喺上個世紀80年代尾，沙特阿拉伯王室嘅一批珠寶被一個泰國工人偷竊返國，其中包括一粒價值連城嘅藍鑽。但輾轉之下，呢單事件變成唔係簡單嘅失竊案，而引發咗一連串神秘嘅命案同謀殺案，最終導致沙特阿拉伯同泰國斷交咗35年，各個領域嘅交流基本停滯，影響持續至今。咁究竟，當中發生咗啲乜野事，導致偷竊一事觸動兩國關係，仲涉及多名人命呢？就等我哋返到去1989年嘅沙特阿拉伯，重溫呢件曾經轟動沙特同泰國一時嘅「藍鑽事件」。