሴቶች ላይ የሚፈፀሙ ጥቃቶች በተለየ ፍርድ ቤት እንዲታዩ መንግስትን ጠይቀዋል።