የአዲስ አበባ ከተማን ጨምሮ በተለያዩ የሀገሪቱ አካባቢዎች በትግራይ ተወላጆች ላይ እየተፈጸመ ያለው እስር እና የንግድ ድርጅቶች መዘጋት እንዲቆም አረና ትግራይ ለሉዓላዊነት ፓርቲ አሳሰበ። ፓርቲው ባወጣው መግለጫ መንግስት ያወጀው የተኩስ አቁም በሁለቱም ተፋላሚ ኃያሎች መተግበር አለበት ብሏል።

ምርጫዉንም ጠቅላይ ሚንስትሩ «ኢትዮጵያ አሸናፊ ሆና የወጣችበት» ብለዉታል።በምርጫዉ የተካፈሉ፣ ያልተካፈሉትንም በጥቅሉ 53 የፖለቲካ ማሕበራትን የሚያስተናብረዉ የፖለቲካ ፓርቲዎች የጋራ ምክር ቤት ሰብሳቢ ዶክተር ራሔል ባፌ ከጠቅላይ ሚንስትሩ ሐሳብ ጋር ይስማማሉ።

ፈረንሳይ ዋና ከተማ ፓሪስ በሚገኘው የዩኔስኮ መቀመጫ በተካኼደ ልዩ ሥነ ሥርዓት የቅሪተ አካሏ ቅጂ ርክክብ ተፈጽሟል።በፈረንሳይ፣ ስፔን፣ ፖርቹጋል፣ ሆሊ ሲ እና ሞናኮ የኢትዮጵያ ባለሙሉ ሥልጣን አምባሳደር የዩኔስኮ የኢትዮጵያ ቋሚ መልእክተኛ አምባሳደር ኄኖክ ተፈራ ሻውል የሉሲን ቅሪተ አካል ቅጂ ለዩኔስኮ ዋና ኃላፊ ኦውድሬ አዞላይ አስረክበዋል

ከአምስቱ የእስልምና ሃይማኖት መሠረቶች አንዱ የሆነው የረመዳን ፆም የፊታችን ሰኞ ወይም ማክሰኞ እንደሚጀምር ተገለፀ።

ሳልሳዊ ወያነ ትግራይ፣ የታላቋ ትግራይ ብሔራዊ ሸንጎ ባይቶና እና የትግራይ ነጻነት ፓርቲ በጋራ በሰጡት መግለጫ እንዳሉት የኢትዮጵያ ሰብአዊ መብት ኮሚሽን የማይካድራ የጅምላ ጭፍጨፋን አስመልክቶ ያወጣው ሪፖርት በተቀረው የትግራይ አካባቢ የከፋ የሰብአዊ መብት ጥሰት እንዲፈጠር አስተዋጽዖ ነበረው ብለዋል።

የኢትዮጵያ ብሔራዊ ምርጫ ቦርድ፣ ለመጪዉ ምርጫ በሚያደርገዉ ዝግጅት የፌደራልና የክልል መንግስታት ባለስልጣናት ትብብር እንደነፈጉት አስታወቀ።

በፋሺስት ኢጣሊያ የጦር አዛዥ በጄኔራል በሩዶልፍ ግራዚያኒ ላይ ሁለት ኢትዮጵያውያን ወጣቶች የጣሉትን አደጋ ለመቀበል የካቲት 12፣ 1929 በአዲስ አበባ ሕዝብ ላይ የዘመተዉ የኢጣሊያ ጦር እስከ 30 ሺሕ የሚገመት ሕዝብ ጨፍጭፏል።

የፍርድ ቤት ዉሳኔ አፈፃፀም መዘግየት የሕግ የበላይነትን ፈተና ዉስጥ እያስገባ መምጣቱን የሕግ ባለሞያ እና ፖለቲከኞች አመለከቱ። ፍርድ ቤት በዋስትና የሚያሰናብታቸውን ተጠርጣሪዎች ፖሊስ  ያለ በቂ ማስረጃ ያስራል የሚሉ ቅሬታዎች ከተከሳሾች እና ጠበቆቻቸው በተደጋጋሚ ይሰማል።

በሲዳማ ክልል አርቤጎና ወረዳ በደረሰ የመሬት መናድ ስድስት ሰዎች መሞታቸውን የወረዳው ባለስልጣናት አስታወቁ። ባለሥልጣናቱ ዛሬ ለዶቼ ቬለ ( DW ) እንዳስታወቁት አደጋው ትናንት ቀትር ላይ የደረሰው በወረዳው ሚጢቾ በተባለ የገጠር ቀበሌ ውስጥ ነው።

ፒስሪ ኢምፓክት አዋርድ (P3 IMPACT AWARD) ተብሎ የሚጠራው ሽልማት በአሜሪካ ውጭ ጉዳይ ሚኒስቴር የዓለም አቀፍ ጥምረት ቢሮ፣ ኮንኮርዲያ በተባለ መንግሥታዊ ያልሆነ ድርጅት እና በቨርጂኒያ ዩኒቨርሲቲ፤ የማሕበረሰቦችን ሕይወት ብሎም ዓለምን ለማሻሻል በመንግሥት እና የግሉ ዘርፍ ጥምረት ለሚሰሩ ስራዎች እውቅና ለመስጠት የተዘጋጀ ነው