በአማራ ክልል ዋግ ህምራ ብሔረሰብ አስተዳደር ዞን የሚገኘውን የአበርገሌ ወረዳን በሚያዝያ ወር የተቆጣጠረው እራሱን የአገው ዲሞክራሲ ሕብረት (አዴን/አገው ሸንጎ) ብሎ የሚጠራው ታጣቂ ቡድን፣ ባሳለፍነው ግንቦት 19 ቀን ሁለተኛውን የጻግብጂ ወረዳን በኃይል መቆጣጠሩንና በዚህም ሳቢያ የወረዳዉ ነዋሪዎች መፈናቀላቸውን ተናገሩ።

የደቡብ ኢትዮጵያ ሕዝቦች ክልል በ7ኛው ጠቅላላ ምርጫ የተካሄደው የድምፅ አሰጣጥና የጣቢያዎች ድምፅ ቆጠራ በተሳካ ሁኔታ ተከናውኗል ሲል የክልሉ የፖለቲካ ፓርቲዎች የጋራ ምክር ቤት አስታወቀ። የጋራ ምክር ቤቱ ባለፈው ሰኞ የተካሄደውን ምርጫ አስመልክቶ ዛሬ ጋዜጣዊ መግለጫ ሰጥቷል።

ባሳለፍነው ሰኞ ግንቦት 24 ቀን በኢትዮጵያ የተካሄደው ጠቅላላ ምርጫ ያለ ብዙ እንከን ሰላማዊ በሆነ መልኩ መከናወኑን በድሬደዋ እና ሀረር የሚገኙ የፖለቲካ ፓርቲዎች የጋራ ምክር ቤቶች አስታወቁ።

የኦሮሚያ ክልል መንግስት በአርሲ ዞን አሰኮ ወረዳ በንጹሃን ላይ ለተፈጸመው ግድያ እና የአብያተክርስቲያናት ጥቃት እራሱን የኦሮሞ ነጻነት ሰራዊት ብሎ የሚጠራውን “ሸነ” ያለውን ታጣቂ ቡድን ከሷል። ታጣቂ ቡድኑ ለግድያው ኃላፊነት እንደማይወስድ ገልጾ፤ ጉዳዩን እንደሚያጣራ አስታውቋል።

በአማራ ክልል የሚኖሩ ወጣቶች አዲስ ተመራጩ የመንግሥት አስተዳደር ከየትኛውም የልማት ሥራ በላይ የክልሉን ሰላም ከዚህ በፊት ወደነበረበት የመመለስ ቀዳሚ ኃላፊነት እንዳለበት ገለጹ። ወጣቶቹ ድምፃቸውን የሰጡት ጦርነት እንዲቆም የደም መፋሰስ እንዲያከትም መሆኑን በመግለጥ አዲሱ መንግሥት ይህንን አደራ ሊወጣ ይገባልም ብለዋል ።

የደቡብ ምእራብ ኢትዮጵያ ክልል እንደ ክልል ከተዋቀረ ወዲህ ዘንድሮ ለመጀመሪያ ጊዜ ነው እንደ ክልል ምርጫ ሲከናወንበት ። አራት ብዝኃ ከተሞችን አካትቶ በተዋቀረው በዚህ ክልል ታምራት ዲንሳ የፕሬዚደንቱ እና የፖለቲካ መቀመጫ በኾነው የከፋ ቦንጋ ከተማ ዛሬ ይገኛል ።

የኢትዮጵያ ሕዝብ በዝንድሮዉ ምርጫ ለመሳተፍ ያሳየዉ ዝግጅት፣ በድምፅ አሰጣጡ ወቅት የነበረዉ ትዕግሥትና ትብብር አስደናቂ እንደነበሩ የድምፅ አሰጣጡን ሒደት የተከታተሉ ሶስት አሐጉራዊ፣ አካባቢያዊና አገራዊ ድርርጅቶች ዐሳወቁ።

የአውሮጳ ኅብረት ልዑክ በኢትዮጵያ እና አባል አገራቱ ሰኞ ዕለት "ምርጫ ማካሄድ ያልቻሉ ሁሉም የምርጫ ክልሎች በቀጣይ ምርጫ የማካሄድ እድል እንዲያገኙ ተስፋ እናደርጋለን" አሉ። የምርጫውን ሒደት በይፋ ያልታዘበው ኅብረቱ፦ «አጠቃላይ ምርጫ መካሄዱን እንቀበላለን» ሲል ዛሬ ረቡዕ ባወጣው አጭር መግለጫ ጠቅሷል።

ከከፍተኛ የትምህርት ተቋማት የተመረቁ ወጣት ኢትዮጵያውያን ዲግሪ ይዘው ሥራ ማግኘት ቸግሯቸዋል። ከአዳማ ሳይንስና ቴክኖሎጂ ዩኒቨርሲቲ በኬሚካል ምህንድስና የተመረቀችው ወጣት ሥራ ሲጠፋ "ይኸን ሁሉ አመት ባላቃጠልኩ" ለማለት በቅታለች።

በኦሮሚያ ክልል በአርሲ ሀገረ ስብከት በአስኮ ወረዳ በሺርካ ወረዳና ሆንቆሎ ዋቤ ወረዳ የተፈጸመውን ግድያ በተመለከተ የኢትዮጵያ ኦርቶዶክስ ተዋሕዶ ቤተክርስቲያን ርእሰ ሊቃነ ጳጳሳት ብጹእ አቡነ ማትያስ ፦ «የመንግስት የፀጥታ አካላት መዋቅሩ ይህንን የጥቃት ሰንሰለት በማስቆም ወንጀለኞችን ለሕግ ማቅረብ ይገባል» ሲሉ አሳሰቡ ።