የአማራና የኦሮሚያ ክልሎችን የሚያብጠዉ የመንግሥትና የአማፂያን ግጭቶች፣ በየአካባቢዉ የተንሠራፋዉ ሥርዓተ አልበኝነት፣ እገታ፣ ዘረፋ፣ መፈናቃል፣ የኑሮ ዉድነት ብዙዎች እንደሚሉት ሕዝቡን ለመከራ፣ ሐገሪቱን ደግሞ ለሕልዉና አደጋ ዳርጓቸዋል

የአሜሪካው ፕሬዚዳንት ዶናልድ ትራምፕ ስልጣን በያዙ በጥቂት ቀናት ህጋዊ ፈቃድ የሌላቸው ስደተኞችን ማባረር ጀምረዋል።ይህም በርካታ ኢትዮጵያውያን ስደተኞችን ስጋት ላይ ጥሏል።በሌላ በኩል የአሜሪካ የውጭ እርዳታ ለ90 ቀናት እንዲቆም በመወሰናቸው በጎርጎሪያኑ 2024 ብቻ 1.2 ቢሊዮን ዶላር እርዳታ ላገኘችው ኢትዮጵያ ትልቅ ፈተና ነው ተብሏል።

የወጣት ኢትዮጵያዉያት የእርቃን ፎቶና ቪዲዮዎች በኢንተርኔት የበቀል መሳርያ እየሆኑ መምጣታቸዉ እያነጋገረ ነዉ። ያለፈቃድ የሚለቀቁት እነዚህ ምስሎች የገንዘብ ማግኛ ምንጭ መሆናቸዉ ደግሞ ነገሩን አሳሳቢ አድርጎታል። በኢንተርኔቱ ጨለማ ዓለም ታስረዉ እራሳቸዉን እስከማጥፍት የሚደርሱ ጥቂቶች አይደሉም። መፍትሄዉ ምንድን ነዉ? ሃሳባችሁን አካፍሉን!

የብሔራዊ ምክክር ሒደት የጀመረችው፤ ለሽግግር ፍትሕ የምትዘጋጀው እና በሚቀጥለው ዓመት ምርጫ የምታካሒደው የኢትዮጵያ መንግሥት አራት የሰብአዊ መብቶች ተሟጋች ድርጅቶችን አግዷል። በሲቪል ማኅበረሰብ ድርጅቶች ባለስልጣን በኩል የተላለፈው ዕግድ ሕጋዊ ነው? ዕግዱ ስለ ሲቪክ ምኅዳሩ ይዞታ ምን ይናገራል? ሦስት እንግዶች የተሳተፉበትን ውይይት ያድምጡ!

የብሔራዊ ምክክር ሒደት የጀመረችው፤ ለሽግግር ፍትሕ የምትዘጋጀው እና በሚቀጥለው ዓመት ምርጫ የምታካሒደው የኢትዮጵያ መንግሥት አራት የሰብአዊ መብቶች ተሟጋች ድርጅቶችን አግዷል። በሲቪል ማኅበረሰብ ድርጅቶች ባለስልጣን በኩል የተላለፈው ዕግድ ሕጋዊ ነው? ዕግዱ ስለ ሲቪክ ምኅዳሩ ይዞታ ምን ይናገራል? በውይይቱ የኢትዮጵያ የሰብዓዊ መብቶች ተሟጋቾች ማዕከል ዋና ዳይሬክተር አቶ ያሬድ ኃይለማርያም፣ በሐርቫርድ ዩኒቨርሲቲ የሕግ ትምህርት ቤት የሰብአዊ መብቶች መርሐ-ግብር ተባባሪ ዳይሬክተር ዶክተር አባድር ኢብራሒም እና የኢትዮጵያ የሲቪል ማኅበራት ድርጅቶች ኅብረት ለምርጫ ዋና ሥራ አስፈጻሚ አቶ አበራ ኃይለማርያም ተሳትፈዋል።

በተለያዩ ጊዜያት ከኦነግ ጋር የተደረጉ ድርድሮች ፤ ከኦጋዴን ብሔራዊ ነጻነት ግንባር ኦብነግ ጋር የተደረገ ድርድር እና ስምምነት ፤ በቤኒሻንጉል ጉምዝ ክልል ከሚንቀሳቀሱ ታጣቂዎች ፣ ከህወሓት ጋር እንዲሁም በቅርቡ የኦሮሚያ ክልላዊ መንግስት ከኦሮሞ ነጻነት ሰራዊት አንድ ክንፍ ጋር የተደረጉ ድርድሮች እና ስምምነቶች ተጠቃሾች ናቸው ።

2024 ዓ.ም. በዓለማችን ከባድ ጦርነቶች የቀጠሉበት ዓመት ነው።የፊታችን የካቲት ፣3 ዓመት የሚደፍነው የዩክሬን ሩስያ ጦርነት፣ከዓመት በላይ የዘለቀውና የአካባቢውን ሀገራት ያዳረሰው የእስራኤል ሀማስ ጦርነትና ዓመት ከ8 ወር ያለፈው የተዘነጋው የሱዳን ጦርነት በዋነኝነት ይጠቀሳሉ።የእነዚህ ጦርነቶች ዳፋም ለመላው ዓለም ተርፏል።