Ein Pæling

Þórarinn ræðir við Halldór Benjamín Þorbergsson, formann Samtaka Atvinnulífsins. Rætt er um stöðu SA í atvinnulífi og hagsmunabaráttu launþega, næstkomandi kjarabaráttu, kaupmátt, krónutöluhækkanir, húsnæðismál og fleira. Að lokum er snert á þeim áherslum sem að Halldór telur að Íslandi þurfi að leggja í þróun atvinnulífsins og tengsl þess við akademíuna.

Þórarinn ræðir við Kristrúnu Frostadóttur um hvernig sé að starfa á Alþingi, efnahagshorfur fyrir og eftir kóvid, kostnaðinn sem fylgir því að reka gott velferðarsamfélag og fleira. Undir lok samtalsins ræðir Þórarinn við Kristrúnu um rétttrúnaðarvæng Samfylkingarinnar og hvort að flokkurinn þurfi að móta áherslurnar til þess að breiða út faðminn til ólíkarri hópa.

Þórarinn ræðir við Evu Hauksdóttur um ærumeiðingar og ásakanir um kynferðisbrot, brotaþola sem aðila máls, jafnréttisiðnaðinn, femíniskar rannsóknir, samhengi brota, pottormamálið og torskiljanleg hugtök.

Þórarinn ræðir við Ólaf Margeirsson um ríkisfjármál og stefnu ríkisstjórnarinnar í þeim efnum. Rætt er um hvort Landspítalinn geti ráðið til sín það starfsfólk sem að hann þarf, peningarprentun og hvernig ríkið kveikir í peningum, hvort skuldir ríkissjóðs séu áhyggjuefni, vermætasköpun þegar kaupmáttur verður of mikill og pólitískan hvata ríka fólksins til þess að halda húsnæðisverði háu.

www.patreon.com/einpaeling

Þórarinn ræðir við Ragnar Frey Ingvarsson um Covid-19. Ragnar hefur farið mikinn undanfarið en hann telur Omicron breyta faraldrinum og að meta þurfi stöðuna upp á nýtt. Þórarinn ræðir þessi mál við hann. Rætt er um hvernig Covid-deildin var stofnuð. Hvort að við myndum koma til með að bregðast við veiru á borð við Omicron með jafn hörðum aðgerðum í framtíðinni, ógreind krabbamein á tímum Covid-19, opinber fjármál, spurt hvort að læknavísindin séu orðin pólitískari, tjáningarfrelsi læknastéttarinnar, stjórnmálaumræðan og kjaramál.

www.patreon.com/einpaeling
Verbúðin eru þættir sem sýndir eru á RÚV um þessar mundir. Þættirnir sýna íslenskt samfélag um það leyti sem núverandi kvótakerfi í fiskveiðum var tekið upp. Þórður Snær skrifaði beinskeyttan pistil um þættina. Í pistlinum lýsir hann hvernig íslenskt sjávarútvegskerfi hefur þróast frá þessum árum og hvernig málunum er háttað í dag.

Þórarinn ræðir við Þórð um bæði þættina og pistilinn. Rætt er um kvótakerfið, orkumál, hagsmunaöfl, lobbíisma, stjórnmál og reynt að komast til botns í því afhverju Þórður Snær er svona öfundsjúkur út í útgerðarmenn.

Margrét Valdimarsdóttir er afbrotafræðingur og dósent í lögreglufræðum við Háskólann á Akureyri.

Kristín og Þórarinn ræða við Margréti um pottormana sem komust með nýjum hætti í sviðsljósið þegar að ung kona, Vítalía Lazareva, steig fram og lýsti atburðarrás í heitapotti með þeim við sumarbústað.

Umræðurnar snúa að stöðu fjölmiðla í kynferðisafbrotamálum, valdaójafnvægi, persónufrelsi, fórnarkostnaði #MeToo baráttunnar, sáttamiðlun og uppbyggilegri réttvísi, aktívisma, réttarkerfinu, rasisma, frjálsum vilja og barnagirnd.

Gunnar Helgi Kristinsson er prófessor í stjórnmálafræði við Háskóla Íslands. Í nýrri bók Gunnars fjallar hann um elítur á Íslandi, hvernig mismunandi elítuhópar tengjast og um áhrif þeirra á samfélagið.

Í þessu hlaðvarpi ræðir Þórarinn við Gunnar um hvað sé elíta, hverjir á Íslandi tilheyri þeim hópi, um muninn á lokuðum og opnum elítukerfum, hvort hægt sé að verja pólitískar stöðuveitingar, um fjölmiðlaelítuna og áhrif fjölmiðla á elítur.

Að lokum er spurt hvort nýtilkomið mál Vítalíu Lazarevu hafi breytt hugmyndum okkar um valdatengsl elíta og hins almenna borgara.

www.patreon.com/einpaeling

Á árunum 1992 til ársins 1995 geysuðu hryllileg átök í Bosníu. Þetta voru umbreytingatímar þar sem mikil spenna í Júgóslavíu leiddi til stríðs, þjóðarmorðs, nauðgunarbúða og annarskonar hroðaverka. Jasmina Vajzovic Crnac kom ung að aldri til Íslands sem flóttamaður eftir að hafa þurft að flýja Bosníu. Í þessu viðtali lýsir Jasmína upplifuninni af því að búa við stríðsástand, menningu og pólitík Bosníu, alþjóðleg áhrif, þá varhugaverðu leið sem að landið virðist vera að stefna á í dag og hvað Jasmína telur að muni koma til með að gerast á næstu árum.

www.patreon.com/einpaeling

Þórarinn, Eyþór og Ívar Elí ræða ýmis mál sem áttu upp á pallborðið árið 2021. Rætt er um KSÍ, #MeToo, samfélagsmiðla, stöðu landspítalans, hvort að hægt sé að taka viðtal við Sölva Tryggva og fleira.