የጠቅላይ ሚኒስትር ዐቢይ አሕመድ ብልፅግና ፓርቲ ለምርጫ የቀረበው መንግሥት የብርን የመግዛት አቅም ያዳከመ መዋቅራዊ የኢኮኖሚ ማሻሻያ እያደረገ በሚገኝበት ወቅት ነው። ዓለም አቀፉ የገንዘብ ድርጅት 486 ሚሊዮን ዶላር የሚለቀቅበት የተራዘመ የብድር አቅርቦት አምስተኛ ግምገማ ላይ ባለሙያዎቹ ከኢትዮጵያ ባለሥልጣናት ከሥምምነት መደረሳቸውን ገልጿል።

ውድ ተከታታዮቻችን! የኢትዮጵያ 7ኛ ጠቅላላ ምርጫ ድምፅ ቆጠራ ተጠናቅቆ እስከ አሁን የ723 የምርጫ ክልል ውጤቶችን መፅደቁና የቀሪ ምርጫ ክልሎች ውጤት ደግሞ በኦዲት ሥራ ላይ እንደሚገኝ ተገልጧል፡፡ በዚህ የቀጥታ ጡመራ (Live Blog) አገልግሎታችን ድህረ ምርጫን በተመለከተ ዶይቸ ቬለ ተከታትሎ አዳዲስ መረጃዎችን ለእናንተ ያደርሳል።

በአዲስ አበባ ትናንት ምርጫ በተከናወነባቸው 23 የምርጫ ክልሎች ሥር ባሉ የምርጫ ጣቢያዎች ላይ ጊዜያዊ ውጤት እየተለጠፈ ነው። እስከ እኩለ ቀን ገደማ ዘጋቢያችን ሰሎሞን ሙጬ በአምስት የምርጫ ጣቢያዎች ባደረገው ምልከታ፣ ሦስቱ የውጤት ቆጠራ ላይ ነበሩ።

ስማቸው እንዳይጠቀስ የፈለጉ የወልድያ ከተማ ነዋሪም የምርጫ ውጤቱ ዛሬ በምርጫ ጣቢያዎች መለጠፉን ገልጸው ወልድያ ግን ወደተለመደ ውሎዋ አልተመለሰችም ይላሉ።»ትራንስፖርትም ስሌለለ ዝም ብለን በእግራችን ወደ ቢሮ ገባን። ለጥፈዋል አሁን አላየሁትም»ብለዋል። #ምርጫ2018 #EthiopiaElection2026.

ከኢትዮጵያ ጠቅላላ ምርጫ ማግሥት ዶቼ ቬለ ያነጋገራቸዉ ጋዜጠኞች በተለያዩ የምርጫ ጣቢያዎች ለዘገባ ያደረጉት እንቅስቃሴ ፈታኝ እንደነበር ተናግረዋል። ፎቶ ማንሳት ክልክል የነበረባቸዉ ፤ ፖሊስም ሆነ የምርጫ አስፈፃሚ አካላት፤ „ተመለስ“ እያሉ ጋዜጠኞች እንዳይገቡ የከለከሉበት፤ የምርጫ ቦታዎች ነበሩ።

ነዋሪዎች በየምርጫው ጣቢያዎቹ በመገኘት ውጤቶችን ሲመለከቱ ውለዋል ፡፡ በከተማው የአዲስ አበባ ቀበሌ ምርጫ አስፈጻሚ ቢኒያም ድንቁ እና የሰላም አደባባይ ምርጫ አስፈጻሚ ቢኒያም በላይነህ በጣቢያው በድምፅ መስጠትም ሆነ በቆጠራ ሂደት ያጋጠመ ችግር አለመኖሩን ጠቅሰዋል። #ምርጫ2018 #EthiopiaElection2026.

የብልፅግና ፓርቲ ፕሬዝደንት ከኢዜማ እና ከነፃነትና እኩልነት ፓርቲ ዕጩዎች ጋር ለሕዝብ ተወካዮች ምክር ቤት የሚወዳደሩበት ጎማ 2 የምርጫ ክልልን ጨምሮ በጅማ እና አጋሮ አካባቢዎች በምርጫ ጣቢያዎች ጊዜያዊ ውጤት ተለጥፏል።

የፌደራል መንግስትና ህወሐትን ከሚያጋጩአቸው ነጥቦች ሌላኛው «ጽምዶ» ነው። ለአጭር ጊዜ ዓላማ የሚደረግ መቀናጆ እንደማለት ነው። ጠቅላይ ሚኒስትር ዶክተር ዓብይ አሕመድና ሌሎች ከፍተኛ ወታደራዊ ሹማምንት ይህን መቀናጆ ሲያወግዙ ተደምጠዋል።

ትናንት ግንቦት 24 ቀን 2018 ዓ/ም ኢትዮጵያውያን በመጭው አመስት አመታት የሚያስተዳድራቸውን ለመምረጥ ድምፅ ሲሰጡ ውለዋል። ከ54 ሚሊዮን በላይ መራጮች በተመዘገቡበት 7ኛው ጠቅላላ ምርጫ አሸናፊው አካል በቀጣይ አምስት አመታት ሀገሪቱን የማስተዳደር ሀላፊነት ይጣልበታል።ለመሆኑ ከመጭው አዲስ አመራር ምን ይጠበቃል?

በኦሮሚያ ክልል በአዳማ፣ ቢሾፍቱና ሸገር ከተሞች በየምርጫ ጣቢያዎች ጊዜያዊ ውጤት ሲለጠፍ ውሏል፡፡ ምርጫው በተረጋጋ ሁኔታ ተጠናቋል በተባለባቸው አካባቢዎች አሁን ድምጾችን ከየምርጫ ጣቢያዎች ወደ ምርጫ ክልሎች የማሰባሰብ ስራም እየተገባደደ ስለመሆኑ የቦርዱ አስተባባሪዎች ይናገራሉ፡፡