ሰኞ ግንቦት 24 ቀን 2018 ዓ.ም. ለሚካሄደው ምርጫ ከነገ ሐሙስ ግንቦት 20 ጀምሮ ያሉ አራት ቀናት የጥሞና ቀናት ሆኖ እንደሚቆይ የብሔራዊ ምርጫ ቦርድ አስታውቋል። በምርጫ ቦርዱ የተቀመጡ የቅስቀሳ መርኀ ግብሮች መገባደዳቸውን ተከትሎ በምርጫው የሚሳተፉ የፖለቲካ ድርጅቶችም በአደባባይም ጭምር የሚደርጉትን ቅስቀሳ እያጠናቀቁ መሆኑ ተገልጧል።

እነዚህ የስማርት መነፅሮች ካሜራ፣ ማይክሮፎን፣ ድምጽ ማጉያዎች፣ ዳሳሾች/ሴንሰሮች/ እና እንደ ኮምፒውተር ቺፕስ ያሉ ትናንሽ የኤሌክትሮኒክስ ክፍሎች ያሏቸው ሲሆን፤ ከኢንተርኔት ጋር በብሉቱዝ ወይም በዋይፋይ ይገናኛሉ።በዚህም ያለ እጅ ንክኪ በድምፅ ትዕዛዝ ብቻ ሙዚቃ ማዳመጥ፣ የስልክ ጥሪ መቀበል፣ ቢዲዮ መቅረፅ እና ፎቶ ማንስሳትም ይችላሉ።

በደቡብ ኢትዮጵያ ክልል የሚገኙ ተፎካካሪ ፓርቲዎቸ የማጠቃለያ የምረጡኝ ቅስቀሳ ማድጋቸውን የየፓርቲዎቹ አመራሮች ገለፁ። በቅስቀሳው በአንዳንድ አካባቢዎች ካጋጠማቸው መለስተኛ ተፅዕኖዎች በስተቀር አማራጭ ሀሳባቸውን ለመራጩ ሕዝብ መድረሳቸውን አመራሮቹ ለዶቼ ቬለ ተናግረዋል።

በቀድሞው የኬንያ ፕሬዝዳንት ኡሁሩ ኬንያታ የሚመራ የአፍሪካ ሕብረት የምርጫ ታዛቢዎች ቡድን ግንቦት 24 ቀን የሚካሄደውን የኢትዮጵያ አጠቃላይ ምርጫ ለመታዘብ ትናንት አዲስ አበባ መግባቱን የአፍሪካ ሕብረት አስታውቋል።

በትግራይ ክልል የወጣቶች «የግዳጅ ምልመላ» እየተደረገ መሆኑን ቅድሚያ ለሰብአዊ መብቶች ኢትዮጵያ የተባለው ሀገር በቀል የሲቪክ ድርጅት ገለፀ። ድርጅቱ ይህንን በተመለከተ «ብዛት ያላቸው ጥቆማዎች እየደረሱት» መሆኑን እና ድርጊቱንም «የጦር ወንጀል» አድርጎ እንደሚመለከተው ለዶቼ ቬለ አስታውቋል።

ኢትዮጵያ በመጪው ሰኞ ግንቦት 24 ቀን 2018 ዓም ሀገራዊ ምርጫ ለማካሄድ ዝግጅቷን አገባዳለች። በተለያዩ አካባቢዎች የመጨረሻው የምርጫ ቅስቀሳ መከናወኑ እየተሰማ ነው። በተጠቀሰው ቀን ግን ትግራይ ክልል ምርጫ አይካሄድም።

በሚሊዮኖች የሚቆጠሩ አባላት ያሉት ብልጽግና ፓርቲ በሰባተኛው አጠቃላይ ምርጫ ከተከፋፈሉ እና ከተዳከሙ ተቃሚዎች ይወዳደራል። ብልጽግና በሺሕዎች የሚቆጠሩ አባላት እና ደጋፊዎቹን ለምረጡኝ ቅስቀሳ ሲያሰልፍ ተቃዋሚዎች የጸጥታ ሥጋት እና ክልከላ ተፈታትነዋቸዋል። ጠቅላይ ሚኒስትር ዐቢይ ምርጫውን “የሀገራችንን እጣ-ፈንታ የምንበይንበት” ብለውታል።

የጀርመን የሲቪል መከላከያን የማጠናከር እቅድ

የኢትዮጵያ ብሔራዊ ምርጫ ቦርድ በትግራይ ክልል በ38 ምርጫ ክልሎች [ማለትም ሙሉ በሙሉ] እንዲሁም በአማራ ክልል በ8 ምርጫ ክልሎች ሰኞ ግንቦት 24 ምርጫ እንደማይደረግ ገለፀ። ይህ ማለት ግን በእነዚህ አካባቢዎች «ሁል ጊዜ [ምርጫ] ሳይደረግ ይቀራል ማለት ሳይሆን» አስቻይ ኹኔታ ሲኖር ሥራው ወደፊት ይቀጥላል ተብሏል ።

የጤና ሚኒስቴር በኦመት ሁለት ጊዜ በመርፌ የሚሰጥ የHIV ተሐዋሲ መድኃኒት ሀገር ውስጥ አስገብቶ ለመስጠት መዘጋጀቱን ይፋ አድርጓል። የተባለው መድኃኒት በመርፌ የሚሰጠው በተሐዋሲው ለመያዝ ታጋላጭ ለሆኑና ተሐዋሲው በደማቸው ለሌለ ሰዎች የሚሰጥ ነው። ለምን?