Imos de safari mariño? Snorkel nas Cíes coas rapazas de 13grados. Ademais, coñeceremos o zenTANGLE con Sheila García, unha das propostas para a cativada no mes das letras galegas no centro cultural de Valladares. E conversa con Tomas Wyatt sobre, no-dig, o peculiar xeito co que traballa a terra.

Museos… mellor dito exposicións, artistas, espazos, comisarios… vai programa cultureta. Inaugurou no Museo do Mar Elena Alonso Fernández, que trouxo á terra as súas algas laminarias. Falamos con Carlos L. Bernárdez de como foi comisariar unha exposición de Colmeiro. E coñecemos a asociación Évame Oroza, un novo espacio na cidade.

Mes de maio, mes das Letras Galegas, e como todos os anos dende o Centro Veciñal e Cultural ofrecen un amplio abano de actividades. Ademáis, coñecemos ao grupo Gallego Común. E proposta peculiar, os “Doziños”, caramelos de pementos de Padrón.

Traemos un #esperta moi da casa. O cementerio privado da parroquia está de aniversario e venres ten a asamblea anual. Ademais, un spoiler da charla que vai ter lugar luns á tarde, sobre as persoas maiores e a súa atención na sanidade pública galega. Tamén nos visita a traballadora social, que nos conta das axudas que van saindo para sacar o carné de conducir. E, para rematar, unha historia de vida, a de Urania Mella.

Última cita dos monográficos arredor da oralidade. Desta volta veñen hoxe ata o Verbum Félix e Cástor Castro Lorenzo, para falar dos monstros nos pregos de Cordel e noutros escritos. Ademáis, conversamos con Raquel Mascaraque que ven de presentar o seu libro “¡A cerebrar!”, unha viaxe polas emocións. E a xente do proxecto Cansat cóntanos que tal o seu satélite, se deu chegado ben á terra.

Vamos de luns… imos meternos nas cociñas da contorna a ver que se está a cocer. Ademáis, falamos co FICBUEU, que nos contan os plans desta edición na 2ª residencia artística nas Ons. E coñecemos o libro 'Melodías e voces esquecidas, un século de escena lírica en Vigo (1832-1931)' da man do seu autor, Carlos Enrique Pérez.

Nos últimos anos as candorcas, a súa interacción cos barcos nas costas galegas, saltaron aos titulares dos medios de comunicación… para coñecelas mellor dende o CEMMAcetáceos elaboraron unha serie de materiais didácticos. Falamos con Alfredo López, investigador e debuxante que está metido neste proxecto. Ademáis, imos mirar a que anda a xente de Realidad Alternativa, que desta volta argallan experiencia por Vilanova dos Infantes cos Irmandiños.

Conversa con Paco Barreiro, que vai estar no Verbum para falar de “A música da palabra”. Ademáis, coñecemos un pouco máis a Luisa Villalta da man de Prudencio Viveiro, quen reeditou en Edicións Laiovento un libro da escritora coruñesa sobre o Hamlet de Cunqueiro. E falamos coa xente da AA.VV.San Miguel de Oia, que seguen loitando polo seu patrimonio natural.

Hai quen xa ten asegurada a plaza para os Xogos Olímpicos… e con sorte ademáis de traballar vai poder disfrutar deles. É o que lle ocorre a Loreto Pérez, xueza árbitro de atletismo, que ademáis recolle esta fin de semana o galardón como mellor xuíz da Real Federación Española de Atletismo. E xa que temos un regusto doce falamos de mel, da que produce Maestro Apicultor.

Aínda estades a tempo de anotaros á Andaina que organiza o Centro Veciñal e Cultural de Valladares, coñecemos algo do percorrido. Falamos con Xabier Ron, que vai falar do feito trobadoresco na súa globalidade oral nos monográficos do CIOV. E en patrimonio… coñecemos o muíño de Porto do Molle.