Eth maitin d'Aran

Era actualitat dera Val d'Aran en aranés. Es ahèrs d'actualitat damb un esquiare mòrt per un lauèg en Dossau de Beret. Generalitat e Conselh Generau s'amassauen dijaus entà auançar en ahèrs coma era milhora dera C-28 o era cèrca de solars entara construccion d'abitatge sociau. Parlam dera jornada de donacion de sang organizada pera Escòla Sant Ròc de Bossòst e des competicions de freeride. "Eth hiu der Archiu" mos pòrte tara operacion Reconquista de España e ua carta trobada en hons dera centrau de Cledes.

Era actualitat dera Val d'Aran en aranés. Aué, repàs ara actualitat damb era presentacion dera futira lei de montanha, er acòrd entre institucions tà balhar servici d'assisténcia urbanistica a municipis petiti e eth resultat dera pròva inaugurau en Baqueira deth FWT 2026. Tanben, damb Carles Sigüenza, president deth Grèmi d'Hostalaria dera Val d'Aran, auem hèt valoracion des hèstes de Nadau, qu'an estat tan plan bones, e auance que, se se complissen es previsions, Nadau se pòt alongar enquiath mes de març gràcies as resèrves.

Era actualitat dera Val d'Aran en aranés. Eth passat 27 de deseme s'autrejaven es guerdons dera prumèra edicion des prèmis Mossén Jusèp Amiell. Griselda Lozano, ei era presidenta dera Fondacion Ager, era entitat creadora d'aguesta iniciatiua. Parlam tanben des ajudes e bèques as esportistes aranesi que convòque eth CGA e hèm un apunt sus era naua Copa Espanha de freeride entàs joeni.

Era actualitat dera Val d'Aran en aranés. Cinc riders aranesi formaràn part dera seleccion espanhòla, integrada per sèt esportistes, que competiràn en Campeonat deth Món Junior FIS de freeride, que se disputaràn deth 17 ath 23 en Kappl (Àustria). Tanben parlam dera problematica qu'an en Palai de gèu damb era temperatura dera aigua dera piscina, qu'auec de barrar pendent es dies de mès heired.

Era actualitat dera Val d'Aran en aranés. Era sason 2026 deth Freeride World Tour arrinque en Baqueira-Beret, ena Val d'Aran, per cincau còp coma prumèra pròva deth circuit mondiau de freeride. Tres riders espanhòls --Abel Moga, Nuria Castan e Maria Castellví-- i seràn presents.

Era actualitat dera Val d'Aran en aranés. Auem seguit es protèstes des ramadèrs e pagesi que se concentrauen ena Nauta Ribagorça talhan era N-230 e tanben era actualitat esportiua damb un resum dera Sant Silvestre de Bossòst e er auanç dera prumèra cita dera Audi Quattro Cup, era corsa Amics de Montgarri d'esqui aupin tàs categories U10 e U12. Tanben auem parlat damb er esquiador de Vielha Marc Ubeira, que hè part dera equipa C d'esqui aupin ena RFEDI.

Era actualitat dera Val d'Aran en aranés. Ath delà dera actualitat deth dia damb es manifestacions des ramaders e pagesi aué auem tornat a parlar damb era pediatra Immaculada Caubet dempús dera sua jubilacion. Aué auem parlat dera sua aficion ara musica e ara montanha, qu'ara dilhèu poderà desvolopar mès, dera familha e fòrça d'autes causes com er auet des chuquetes, era sua vessant coma cooperant o era defensa dera lengua damb eth collectiu Lengua viua.

Era actualitat dera Val d'Aran en aranés. Era doctora Immaculada Caubet, qu'a estat mès de 40 ans en actiu, ven de jubilar-se. Damb era auem parlat de com e perque decidic de hèr-se mètge e especializar-se en pediatria e tanben de d'autes causes. Tanben hèm un repàs ara actualitat dempús des hèstes de Nadau.

Era actualitat dera Val d'Aran en aranés. Eth darrèr plen deth 2025 en Ajuntament de Naut Aran a estat protagonizat per ahèrs urbanistics e pera polemica damb era mocion d'Aran Amassa de crear un Còdi Etic que remasse era incompatibilitat entà exercir un cargue public s'existís ua condemna per delictes sexuaus. Era actualitat esportiua damb es results deth campeonat d'espanha de patinatge sus gèu e des equipes de fotbòl aranesi.

Era actualitat dera Val d'Aran en aranés. Era senténcia a 18 ans de preson d'un òme per auer abusat sexuaument des sues dues hilhes e cinc menores en Vielha entre 2011 e 2020. Es propòstes deth baile de Vielha, Juan Antonio Serrano, entà que s'adòpten mesures urgentes en matèria der impòst sus estades en establiments turistics. Era San Silvèstre de Bossòst, que demore 400 inscrits ena 19au edicion.