ሁለት የፖሊስ መኮንኖች እና አንድ የመከላከያ ሠራዊት አባል ሚያዝያ 6 ቀን 2018 በምሥራቅ ጉራጌ ዞን ቀሬ በተባለ አካባቢ በታጣቂዎች ተገድለዋል። የማዕከላዊ ኢትዮጵያ ክልል ፖሊስ ኮሚሽን የሚዲያ ክፍል ኃላፊ ኮማንደር ታጁ ነጋሽ ሌሎች መንገደኞች ላፕቶፖችና ስልኮችን መዘረፋቸውን ገልጸዋል። ኮማንደር ታጁ ጥቃት ፈጻሚዎቹን “ሰርጎ ገብ” ብለዋቸዋል

ኢራን ቀይ ባሕርን ልትዘጋ እንደምንችል ማስጠንቀቂያ መስጠቷ፣ በአፍሪካ ቀንድና በተቀረውም የአህጉሪቱ አካባቢ የበለጠ ስጋት ደቅኗል። ዶይቸ ቨለ ያነጋገራቸው የፖለቲካ ተንታኝ እንዳሉት፣የቀጠለው ውጥረት እንዲረግብና ኢኮኖሚያዊ ጫናው እንዲቀንስ፣ አፍሪካ ከሚመለከታቸው ጋር በቅንጅት መስራትና ለተያዘው የሰላም ጥረት ድጋፍ መስጠት አለባት።

ካሜሩንን በመጎብኘት ላይ የሚገኙት የሮማ ካቶሊካዊት ቤተ-ክርስቲያን ርዕሠ ሊቃነ ጳጳሳት ሊዮ 14ኛ “ዓለም በጥቂት አምባገነኖች እየተናጠች ነው” ሲሉ ተናግረዋል። በቅርቡ በአሜሪካው ፕሬዝደንት የቃላት ጥቃት የተፈጸመባቸው ሊዮ “ለራሳቸው ወታደራዊ፣ ኢኮኖሚያዊና ፖለቲካዊ ጥቅም በሐይማኖትና የእግዚአብሔርን ስም የሚያጭበረብሩ ወዮላቸው” ብለዋል

የኢትዮጵያ ባለሥልጣናት የአዲስ ስታንዳርድ ማኔጂንግ ኤዲተር ሚሊዮን በየነ ያለበትን ለመለየት እና ነጻ ለማውጣት የአቅማቸውን ጥረት እንዲያደርጉ የጋዜጠኞች መብት ተሟጋች ኮሚቴ ወይም ሲጂጄ ጥሪ አቀረበ። ሚሊዮን ከመሥሪያ ቤቱ የተወሰደው ትላንት ረፋድ እንደሆነ ጃኬን አሳታሚ ኃላፊነቱ የተወሰነ የግል ማኅበር አስታውቋል።

በአማራ ክልል ደቡብ ወሎ ዞን በተለያዩ ወረዳዎች ስም የተዘጋጁ ሐሰተኛ የልደት ምስክር ወረቀቶችን በመጠቀም ፓስፖርት ለማውጣት የሞከሩ 161 ግለሰቦች በዚህ ሳምንት ብቻ እጅ ከፈንጅ መያዛቸው ተዘገበ ። ግለሰቦቹ በደላሎች አማካኝነት እስከ 6 ሺህ ብር በመክፈል ሕገ-ወጥ ሰነዶችን እንደሚያዘጋጁ ታውቋል።

በአሜሪካ፣ በእሥራኤልና በኢራን መካከል የተፈጠረው ጦርነትና አሁንም የቀጠለው ውጥረት፣ ለሱዳን የእርስበርስ ጦርነት የሚሰጠውን ትኩረት ቀንሶታል ሲሉ ዶይቸ ቨለ ያነጋገራቸው የፀጥታ ተንታኝ አስረድተዋል ።

የኢትዮጵያ ሕዝባዊ አብዮታዊ ፓርቲ (ኢሕአፓ) ሚያዚያ 30 ቀን 2018 ዓ. በዐሥር ከተሞች ለማድረግ የጠራውን ሰላማዊ ሰልፍ በሚመለከት ለብሔራዊ ምርጫ ቦርድ ደብዳቤ መጻፉን ገለፀ። ፓርቲው ዛሬ ረቡእ ለዶቼ ቬለ እንዳለው፤ የፖለቲካ ፓርቲዎች በፈረሙት የቃል-ኪዳን ሠነድ መሠረት ሠላማዊ ሰልፍ ሲኖር "ማስፈቀድ" የሚል አስገዳጅ ሕግ አለ።

ፕሬዚደንት ዶናልድ ትራምፕ ከ እና ወደ ኢራን ወደቦች በፍኖተ ሆርሙዝ በኩል የሚያልፉ መርከቦችን የባሕር ኃይላቸው እንዲያስቆም ወስነዋል ። እገዳው ከተሳካ በቀን 2 ቢሊዮን በርሜል ድፍድፍ ነዳጅ ወደ ውጭ የምትልከው ኢራን ወደ ድርድ ጠረጴዛው እንድትመለስ ጫናው እጅግ ብርቱ ይሆናል ። ኢራን በመርከብ እስከ 2 ሚሊዮን ዶላር እንደምትቀርጥ ይነገራል።

የአየር ንብረት ለውጥ በኢትዮጵያ ለአረቢካ ቡና በጣም ምቹ የሆነውን አካባቢ አሁን ከሚገኝበት 38% በመቶ በምዕተ-ዓመቱ አጋማሽ ወደ 49% ከፍ ሊያደርገው እንደሚችል አንድ ጥናት አሳይቷል። በሮቦ ባንክ ጥናት መሠረት የዓለም ሙቀት ሲጨምር በኢትዮጵያ ደጋማ አካቢዎችን ቡና አምራች ሊያደርጋቸው ቢችልም ኮሎምቢያ እና ሖንዱራስ ተጎጂ ናቸው።

የዕለት ተዕለት ህይወታችን ከበይነመረብ እና ከዲጅታል መሳሪያዎች ጋር በእጅጉ በተሳሰረበት በአሁኑ ወቅት የመረጃ ጠለፋ እና ምንተፋም በዚያው ልክ እየጨመረ መምጣቱ ይነገራል።ጥቃቱ ፤መገበያያችን ፣የባንክ ደብተራችን ፣መረጃ የምናገኝበት እና የእያንዳንዱ መስተጋብራችን ዋነኛ አካል በሆኑት የተንቀሳቃሽ ስልኮቻችን ላይ መሆኑ ደግሞ አሳሳቢ ያደርገዋል።