በሱዳን እና በደቡብ ሱዳን መካከል አጣብቂኝ ውስጥ የገቡት እና እራሳቸውን የሚያስተዳድሩት የኑባ ተራሮች ህዝብ ፤በሱዳን ጦርነት ውስብስብ ፈተና እያጋጠማቸው ነው። በአንድ በኩል የድሮን ጥቃት በሌላ በኩል ረሀብ እና ነዋሪዎች መደገፍ የማይችሉት በመቶ ሺዎች የሚቆጠሩ ስደተኞችንም እያስተናገዱ ነው።

ትራምፕ በቃለ ምልልሳቸው ኢራን ለኒኩለር ማብለያነት የምትጠቀምበት ዩራንየም ለአሜሪካ ልትሰጥ ተስማምታለች ብለዋል። ኢራን ግን ያበለጸገችው የዩራንየም ክምችቷ የትም እንደማይሄድ አስታውቃለች።

የአፍሪካ ቀንድ ቀጣና ሙሉ ሰላማዊ የሚሆነው የኢትዮጵያ የባህር በር ጥያቄ ሲመለስ መሆኑን ጠቅላይ ሚኒስትር ዐቢይ አህመድ ገለጹ፡፡ አስተያየታቸውን ለዶይቼ ቬለ የሰጡ ተንታኞች በፊናቸው የኢትዮጵያ የባህር በር ተጠቃሚ መሆኑ ከሌሎች ይልቅ እራሷን በኢኮኖሚ እና ደህንነት ጠንካራ ያደርጋታል ብለዋል።

በአማራ ክልል መጠለያ ጣቢያዎች የሚገኙና ከኦሮሚያ ክልል ሆሮ ጉድሩ ጃርቴ ተፈናቅለው ስድስት ዓመታት ያስቆጠሩ ወገኖች፣ ወደ ቀድሞ ቀያቸው ተመልሰው ራሳቸውን ለመርዳት የዘላቂ መፍትሔ ጥሪ አቀረቡ። የአማራ ክልል አደጋ መከላከልና ስራ አመራር ኮሚሽን ጉዳዩን ለማሳካት እየሰራሁ ነዉ ብሏል። ቅድምያ የሚሰጠዉ ግን ደህንነትና ሰላምን ማረጋገጥ ነዉ።

የኦሮሞ ጥናት ማኅበር፣በግጭት አፈታት እና በሰላም ግንባታ ላይ ያተኮረ ጉባኤ አካሄደ። የማኅበሩ ፕሬዚዳንት ዶ/ር ኢብራሂም አማኢ ኤሌሞ፣ለዶቼ ቬለ እንዳስታወቁት፣በጉባኤው ላይ፣ ባለፉት በርካታ ምዕተ ዓመታት የኦሮሞ ህዝብ ሰላምና መረጋጋትን በማስፈን ረገድ ስላለው ሚና እና ተያያዥ ጉዳዮች ጥናቶች ቀርበውበታል።

የቀድሞው የሴኔጋል ፕሬዝዳንት ማኪ ሳል፣ ቀጣዩ የተባበሩት መንግስታት ድርጅት ዋና ፀሐፊ ለመኾን እንዲወዳደሩ ከጥቂት ሳምንታት በፊት በቡሩንዲ የቀረበውን ሐሳብ ያልተቀበለው የአፍሪካ ሕብረት፣ እስካሁን ሌላ የጋራ ዕጩ አላፀደቀም። አገራቸው ሴኔጋልም የማኪ ሳልን ዕጩነት ከየሰብዓዊ መብት ጥሰቶች ጋር በተያያዘ መቃወሟ ተ።መልክቷል።

በአሁን ዘመን አንድን ሰው ስልክ ደውሎ ማናገር ከመቼውም በላይ ቀላል ነው ፣ ይሁንና በእርግጥ ይህን እናደርጋለን? ወይስ የጽሁፍ ወይም የድምፅ መልዕክት መላኩ ይቀናናል? በተለይ ደግሞ በወጣቱ ዘንድ ያለው ተሞክሮ ምን ይመስላል?

«የኢትዮጵያ ቡና እንደ ባህልም ነዉ። ኢትዮጵያ አረቢካ ቡና የተገኘበት ሃገርም ነዉ። ቡናዉ በራሱ የቱሪስት መስዕብ ነዉ። እኛ ኢትዮጵያዉያን ነን ብለን ስንናገር፤ ብዙዎች አረቢካ ቡና የተገኘበት ሃገር ይሉናል። ጀርመኖች ደግሞ ከሌላዉ ሃገር ይልቅ የኢትዮጵያን ቡና ነዉ መግዛት የሚፈልጉት፤ እንደ ቅመም ነዉ የሚጠቀሙበት ያደባልቁታል» ፈትያ ሹበርት

በአምቦ ከተማ የተደራጁ ጉልበተኞች ሰዎች የሚደበድቡበት ድርጊት በርካቶችን አስደንግጧል። የከተማ ነዋሪዎች እንደሚሉት ጉዳዩ ቀድመው የሚያውቁት የተሳቀቁበት ድርጊት ነው። አንድ የከተማው ነዋሪ “ብትናገር ትሞታለህ” ሲሉ አደገኛ እንደሆነ ተናግረዋል። ሌላ ነዋሪ በበኩላቸው “መናገር አንችልም፤ ፈጣሪ እውነቱን ያወጣል ብለን ነበር ዝም ያልንው” ይላሉ።

የ8 ሰዎች ሕይወት ካለፈበት የራያ ቆቦ የጎርፍ አደጋ አሁንም ከ30 በላይ ሰዎች አሁንም የደረሱበት አይታወቅም ተባለ። በሰሜን ወሎ ዞን ራያ ቆቦ ወረዳ በሚገኝ ቤተ-ክርስቲያን የጸበል ሥፍራ አደጋው የደረሰው ሚያዝያ 2 ቀን 2018 ነበር። በወቅቱ ከ50 እስከ 60 ሰዎች በቦታው ነበሩ ተብሎ እንደሚታመን የአካባቢው ባለሥልጣናት ተናግረዋል።