በትግራይ ክልል በተለይ መቀሌ ውስጥ ተከታታይ ስብሰባዎች እየተደረጉ ነው። በስብሰባዎቹ የሚደመጡት መልዕክቶች ህወሓት ከኢትዮጵያ ፌዴራል መንግሥት ጋር ያለው ግንኙነት እየተካረረ ለመሄዱን ጉልህ ማሳያ ተደርጓል። የፌዴራል መንግሥት የሚቆጣጠራቸው መገናኛ ብዙኃን፣ ህወሓትን እና መሪዎቹን የሚነቅፉ ተከታታይ ዝግጅቶችን እያስተጋቡ ይገኛሉ።

ጎተ-የባህል ተቋም አዲስ አበባ በጎርጎረሳዉያኑ 1962 ዓ.ም ተመሰረተ። ተቋሙን መርቀዉ የከፈቱት ንጉሠ ነገሥት አጼ ኃይለ ሥላሴ እና የወቅቱ የጀርመን አምባሳደር ፓውለስ ቮን ስቶልዝማን ናቸዉ። ኢትዮጵያ የሚገኘዉ የጀርመኑ የባህል ተቋም የጎተ 64 ኛ ዓመቱን ይዟል። ተቋሙ በሚቀጥለዉ ዓመት 65 ኛ ዓመቱን ለማክበር በዝግጅት ላይ ነዉ።

በደቡብ አፍሪቃ በዉጭ አፍሪቃዉያን ዜጎች ላይ የሚፈፀመዉ ጥቃት እየጨመረ መምጣቱን ተከትሎ ወደ ሃገራቸዉ የሚመለሱ አፍሪቃዉያን ቁጥር እየጨመረ ነዉ። በደቡብ አፍሪቃ የሚኖሩ ኢትዮጵያዉያን አብዛኞቹ ሱቆቻቸዉ ተዘርፈዉባቸዋል ፤ ወድመዉባቸዋል፤ አልያም ከሱቃቸዉ ተባረዋል። በርካታ ኢትዮጵያዉያን በየእለቱ ወደ ሃገራቸዉ እየተመለሱ ነዉ።

በአማራ ክልል ደቡብ ወሎ ዞን ቦረና ወረዳ በሚገኘው አባይ ገዳመ አስቄጤስ አቡነ አረጋዊና ቅድስት አርሴማ አንድነት ገዳም ላይ ሐምሌ 15 ቀን፣ 2018 ዓ.ም ተፈፀመ በተባለ የድሮን ጥቃት የ2 መነኮሳይት ሕይወት ወዲያው ሲያልፍ፣ በ11 መነኮሳይት ላይ ደግሞ ቀላልና ከባድ አካል ጉዳት መድረሱን የገዳሙ አበምኔትና የወረዳዉ ቤተክህነት ኃላፊ ገለፁ።

ሕዝባዊ ወያኔ ሓርነት ትግራይ (ሕወሓት) የኢትዮጵያ ፌዴራል መንግስትን እንደሥጋት ተመልክተው ከሚወጉ አካላት ጋር ትብብር መፍጠሩን ዐሳውቋል፡፡ ኢትዮጵያ ውስጥ ላለፉት ስምንት ዓመታት ግድም አገሪቱን የሚመራውን መንግስት ያለማቋረጥ በመውጋት ላይ የነበረው የኦሮሞ ነጻነት ሰራዊት (ኦነግ-ኦነሰ) ይህን የህወሓት መግለጫን አላስተባበለም፡

የአገራዊ ምክክር ጉባኤ ተሳታፊዎች በምክክሩ ላይ በሚያቀርቡት ሐሳብ እንዳይጠየቁ ኃላፊነት እንደሚወስድ የኢትዮጵያ አገራዊ ምክክር ዋና ኮሚሽነር መስፍን አርዓያ ተናገሩ። ዋና ኮሚሽነሩ ይህንን ያሉት፦ ከተጀመረ ስምንተኛ ቀኑን በያዘው ጉባኤ ያለፉት ሦስት ቀናት ሂደት ምን እንደሚመስል ዛሬ ቀትር ላይ በሰጡት አጭር ገለፃ ነው።

የአሜሪካ ሕግ አውጪ ምክር ቤት (ኮንግረስ) አባላት፣ የውጭ ፖሊሲ ጉዳይ ፖሊሲ ባለሙያዎች፣ የሰብአዊ መብት ድርጅቶች እና ተሟጋቾች የኢትዩጵያን ወቅታዊ ሁኔታ በተመለከተ ሰሞኑን የምስክርነት ቃል መከታተላቸውን ፣የኢትዮጵያ አሜሪካውያን ሲቪል ድርጅቶች ሰብሳቢ አቶ መስፍን መኮንን ለዶቼ ቬለ ዐሳውዋል።

የአሜሪካው የጠፈር ምርምር ጣቢያ ናሳ፤ ወደ መሬት ሊወድቅ ተቃርቧል የተባለን ቴሌስኮፕ ቀልቦ የሚይዝ ሊንክ የተባለ በሮቦት የታገዘ መንኮራኩር ሰሞኑን ወደ ህዋ አምጥቋል። ይወድቃል የተባለው ስዊፍት የምልከታ ቴሌስኮፕ ከጎርጎሪያኑ 2004 ዓ/ም ጀምሮ በአፅናፈዓለም (Universe ) ከፍተኛ ፍንዳታዎች ከመከሰታቸው በፊት የሚመረምር ነው።

የግብፅ ውጭ ጉዳይ ሚኒስተር ግብፅና ሱዳን ስለህዳሴ ግድብ የደህንነት ደረጃ ወይም አካባቢያዊ ተጽዕኖ የደረሰን የጥናት ውጤት የለም ብለዋል። የሕዳሴ ግድብ የኢትዮጵያ ተደራዳሪ ቡድን አባልና በአዲስ አበባ ዩኒቨርሲቲ የሃይድሮ ፖለቲክስ ተመራማሪ ፕሮፌሰር ያዕቆብ አርሳኖ ግን የግብፅ አስተያየት የተለመደና በመረጃ ላይ ያልተመሰረተ መኾኑን ይናገራሉ።

የወይንሸት መጠለያ ካምፕ ነዋሪ አቶ መካሻ ይመር ለሁለት ወር ከ10 ቀናት ምንም ዓይነት ምግብ እንዳልቀረበላቸው ይገልጻሉ። «ቀኑም ሌሊቱም፣ ጨለማ ነው ለእኛ። ምንግዜም ሌሊቱም ቀኑም ጨልሞብናል፤ መቼ እንደሚነጋ ብቻ ፈጣሪ ብቻ ነው የሚያውቀው። ዝናቡ 24 ሰዓት ነው የሚዘንብብን እንደማንም ብርዱ ይቻል ነበር፤ ግን ረሃብ አይቻልም። »ብለዋል,