ESPERTA VALLADARES

Visitamos o gabinete científico no Museo do Mar. E deunos por falar do mito das sereas, que na Grecia tiñan forma de ave, para nós de peixe… Casualmente, esta tarde rematan en Valladares o 'Selkie tour' o cuarteto de saxofóns Lítore Quartet. Traen un conto escénico sobre o mito celta das Selkies nas costas de Escocia. Aquí as sereas teñen forma de foca!

Conversa con Gory, o grafiteiro de Gondomar. Un debuxo seu foi cartel do Revoltallo nos seus inicios, a finais dos 90. Ademáis, imos descubrir onde nos pode levar o mundo das piñatas con María Camba, que estivo por Valladares no San Xoán facendo unha con forma de sardiña.

Falamos da 'enciclopedia' das rondallas, unha recollida antropolóxica de Diego Pérez Davila. Están tooodas!! E sobretodo, moitas fotos vellas onde buscarse. As efímeras, as que case ninguén coñece, as que tiveron majorettes (houbo outra antes que Valladares), as rondallas de cordas en Gondomar...

Sábado é o Rally das Donas. Imos conversar con dúas veciñas de Beade, que veñen participando nel na última década.

O venres grabamos un programa de radio á antiga!!! Con músicos tocando en directo!! E sintonía propia e todo!! Conduce Judith Montero, saxofonista.

Os rapaces do Vigosaxforum, case sen enterarse, embarcáronse nun podcast que os levou a coñecer a historia do saxofón.

Coñecemos o proxecto Meleiras do Suído. Entre outras flores, as abellas tamén sacan mel das silvas. Ademáis, viaxe ó reino de Korimel. Falamos coa autora da novela de aventuras ‘El linaje del cormorán’. E algo mais, plans para a finde! No auditorio de Valladares, últimos concertos do VigoSaxforum.

Quedamos na parroquia! Imos falar coa presidenta do centro veciñal e mais coa traballadora social, a ver como anda Valladares. E tamén coñeceremos un dos programas musicais da Piratona, ‘Sons da ría’.

Subimos ó campo da Gándara, non para saltar ó céspede... imos falar do traballo dos fisios! Que tamén colaboran co centro de día da Garrida.

Ademáis, exploraremos coa Orquesta Clásica de Vigo unha das vías polas que a zarzuela chegaba á nosa cidade. E que se pode escoitar hoxe no claustro barroco da Casa da Caridade, un espazo que non se abre habitualmente ó público.

E aproveitando que comeza a feira do libro, collemos o 'Diccionario de Vigueses' e buscamos a historia de Eugenio Barrientos e a Editorial Cíes, que fundou no 1941 e publicou moitas vaqueradas.

Hoxe conversamos cun veciño do Portal. Anda nos comezos dun proxecto, 'Alma de madeira'. Mesas, lámpadas, utensilios de cociña... de reliquias botánicas!! A segunda vida á madeira resultante das árbores senlleiras que el mesmo poda.

Ademáis, unha paradiña no monumento ó 'Descanso do peregrino' en Bembrive. A historia está recollida no libro de Mercedes Bangueses sobre monumentos e esculturas en Vigo.

Na Noite Branca os museos pódense visitar ata a medianoite. Imos ver que actividades extra teñen! Ademáis, plans musicais na parroquia para esta finde: entroido de verán, audición de piano e concerto inaugural do Vigosaxforum Tamén ‘pillamos’ de celebración ós alumnos do Sobreira, que se gradúan.