ESPERTA VALLADARES

Recuperamos unha conversa cultureta da tempada, o paseo polos arredores do Museo do mar. Ademáis, falaremos con Gerardo da Senda do Moucho, que tan ben coñece e guía polas marabillosas reservas deste maremagnum incendiario, para que nos conte do que é un bosque e o seu valor medioambiental. E un chisquirritín de axenda, que chega a finde.

Subidas a un bólido dos que deseñan no Máster de Automoción da Uvigo, podíamos facer este #EspertaValladares. E baixaríamos ata a Pérgola de Bouzas coñecer historias das mulleres da vila na expo 'Elas. As de Bouzas'. Pero non, quedamos na radio... tooodo dende o 'tenderete'.

Tamén escoitaremos as recomendacións literarias de Álex. Un par de libros de Cecilia Fernández Santomé, sobre a emigración galega en Cataluña nos 80.

E coñeceremos porque a zona ‘Lodeiro’ en Valladares lle chamanban así. Agora está o PTL enriba e xa non existe.

De crews e movementos urbanos vai o #EspertaValladares esta mañá. Falaremos de hip hop con Bea, que adestra en Dance Academy e ademáis, fai mover ós cativos no campamento da cultural en Valladares. Tamén daremos un paseo co grupo USk Vigo dende a escultura de Xulio Verne ata o Sireno, mais ou menos Porque falando das súas quedadas para pintar a cidade, chegamos á Ronda de Don Bosco, onde se atopa o taller de acuarelas Sepia Art Shop.

Unha bici convertida nunha blibio itinerante (a de Anxo Moure) ou nun cine sen enchufes pedaleando (a cinecicleta de Isabel e Carmelo, que estivo polo Valmiñor a semana pasada). E xa que falamos de cine… nunha semaniña na Fundación Sales, MU2 con Caspervek.

Vai outra conversa da tempada no #EspertaValladares. A visitiña de Cé Orquesta Pantasma en maio cos seus 'trebellos musicais'. Pasamos o rato a falar de ‘Cantadelas’, a súa particular homenaxe ás veciñas cantareiras.

Vai un especial coas lembranzas de Castrelos que nos fóstedes enviando nestes meses. Os concertos, as pretempadas, os patos, as fotos de boda, bañarse no río... mil e unha vivencias!

Conversa con Oliva Román, Estela Estévez e Loreto Pérez Román. Falaremos de adestrar en Castrelos, nas pistas de Balaídos, soñar cos xogos olímpicos… un pouco de todo, que son mooitos anos no atletismo.

E aproveitamos tamén para pasear polo río e coñecer as cabañas que fan os rapaces do campamento.

No #EspertaValladares recibimos un 'mini máster' na evolución das máquinas de coser en Galicia. Conversa con Maquicoser. Ademáis, chegounos á radio o poemario ‘Acuruxar’, unha palabra de montaña para expresar o abrazo. Falaremos coa súa autora, Inés López.

Tamén vai recomendación literaria de Álex, ‘Medea me cantó un corrido’ de Dahlia de la Cerda (relatos vida das mulleres en México). E coñeceremos mais nomes de lugares da parroquia, ‘A Garoula’.

Rescantando conversas da tempada, comezamos a semana buscando fresco nas alturas. As rutas de montaña con NachoPequeno neste verán e mais as actividades de orientación polo Galiñeiro dos rapaces do cole Igrexa.

Daquí en diante, os venres traeremos conversa de corte ‘cultureta’ das que fixemos ó longo desta tempada no #EspertaValladares. Mañá, conexión Islandia co poeta de Cangas, Elías Knör. Ademáis, sentámonos á fresca no muíño da Senra a botar un palique sobre os plans para esta finde.