Eth maitin d'Aran

Era actualitat dera Val d'Aran en aranés. Aué convèrsa damb Alejandro Merino Ortega, un artista que trabalhe entre eth diboish, eth guion e eth concept art, e que non se limite ath papèr ara ora de crear ua òbra.

Era actualitat dera Val d'Aran en aranés. Era conselhèra d'Economia, Alicia Romero, visitaue ager per prumèr còp era Val d'Aran e se comprometie a barrar eth nau eth modèl de finançament encara qu'era Generalitat non pogue aprovar es sòns pressupòsti aguest 2026. Er ajuntament de Vielha cedis un terren en Betren tà qu'era Generalitat pogue bastir un minim d'ua seishantea de viuendes de loguèr sociau. Tanben hèm ua uelhada ara actualitat esportiua damb motor, fotbòl e fotbòl sala e un nau article d'opinion 'En Cimalh dera Lengua Nòsta' de Jusèp Lois Sans.

Era actualitat dera Val d'Aran en aranés. Presentam era dusau edicion d'AranVision, eth concors de cançons en aranés que vò consolidar-se coma un aparador entà es naui talents deth país. Tanben parlam dera jornada "Espòrt adaptat ena escòla", que permetrà as mainatges deth cicle superior des escòles dera ZER víuer en prumèra persona coma ei practicar espòrt damb capacitats diuèrses dera man dera Federació Catalana d'Esports de Persones amb Discapacitat Física e era EAP Val d'Aran-Nauta Ribagòrça.

Era actualitat dera Val d'Aran en aranés. Eth Conselh Generau apròve un pressupòst, prorogat, entà 2026 de leù 49 millions d'euros. Lèu 24 millions se destinen ath Departament de Salut e Benèster. S'ètz allergics, que vos portam males noticies. Es expèrts avertissen qu'era primauèra serà mès dura entà eri pr'amor que i aurà fòrça pòllen. Tanben un nau mot horaviat dera man de Xavi Gutiérrez.

Era actualitat dera Val d'Aran en aranés. Aué eth plen der Ajuntament de Naut Aran que dies en darrèr aprovaue diuèrsi acòrds destacadi en matèria d'urbanisme e ordenances. Tanben parlam dera descenuda deth nombre de neishements d'ossi en Pirenèu, hèm er auanç de prevision d'ocupacion e era ofèrta tara Setmana Santa e resseguim era actualitat esportiua, esqui, fotbòl e fotbòl sala damb era 14au edicion deth tornèg femenin de Vielha.

Era actualitat dera Val d'Aran en aranés. Paco Boya mos parle dera sua naua novèlla, era prumèra en castelhan, "Bajo el mismo cielo", que mos pòrte ath còr deth Pirenèu, ena Val d'Aran, entà seguir era vida d'ua familha ath long de diuèrses generacions, marcades pera Guèrra Civiu e era posguèrra. E en Cimalh dera Lengua nòsta, Jusèp Lois Sans mos ditz qu'En França te pòs díder Meravilha-de-Dieu però non Martí.

Era actualitat dera Val d'Aran en aranés. Damb Victor Lolo Rodriguez Alvarez, parlam dera sua participacion ena hèira Artists Experience de Madrid, s'a portat idies tà plasmar en ua o diuèrses pentures e que pòt suposar entath sòn futur artistic aguesta experiéncia. Tanben escotam es poesies que liegeren es mès joeni ena serada poetica celebrada en Vielha dera man de Musèus Val d'Aran.

Era actualitat dera Val d'Aran en aranés. Conversa damb eth baile de Les, Andreu Cortés. Ua entrevista qu'a servit tà meter-mos ath dia sus es darrères òbres amiades a tèrme en municipi, mès tanben sus projèctes de futur.

Era actualitat dera Val d'Aran en aranés. Eth dia internacionau dera poesia compde damb dues propòstes en Aran. En Les se hè eth prumèr recitau escolar de poesia en aranès e en Vielha, ena bibliotèca, serada poetica damb ua prepausa plea d'imaginacion e fantasia¿ damb Era Rebellion des Condes.

Era actualitat dera Val d'Aran en aranés. Es mèstres e professors deth Naut Pirenèu e Aran se mobilizauen dimèrcles talhan era N230 era Nauta Ribagòrça. Ua concentracion istorica entot reclamar milhores en diferenti airaus. Eth repàs ara actualitat esportiua damb ua entrevista ara joena atleta de Vielha Lòla Cavero Gonzalez campeona de catalunha des 2000 en pista cubèrta. E un nau article d'opinion, en Cimalh dera Lengua Nòsta, de Jusèp Lois Sans Socasau.