የዛሬው የወጣቶች ዓለም ዝግጅት እንግዳችን ከደቡብ ኢትዮጵያ ተነስቶ አዲስ አበባ ድረስ በእግሩ እየተጓዘ ያለ የ20 ዓመት ወጣት ነው። ዛሬ ጉዞውን አጠናቆ አዲስ አበባ ለመግባት እቅድ ይዟል። በመኪና የአንድ ቀን ጉዞ የሆነውን መንገድ ለምን በእግሩ መጓዝን እንደመረጠ እና በጉዞው የገጠሙትን ነገሮች አጫውቶናል።

በማዕከላዊ ኢትዮጵያ ክልል ምሥራቅ ጉራጌ ዞን ምሥራቅ መስቃን ወረዳ አራት የአንድ ቤተሰብ አባላትን ጨምሮ አምስት ሰዎች በታጣቂች ተገደሉ። ታጣቂዎቹ ጥቃቱን ያደረሱት ትናንት ከሌሊቱ ዘጠኝ ሰዓት ላይ የተኙበት ገብተው መሣሪያ በመተኮስ መሆኑን የአካባቢው ነዋሪዎች እና የሟች ዘመዶች ለዶቼ ቬሌ ተናግረዋል።

በአማራ ክልል ዋግምራ ብሔረሰብ አስተዳደር አበርገሌ ወረዳ ከዘጠኝ ቀናት በፊት በተከሰተ ግጭት የወረዳው ሰላምና ፀጥታ ጽሕፈት ቤት ኃላፊን ጨምሮ ሰባት ሰዎች መሞታቸውንና ከ40 በላይ ሰዎች መታገታቸውን የአካባቢው ነዋሪዎችና የወረዳው አስተዳደር ገለጹ።

የጉሙዝ ሕዝብ ዴሞክራሲያዊ ንቅናቄ(ጉ.ህ.ዴ.ን) በፓርቲው ስም ወደ ትጥቅ ትግል የገቡ ቡድኖችን አወገዘ። ፓርቲው የሰላም ጥሪን ያልተቀበሉ ታጣቂዎች በሰዎች ላይ ጉዳት እንደሚያደርሱ ጠቅሶ ቡድኑም ከፓርቲው ጋር ግንኙነት እንደሌለው የፓርቲው ሊቀመንበር አቶ ግራኝ ጉዴታ ተናግረዋል።

ህወሓት በትግራይ ክልል «ምን ዓይነት ሥርዓት ይኑር» በሚለው ላይ ሰሞኑን ውይይት እየተደረገ መሆኑን ለዶቼ ቬለ ገለፀ። ድርጅቱ የትግራይ ክልል ጊዜያዊ አስተዳደር ፕሬዝዳንት ሥልጣን በፌዴራል መንግሥት «የተናጠል» ያለው ውሳኔ መራዘሙ የፕሪቶሪያን ስምምነት አፍርሶታል በሚል ነው ይህን እያደረገ ያለው።

ዓለም አቀፉ የሰብአዊ መብት ድርጅት ሂውማን ራይትስ ዎች ትናንት ባወጣው መግለጫ በሳውድ አረቢያ የሞት ቅጣት ከተፈረደባቸው ስደተኖች መካከል በክሃሚስ ሙሼት እስር ቤት የሚገኙ ቢያንስ 65 የሚሆኑ ኢትዮጵያውያን ከሞት አፋፍ ላይ መሆናቸውን አሳስቧል።

የኢትዮጵያ ፋይናንስት ሚኒስትር አህመድ ሺዴ እንዳሉት የአገሪቱ ዕለታዊ የናፍጣ አቅርቦት የመካከለኛውን ምሥራቅ ቀውስ ተከትሎ በግማሽ የቀነሰ ቢሆንም አሁን ግን አቅርቦቱ ቀደም ሲል ወደ ነበረበት እንዲመለስ መንግሥት ወስኗል።

ፊልሙ በቀጣይ በአገራችን ነባር ባህላዊ እሴቶችን መሠረት ያደረጉ ፊልሞች እንዲሠሩ ሊያነቃቃ ይችላል የሚል እምነት እንዳለው የተናገረው የአፊኒ ፊልም ደራሲው እለፋቸው ብርሃኑ “ ምክንያቱም ፊልሞች የአንድን ማህበረሰቡ ሁለንታናዊ ገጽታ መመልከቻ መስታወት ናቸው ፡፡

ናሳ ያለፈው ማክሰኞ፣ በጎርጎሪያኑ ሚያዚያ 22 ቀን ፣ ከስርዓተ ፀሐይ/ Solar System/ ውጭ ያሉ ፕላኔቶችን ለመፈለግ እና ያልታወቀ ቁስ ሀይልን ሚስጥሮችን ለመመርመር አዲስ ቴሌስኮፕ ይፋ አድርጓል። በመጭው መስከረም ተልዕኮውን ለመጀመር ወደ አፅናፈ ዓለም ወይም ዩንቨርስ የምትጓዘው ይህቺ ቴሌስኮፕ ሮማን የሚል ስም ተሰጥቷታል።

በአማራ ክልል በተለያዩ አካባቢዎች የተከሰተው የነዳጅ እጥረት አሽከርካሪዎችን ለከፋ ማህበራዊና ኢኮኖሚያዊ ቀውስ መዳረጉ ተገለጸ። አሽከርካሪዎች፣ ከሁለት ሳምንት እስከ አንድ ወር ለሚደርስ ጊዜ ስራ በማቆማቸው ለቤት ኪራይና ለዕለት ጉርስ መቸገራቸውን ተናግረዋል።