ከኢትዮጵያ ሁለት የከተማ አስተዳደሮች አንዷ የሆነችው ድሬደዋ ሁለት የሕዝብ ተወካዮች ምክር ቤት መቀመጫዎች ነገ ሰኞ ድምጽ ይሰጥባቸዋል። በቅርብ ርቀት ላይ በሚገኘው የሐረሪ ክልል በተመሳሳይ ሁለት የሕዝብ ተወካዮች ምክር ቤቶች መቀመጫዎች ድምጽ ይሰጥባቸዋል። በዕለቱ የድሬደዋ ምክር ቤት 189፣ የሐረሪ ክልል ምክር ቤት 36 አባላት ይመረጣሉ።

ኢትዮጵያ 54 ሚሊዮን ሕዝብ በመራጭነት ተመዝግቦበታል የተባለለትን ጠቅላላ ምርጫ ልታደርግ ዋዜማ ላይ ነች። ርእሠ ከተማ አዲስ አበባ ነገ ሰኞ ግንቦት 24 ቀን በሚከናወነው ምርጫ ዋዜማ ላይ ምን ትመስላለች የሚለውን በጥቂቱ ዳሰናል።

የሶማሌ ክልል በሕዝብ ተወካዮች ምክር ቤት ላሉት 23 መቀመጫዎች ገዢው ብልፅግና ፓርቲን ጨምሮ የ12 የፖለቲካ ፓርቲዎች ዕጩዎች እና አራት የግል ተወዳዳሪዎች ለምርጫ ቀርበዋል። ለክልሉ ምክር ቤት 273 መቀመጫዎች የሚወዳደሩት 12 የፖለቲካ ፓርቲዎች ዕጩዎች እና 39 የግል ተወዳዳሪዎች ናቸው።

አርሰናል በፍጹም ቅጣት ምት በፓሪ ሳንጃርሞ ከመሸነፉ በፊት የምርጫ የጥሞና ጊዜ እና የቻምፒዮንስ ሊግ የፍጻሜ ጨዋታ የፈጠረው ስሜት በአዲስ አበባ ሲጋጩ የዶቸ ቬለው ጋዜጠኛ ነጋሽ መሐመድ ታዝቧል። የእግር ኳስ ወዳጆች ከዚህ ቀደም በአደባባይ ባሳዩት ስሜት ምክንያት የጸጥታ አስከባሪዎች ቁጥጥር ሲያደርጉ ተመልክቷል።

ከአዲስ አበባ የተነሳው የዶቸ ቬለ ጋዜጠኛ ታምራት ዲንሳ በኦሮሚያ ክልል በደቡብ ምዕራብ ሸዋ ዞን እንዲሁም ወሊሶ እና ወልቂጤን በመሳሰሉ ከተሞች ያለውን የምርጫ ድባብ ታዝቧል። በጉዞው የምርጫ ጣቢያዎችን እንቅስቃሴ ከመመልከት ባሻገር አርሶ አደሮችን እና አሽከርካሪዎችን አነጋግሯል።

በኢትዮጵያ በተለያዩ አካባቢዎች የሚከሰቱ ግጭቶችና የጸጥታ መደፍረሶች ዋንኛ ተዋናይ ባይሆኑም ቀዳሚ ተጎጂዎች እናቶች እና ሴቶች ናቸው። የዕለት ተዕለት የኢኮኖሚው ውላፈን ይገርፋቸዋል፤ የዋጋ ንረት በቀጥታ የሚያርፈው በእነሱ ትከሻ ላይ ነው። ሰባተኛውን የኢትዮጵያ ምርጫ ሲያስቡ ሴቶች ምን ይላሉ?

የአማራ ፋኖ ብሔራዊ ንቅናቄ ከአርብ እስከ ማክሰኞ በአማራ ክልል ከአምቡላንስ በስተቀር የተሽከርካሪ እንቅስቃሴ እንደማይኖር አሳስቧል። ከመንግሥት ጋር ዉጊያ ላይ ያለው ይህ ኃይል በብሔራዊ ምርጫ ቦርድ የቁሳቁስ ስርጭት ሥራ ላይ የፈጠረው እክል ስለመኖሩ የተጠየቁት የቦርዱ ሰብሳቢ "ከምርጫ ቦርድ ሠራተኛ ቆመናል የሚል ሪፖርት የለም" ብለዋል።

የቆቦው ወጣት “ሀገርም እየፈረሰች ቢሆን ምርጫ ግዴታ ነው” የሚል ዕምነት አለው። የደሴው ነዋሪ “በጫካ ውስጥ ያሉት አካላቶች የመጨረሻው ግባቸው ሊሆን የሚችለው ምርጫ ነው” ብሎ ይጠብቃል። ከቅርብ ርቀት ተኩስ የሚሰማው የመካነ ሰላም ወጣት በአካባቢው በሚካሔደው ግጭት ምክንያት “መጀመሪያ ሰላም ሳይኖር ምርጫ አለ እንዴ?” ሲል ይጠይቃል።

ከነገ በስቲያ ሰኞ የሚካሄደው የኢትዮጵያ 7ኛው ጠቅላላ ምርጫ በመራጮች ብዛት በአፍሪካ ቀዳሚ ከሚባሉት ምርጫዎች አንዱ ለመሆን በቅቷል ፡፡ የኢትዮጵያው ጠቅላላ ምርጫ በ2023 በናይጄሪያ እና በ2025 ደግሞ በግብፅ የተካሄዱ ምርጫዎችን ተከትሎ በመራጮች ብዛት ከአፍሪካ ሦስተኛው ይሆናል ተብሎ ይጠበቃል።

በኦሮሚያ ክልል ምስራቅ ሸዋ ዞን ቢሾፍቱ ከተማ ሰኞ ለሚካሔደው ጠቅላላ ምርጫ ዝግጅት ማጠናቀቁን የአካባቢው የምርጫ ቦርድ ማስተባበሪያ አስታወቀ። በኦሮሚያ መንግስትን በትጥቅ የሚወጋው የኦሮሞ ነጻነት ሰራዊት ምርጫውን በመንቀፍ መግለጫ አውጥቷል፡፡ የክልሉ ፖሊስ ምርጫው በፀጥታ ችግር እንዳይፈተን በቂ ዝግጅት መደረጉን ገልጿል።