የኢትዮጵያ መንግሥት የ2018 የመጀመሪያ መንፈቅ የሀገር ውስጥ ብድር ወለድ ክፍያ 126.5 ቢሊዮን ብር ደርሷል። ወለዱ በስድስት ወራት ለዕዳ ከተመደበው በጀት 64.6% ድርሻ አለው። ከ2017 ተመሣሣይ ወቅት ሲነጻጸር ከ250 በመቶ በላይ ጨምሯል። ባለፈው ዓመት የመጀመሪያ ስድስት ወራት ለሀገር ውስጥ ወለድ መንግሥት 36 ቢሊዮን ብር ከፍሎ ነበር።

የማኅበራዊ መገናኛ ዘዴዎች ሰዎች ተሰጦዎቻቸውን እንዲያወጡ፣ ሀሳቦችን እንዲያካፍሉ እና መስተጋብር እንዲፈጥሩ ያግዛሉ። በዚያው ልክ፤መድረኮችቹ የሳይበር ጉልበተኞች ጥቃት የሚስፋፋባቸው ቦታዎች እየሆኑ ነው። በተለይ ወጣት ሴቶች ለዚህ ጥቃት የበለጠ ተጋላጭ ሲሆኑ፤ራስን እስከማጥፋት የሚያደርስ ሥነልቡናዊ ጫና እንደሚፈጥርም ጥናቶች ያሳያሉ።

ሮይተርስ የዜና ወኪል አሜሪካ በቀይ ባሕር ዳርቻ ቁልፍ ቦታ ላይ በምትገኘው በኤርትራ ላይ የጣለቻቸውን ማዕቀቦች ልታነሳ መሆኗን የሚያመለክት የአሜሪካ መንግሥት ውስጣዊ ሰነድ ስለማሳየቱ ዘግቧል። አሜሪካ የቆየ የኤርትራ ማዕቀቦችን ለማንሳት ማጤን ለአገሪቱ ይዞላት የሚመጣው በረከት እና በዚህ ውስጥ የኢትዮጵያ እጣ ፈንታ ላይ ምን ያስከትል ይሆን?

በደቡብ አፍሪቃ የሚኖሩ ኢትዮጵያውያን በተለየ መንገድ የጥቃት ኢላማ የኾኑት ከተሰማሩበት የንግድ ሥራ ዘርፍ ጋር በተያያዘ መሆኑን አንድ አንጋፋ የፍልሰት ጉዳይ ተንታኝ ተናገሩ ።በደቡብ አፍሪቃ የሚንቀሳቀሱ የአንዳንድ የፖለቲካ ፓርቲዎች ንግግርም፣ እየቀጠለ ለመጣው የመጤ ጠል እንቅስቃሴና ጥቃት አንዱ ምክንያት መኾኑን ተንታኙ አሰረድተዋል ።

በአላማጣ ከተማና አካባቢው የሚገኙ ወጣቶች ወደ ተለያዩ የኢትዮጵያ ከተሞችና አረብ ሃገራት በስደት እያመሩ መሆኑን ገለጹ። ወጣቶቹ ዳግም ጦርነት ሊቀሰቀስ ይችላል የሚል ሥጋት ገብቷቸዋል ፤ በፖለቲካ አመለካከታችንም ለእስር እየተዳረግን ነው ብለዋል ።

ሱዳን ከኢትየጵያ ግዛት ባሕርዳር ከተማ ተነሱ ባለቻቸው ሰው አልባ ጢያራዎች (ድሮኖች) ዋና ከተማዋ ካርቱም አየር ማረፍ ላይ ጥቃት መፈጹሙን ትናንት ዐሳውቃለች ። የኢትዮጵያ የውጭ ጉዳይ ሚኒስቴር በበኩሉ የሱዳንን ውንጀላ «መሠረት የለሽ» ሲል አጣጥሎታል።

ከስድስት ዓመት በፊት የተቋቋመው የትግራይ ክልል ምክር ቤት የሕዝባዊ ወያኔ ሓርነት ትግራይ (ሕወሓት) ሊቀመንበርን የክልሉ ፕሬዝዳንት አድርጎ ማክሰኞ፤ ሚያዝያ 27 ቀን፣ 2018 ዓ.ም መርጧል። የክልሉ ምክር ቤት ወደ ሥራ የተመለሰው በህወሓት ውሳኔ ሲሆን፣ ይህንን ተከትሎ ርምጃውን የሚነቅፉ አስተያየቶች ከልዩ ልዩ አካላት እየተሰማ ነው።

ዩናይትድ ስቴትስ ጀርመን የሚገኙ ወደ 5 ሺህ የሚጠጉ ወታደሮቿን እንደምታሳውጣ ባለፈው ሳምንት ማሳወቋ በጀርመን ብሎም በአውሮጳ የሰሞኑ ዐቢይ የመነጋገሪያ ርዕስ ሆኗል። ይህ የአሜሪካን ውሳኔ የጀርመን መራኄ መንግሥት ዋሽንግተን በኢራን ላይ የከፈተችውን ጦርነት ስልት ከተቹ በኋላ ይፋ መደረጉ ጉዳዩ ይበልጥ ትኩረት እንዲስብ አድርጓል።

የጥንት ኢትዮጵያዊያን አርበኞች ድል 85 ኛው ዓመት መታሰቢያ በዛሬዉ ዕለት ታስቦ ዉሏል። ሚያዚያ 27 ኢትዮጵያውያን የፋሽስት ወረራን በሕብረትና በአርበኝነት ተጋድሎ የቀለበሱበት ቀን ነው። ይህ ድል ኢትዮጵያውያን ላይ ከፍተኛ ውድመት፣ እልቂት ከደረሰ እና መስዋዕትነት ከተከፈለ በኋላ የተገኘ ነዉ።

በ7ኛው ሀገራዊ ምርጫ በደቡብ ወሎ ዞን የሚሳተፉ ተፎካካሪ የፖለቲካ ፓርቲዎች፤ ገዢው ፓርቲ የመንግሥት መዋቅርን በመጠቀም እያደረሰብን ያለው ተጽዕኖ እና በአካባቢው ያለው የጸጥታ ስጋት ለምርጫ ቅስቀሳ ሥራችን እንቅፋት ሆኖብናል አሉ። ፓርቲዎቹ ይህ የምርጫውን ታማኝነት ጥያቄ ውስጥ የሚከተዉ ነዉ ብለዋል።