人食人，喺人類文化被視為最高嘅禁忌，呢樣嘢喺而家嘅任何國家，同現代文化，幾乎都係唔可以容忍嘅。但係，喺二十一世紀初嘅德國，就曾經出現過一個食人魔，佢唔單止食人，仲將成個肢解同食人過程拍落嚟，更令人匪夷所思嘅係，被佢食嘅人竟然係自願嘅。咁到底，呢個食人魔究竟係點樣招募願意被佢食嘅人嘅呢？而自願被食嘅人，佢嘅心理狀態又係點嘅呢？就等我哋返到去2001年嘅德國，重溫事情發展嘅經過。