በኦሮሚያ ክልል ደቡብ ምዕራብ ሸዋ ዞን በተራዘመው የመንግስት የፀጥታ ሃይሎች እና አከባቢው ላይ በሸመቁ ታጣቂዎች መካከል የሚደረግ ግጭት መቋጫ አለማግኙ ከፍተኛ የማህበራዊ ቀውስ እያስከተሉ ነው ሲሉ የአከባቢው ማህበረሰብ አስታወቁ፡፡ ግጭቱ ከክልሉም ባሻገር አዋሳን ክልሎች ላይ አሉታዊ ተጽእኖ እያሳደረ ነው ተብሏል፡፡

ኢትዮጵያዉያን አትሌቶች የተሳተፉባቸው እና አሸናፊም የሆኑባቸው የዳይመንድ ሊግ የአትሌቲክስ ውድድሮች ተካሂደዋል። ከአውሮፓ ኃያላን የእግር ኳስ ሊጎች የእንግሊዝ ፣ ስፔይን እና ፈረንሳይ ዋና ዋና ሊጎች በሳምንቱ የመጨረሻ ቀናት ውድድሮቻቸውን በድምቀት ጀምረዋል።

የዩክሬን ፕሬዝደንት ቮልድሚየር ዘለንስኪና የአዉሮጳ ሕብረት ኮሚሽን ፕሬዝደንት ኡርዝላ ፎንደር ላይን ዩክሬን ለሩሲያ ግዛቶቿን ትልቀቅ የሚለዉን ሐሳብ «ዓለም አቀፍ ድንበር» በኃይል አይለወጥም በማለት ተቃዉመዉታል።የጀርመን መራሔ መንግሥት ፍሬድሪሽ ሜርስ በበኩላቸዉ ጦርነቱን በዲፕሎማሲ ለመፍታት «ቀረብ ብለናል»ይላሉ

ጋዜጠኞችን "ከሕግ ውጪ መሰወር በአስቸኳይ ይቁም" ሲል የኢትዮጵያ መገናኛ ብዙኃን ባለሙያዎች ማሕበር ጠየቀ። በሁለት ቀናት ልዩነት "ተይዘው የተሰወሩት" ጋዜጠኛ ዮናስ አማረ እና ጋዜጠኛ አብዱልሰመድ መሐመድ ያሉበት አልታወቀም ያለው ማሕበሩ "ጋዜጠኞችን መሰወርና ፍርድ ቤት አለማቅረብ ተቀባይነት የሌለው አደገኛ ልምምድ" ነው ሲል ነቅፏል።

በመቐለ ጨምሮ በተለያዩ የትግራይ ከተሞች በተደጋጋሚ የሚፈፀሙ ወንጀሎች የኅብረተሰብ የደኅንነት ስጋት ሆነው እንዳለ ተገለፀ። ነዋሪዎች ግድያ፣ እገታ እና ዝርፍያ ጨምሮ ሌሎች ወንጀሎች እየተፈፀሙ መሆኑ ይናገራሉ። የክልሉ ፖሊስ ኮምሽን እነዚህ ሕብረተሰብ ያማረሩ የወንጀል ተግባራት እየተፈፀሙ መሆኑ በማመን፥ እርምጃዎች እየወሰደ መሆኑ ይገልፃል።

በአማራ ክልል ከ 3.6 ሚሊዮን በላይ የማኅበረሰብ አቀፍ ጤና መድኅን አገልግሎት ተጠቃሚ ማድረግ ተቻለ በቤተሰብ ደረጃም 15 ሚልየን አባላትን ማፍራት ተችሎል። የክልሉ ጤና ቢ ሮ የጤና መድኅን ሥራ በማኅበረሰቡ ዘንድ ከፍተኛ ተቀባይነት ያገኘ መሆኑን ገልፆል። በ2017 በጀት ዓመት ብቻ 5.6 ቢሊዮን ብር በላይ ማሰባሰብ ተችሏል ።

ሁለት ዓመት በዘለቀው የሰሜኑ ጦርነት በትግራይ፣ አማራ እና አፋር ክልሎች በርካታ አዋቂና አዳጊ ሴቶች ለወሲብ ጥቃት መዳረጋቸውን የሀገር ውስጥም ሆኑ ዓለም አቀፍ የመብት ተቆርቋሪ ተቋማት በይፋ ገልፀውታል።

ህዝቡ ቅሬታ የሚያቀርብባቸው የአገልግሎት አሰጣጥን ሥርዓትን ለማሻሻል እየተሰራ መሆኑን ጠቅላይ ሚንስትር ዶክተር ዐብይ አህመድ ገለጹ፡፡ ጠቅላይ ሚንስትሩ በሲዳማ እና በደቡብ ኢትዮጵያ ክልሎች የሥራ ጉብኝት ባደረጉበት ወቅት እንደሉት የአገልግሎት አሠጣጡን ለማዘመን በክልል ከተሞች መሶብ ተብሎ የሚጠራውን የኤሌክትሮኒክስ ሥርዓት እየዘረጋ ነው፡፡

የአሜሪካው ፕረዚደንት ዶናልድ ትራምፕና የሩስያው ፕረዚደንት ቭላድሚር ፑቲን በትናንትናው ዕለት በአሜሪካ አላስካ ግዛት ውይይት አካሂደዋል።ሁለቱም መሪዎች ውይይቱ «ስኬታማ ነበር» ከማለት ውጭ ስለ ውይይቱ ብዙ አላሉም። ትራምፕ የዩክሬኑን ፕሬዚዳንት ቦለድሚር ዘለንስኪንንም በመጭው ሰኞ ወደ ዋይት ሀውስ ጋብዘዋል።

የሱዳንን ጦርነት በሰላማዊ መንገድ ለማስቆም በተደጋጋሚ የተደረገዉ ሙከራ ለዉጤት አልበቃም።ጦርነቱ እንደቀጠለ ነዉ።የጦርና የወሲብ ጥቃት፣ ረሐብና የኮሌራ በሽታም በሺ የሚቆጠሩ ሰዎችን እየገደለ ነዉ።ደቡብ አፍሪቃ በበኩሏ የተለያዩ ችግሮቿን ለማቃለል ብሔራዊ ምክክር ጀምራለች