የሰው ሰራሽ አስተውሎት ቴክኖሎጂ ማሽን ሰወችን ተክቶ እንዲሰራ በማድረግ ጊዜን ፣ገንዘብን እና የሰው ሀይልን ይቆጥባል።ጥራትን እና ምርታማነትን በመጨመር ረገድም ከፍተኛ አስተዋፅኦ ያደርጋል። ያም ሆኖ ቴክኖሎጂው ሀሰተኛ ድምፅን፣ ምስልን እና ቪዲዮዎችን አስመስሎ በመስራት ሀሰተኛ ወይም የተዛባ መረጃ በማሰራጨት ረገድም አሉታዊ ጎን አለው።

ከሦስት ሳምንታት በላይ በዘለቀው በዚህ ጦርነት የኢራን የአጸፋ እርምጃ ተጠናክሮ መቀጠል በብዙዎች ዘንድ ያልተጠበቀ ሆኗል። ከእስራኤል ጋር በኢራን ላይ ጦርነቱን ለከፈቱት የዩናይትድ ስቴትስ ፕሬዝዳንትን ዶናልድ ትራምፕም በተለይም ኢራን በቅርቡ በኩዌት ነዳጅ ማጠራቀሚያ ላይ የፈጸመችው ጥቃት ያልጠበቁት እንደነበር መናገራቸው ተዘግቧል።

የትግራይ ቴሌቪዥን የዜና ክፍል ባልደረባ ጋዜጠኛ ዮሐንስ ብርሃነ ኢ- ሕገመንግሥታዊ "አፈና እና እሥር" እንደተፈፀመበት የኢትዮጵያ መገናኛ ብዙኃን ባለሙያዎች ማሕበር ገለፀ። "ሕገ-ወጥ"ያለውን ይህንን ድርጊት በጥብቅ ያወገዘው ማሕበሩ

ጋዜጠኛው በመቀሌ ከተማ "ሲቪል በለበሱ ሰዎች እና ሰሌዳ በሌለው ተሽከርካሪ ታፍኖ መወሰዱን" ማረጋገጡን ጠቅሷል።

በኦሮሚያ ክልል የሰሜን ሸዋ ዞን ነዋሪ አባት በጠለፋ ወቅት ከፍተኛ ጉዳት የደረሰባት የ17 ዓመት ልጃቸውን በሆስፒታል እያስታመሙ ነው። የ7ኛ ክፍል ተማሪ የነበረችው ወጣት የጀርባ አጥንቷ እንደተሰበረና የራስ ቅሏ ሦስት ቦታ እንደተፈነከተ አባቷ ለዶይቼ ቬለ ተናግረዋል። ተጠርጣሪዎች ላይ ለፖሊስ ክስ ቢመሠርቱም በቁጥጥር ሥር እንዳልዋሉ ገልጸዋል።

በሱዳን ብሔራዊ ጦር እና በፈጥኖ ደራሽ ኃይል መካከል በተቀሰቀሰ ግጭት በኢትዮጵያ እና ሱዳን ድንበር በምትገኘው ኮርሙክ ከፍተኛ ሥጋት መፍጠሩን ነዋሪዎች ተናገሩ። በብሉ ናይል ግዛት ውስጥ በተቀሰቀሰው ግጭት ነዋሪዎች ከኩርሙክ ሆራዛብ ወደተባለች ከተማ እና አሶሳ መሸሻቸውን ዐይን እማኞች ገልጸዋል።

የሶማሌ ክልል የክልሉን ከፍተኛ ባለስልጣናትን ስም በሀሰተኛ መረጃ ለማጠልሸት እየተካሄደ ነው ያለውን ድርጊት ኮነነ። ድርጌቱን የምርጫ ወቅት ከመሆኑ ጋር በተያያዘ ህዝቡን ለማደናገር የሚደረግ እንቅስቃሴ ነው ብሏል

በጋሞ ዞን ጋጮ ባባ ወረዳ የደረሰውን ጨምሮ ባለፉት አስር ዓመታት በደቡባዊ የኢትዮጵያ ክፍሎች በተደጋጋሚ የተከሰቱ የመሬት መንሸራተት አደጋዎች የበርካታ ሰዎች ሕይወት አልፏል። አደጋዎቹ ሲደርሱ ከፍተኛ ሐዘን ቢፈጠርም ሲደጋገሙ የአካባቢው አስተዳደራዊ መዋቅሮችም ይሁኑ ሀገሪቱ ጉዳታቸውን ለመከላከል በቅጡ አለመዘጋጀታቸውን አሳይተዋል።

ፕሬዝደንት ዶናልድ ትራምፕ ባለፈው ሣምንት አሜሪካ እና እስራኤል ከኢራን የገጠሙት ጦርነት መቼ እንደሚቆም ሲጠየቁ “እስከ አጥንቴ ዘልቆ ሲሰማኝ” የሚል መልስ ሰጥተዋል። መልሳቸው የጦርነቱን መቋጫ ለሚናፍቁ ማስተማመኛ የሚሰጥ አይደለም። ተንታኞች 24ኛ ቀኑን ያስቆጠረው ጦርነት የሚቆምበት ጊዜ እና ሁኔታ እጅግ ውስብስብ እንደሆነ ሥጋት አላቸው።

በዓለም የቤት ውስጥ አትሌቲክስ ፉክክር ኢትዮጵያ እጅግ ደካማ ደረጃ ይዛ አጠናቅቃለች ።ቃለ መጠይቅ ይኖረናል ። በካራባዎ ፍጻሜ የማንቸስተር ሲቲ አርሰናል ላይ የተቀዳጀው ድል፣ የጀርመን ቡንደስ ሊጋ እና ሌሎች የስፖርት ዘገባዎችንም አካተናል ። ሙሉ ዘገባው በድምፅና በጽሑፍ ከማገናኛው ይገኛል ።

አመልካቾች ለሚያጋጥሟቸው ደላሎችና ሶስተኛ ወገኖች እጃቸውን እንዳይሰጡ ባለሙያዎች ያስጠነቅቃሉ። የቆንስላ ኦፊሰሩ ቀጥተኛ ትዕዛዝ ሳይሰጥ አስቀድሞ የሚከፈል ማንኛውም ገንዘብ ተቀባይነት የለውም። እንዲሁም Form I-352 የተባለውን የውል ስምምነት መፈረም ዋነኛው የሂደቱ አካል ነው።ክፍያው በአሜሪካ ዶላር (USD) ብቻ የሚፈጸም መሆኑም እንዲሁ።