የኢትዮጵያ መንግሥት የነዳጅ ችርቻሮ መሸጫ ዋጋ ላይ ትናንት ጉልህ ጭማሪ አድጓል። በዚህ መሠረት በሊትር 23 ብር ጭማሪ የተደረገበት ቤንዚን 167 ብር ከ50 ሳንቲም እየተሸጠ ነው። ኬሮሲን እና የአውሮፕላን ነዳጅ ደግሞ ከእጥፍ በላይ የዋጋ ጭማሪ ተደርጎባቸዋል። አንድ የምጣኔ ሐብት ባለሙያ ኹኔታው አደጋ እንዳይፈጥር ሥጋታቸውን ገልፀዋል።

የአሜሪካ የጦር ሚኒስቴር (ፔንታጎን) በጀርመን ከሰፈሩት ወታደሮቹ ቢያንስ አምስት ሺውን የሚያስወጣ መሆኑን ባለፈው አርብ አስታውቋል።ፕሬዚዳንት ትራምፕ በማግስቱ በሰጡት መግለጫም ተጨማሪ ወታደራች ከጀርመን ሊወጡ እንደሚችሉ ብቻ ሳይሆን በጣሊያንና ስፔን ካሉት ወታደሮችም ተመላሾች ሊኖሩ እንደሚችሉ ፍንጭ ስተዋል።

ለደን ሀብት መመናመን ዋነኛ ምክንያቱ በአብዛኛው ሰዎች ቢሆኑም የተራቆተ አካባቢን በዛፍና ተክሎች ሸፍነው አረንጓዴ የሚያለብሱትም ያው ሰዎች ናቸው። የዛሬው የጤና እና አካባቢ በቤንሻንጉል ጉሙዝ ክልል አሶሳ ከተማ ከ30 ዓመታት በላይ የተራቆተ አካባቢን በሀገር በቀል ዛፎች፣ አትክልትና ፍራፍሬዎች በማልበስ የተሸለሙ ሰው ያስተዋውቀናል ።

በህወሓት ውሳኔ መሠረት በጳጉሜ 2012 በተካሔደው እና ፌድራል መንግሥት “ሕገ-ወጥ” ባለው ምርጫ የተመሠረተው የትግራይ ክልል ምክር ቤት በመጪዎቹ ቀናት ይሰበሰባል ተብሎ ይጠበቃል። የምክር ቤቱ ወደ ሥራ መመለስም ይሁን የሚያሳልፋቸው ውሳኔዎች የትግራይ ክልል እና የኢትዮጵያ ፌደራል መንግሥት ቀጣይ ግንኙነት ምን እንደሚመስል የሚበይኑ ይሆናል።

በሆርሙዝ ሰርጥ የሚተላለፉ መርከቦችን ማጅብ እጀምራለሁ ያላቸው አሜሪካን ዛሬ የተወሰኑ መርኮቦችን በስርጡ ማሰለፏን አስታውቃለች። ትራምፕ ቀደም ሲል ፕሬዚዳንት ትራምፕ ትሩዝ ሶሻል በተሰኘው ማኅበራዊ መገናኛቸዉ ላይ እንደገለፁት «ከዓለም ዙሪያ የተውጣጡ ሀገራት» በዚህ ዘመቻ ላይ እንዲሳተፉ ተጠይቀዋል።

በደቡብ ኢትዮጵያ ክልል የሚገኙ ተፎካካሪ ፓርቲዎች በመጪው ግንቦት ለሚካሄደው 7ኛው ጠቅላላ ምርጫ የምረጡኝ ቅስቀሳ በማካሄድ ላይ ናቸው ፡፡ በክልል እና በዞኖች ላይ ቅስቀሳዎቻቸውን ያለምንም ችግር ማከናወን መቻላቸውን የተናገሩት የተፎካካሪ ፓርቲ አመራሮች «በወረዳ ደረጃ ግን የተለያዩ ጫናዎች አጋጥሞናል» ብለዋል ፡፡

የጋዜጠኝነት ሙያ በራሱ የተለያዩ ተጋላጭ ሁኔታዎች ውስጥ የሚያስገባ ሙያ ሆኖ ሳለ በኢትዮጵያ ነባራዊ ሁኔታ ብዙ ጋዜጠኖች ከሙያቸው ውጪ ሆነዋል ሲል አስተያየቱን ለዶይቼ ቬለ የሰጠው በጋዜጠኝነት ሙያው ከ30 ዓመት በላይ ልምድ ያለው ጋዜጠኛ ጥበቡ በለጠ፤ “በተለይዩ እስር ቤቶች ውስጥ ያሉ ጋዜጠኞቻችን አፋጣኝ ፍትህ ይሻቸዋል”ብለዋል፡፡

የኢትዮጵያ ሶሻል ዴሞክራቲክ ፖርቲ (ኢሶዴፓ) ቦርዱ ለሕዝብ ይፋ ያደረጋቸውን 309 ዕጩዎች ሕጋዊ መስፈርቱን ተከትሎ መመዝገቡን፣ የተመዘገቡ 309 "ዕጩዎች ልዩ መብት" እንዲከበር ዶክተር ራሔል ባፌ ለቦርድ በጻፉት ደብዳቤ ጠይቀዋል። "ስህተት ያልሰሩ ዕጩዎችን ከመሬት ተነስቶ ነዉ ከምርጫው ወጥተዋል ያለው።" ሲሉም ለዶቼቬለ ተናግረዋል።

በአውሮጳ ሻምፒዮንስ ሊግ እግር ኳስ በነገው ምሽት አርሰናል እና አትሌቲኮ ማድሪድ ይፋለማሉ ። የአትሌቲኮ ማድሪዱ አንቷን ግሪዝማን በሻምፒዮንስ ሊግ ፍጻሜ ያላጠናቀቀውን የቤት ሥራ ነገ ማታ አርሰናል ላይ ለመፈጸም ዝቷል ። የዕድሜ ጉዳይ በኢትዮጵያ አትሌቲክስ እጅግ አነጋጋሪ ኹኗል ። ሙሉውን ዘገባ በድምፅና በጽሑፍ በማገናኛው ማግኘት ይቻላል ።

ከ20 በላይ ሀገራዊ እና ከ40 በላይ ክልላዊ ፓርቲዎች ይሳተፉበታል የተባለው ሰባተኛው የኢትዮጵያ ጠቅላላ ምርጫ ሊካሄድ በኢትዮጵያ ብሔራዊ ምርጫ ቦርድ የጊዜ ሰሌዳ መሠረት የአንድ ወር ጊዜ ነው የቀረው። ቦርዱ በስድስት ክልሎች «የፀጥታ እና አስቻይ የፖለቲካ ምህዳር»ን እንዲገመግም ያደራጀውን ቡድን ማሰማራቱን ባለፈው ሳምንት አስታውቋል።