Era actualitat dera Val d'Aran en aranés. Un an mès, era gent geesie en carrèr tà participar ena Corsa Aran per sa Lengua en favor der aranés. Lengua Viua balhaue eth prèmi 2025 a André Ricard Sala, autor deth dessenh deth monument ara lengua. Aué recuperam era convèrsa damb Fiona Gehring e Marinus Wiedner ath torn d'un estudi sus er aranés e com lo hèm a servir ena vida vidanta.

Era actualitat dera Val d'Aran en aranés. Es monges dera Sagrada Família de Rodat an estat presents ena Val d'Aran 122 ans. Ara, en hèr-se granes e deuant era manca de vocacions entath relèu, an marchat arregraïdes pera acuelhuda. Era germana Victòria a explicat es sòns rebrembes. Tanben auem recuperat eth programa que dediquèrem en deseme ath centenari dera dubèrtura deth Pòrt dera Bonaigua e er inici des òbres deth tunèl de Vielha.

Era actualitat dera Val d'Aran en aranés. Mari Boya afronte era rècta finau dera sason dera F3 damb opcions de lutar peth campeonat. Belgica e Ongria pròximes cites abans deth descans der ostiu. En un nau capitol des Sons Occitans Anna Geli mos parle deth fenomèn musicau des Nadau que seràn dimenge ena 31au Corsa Aran per sa Lengua.

Era actualitat dera Val d'Aran en aranés. Era prumèra copa catalana de ciclisme de carretèra celebrada en Aran a estat un succés e se vò mantier en calendari. Era marcha cicloesportiva, Vielha Cycling tour Val d'Aran damb 700 participants, s'a retrassat ua setmana peth pas deth Tour de França. Tanben un nau cimalh dera lengua nòsta.

Era actualitat dera Val d'Aran en aranés. Unha e Salardú acuelhen era darrèra des jornades deth Festival Astropirineus dera man d'Obaga Activitats. Eth meteocat place ua estacion meteorologica en Bonabé que ajudarà en estudi deth cauhament des còtes mejanes deth pirenèu.

Era actualitat dera Val d'Aran en aranés. 25 ans de colònies oncologiques d'ostiu qu'era Asociacion Contra eth cancer en Lhèida e ena Val d'Aran organizen entà joeni de 7 a 17 ans qu'an o an patit un càncer.

Era actualitat dera Val d'Aran en aranés. Dimenge 27 de juriòl arribe ua cita damb era Corsa Aran per sa Lengua ena 31au edicion. Er objectiu reivindicar er usatge sociau der aranés. Dempús des caminades, en Vielha se liegerà eth manifèst, s'autrejarà eth Prèmi Lengua Viua 2025 e dançaram e cantaram damb eth grop Nadau. Aué tanben parlam dera jornada de donacion de sang qu'organize era Associacion de donants de sang dera Val d'Aran.

Era actualitat dera Val d'Aran en aranés. Lèu 200 corredors des categories de promocion disputaran dimenge en un circuit urban en Baqueira, era prumèra corsa federada de ciclisme de carretèra en Aran. Ua trentia seràn dera escòla deth club aranés Royal Cycling. Un capitol de Sons Occitans d'Anna Geli. Aué grops occitans que hèn ritmes jamaicans.

Era actualitat dera Val d'Aran en aranés. Damb Oriol Sala, conselhèr d'innovacion e Gestion ambientau parlam des jornades tecniques e ludiques tà dar a conéisher eth projècte OviHuec e méter en valor eth sector pages en aguest cas er ovin. Tanben repassam era actualitat municipau de Vilamòs. Aué un nau Cimalh dera lengua nòsta damb Jusèp Lois Sans.

Era actualitat dera Val d'Aran en aranés. Er ajuntament de Naut Aran destinarà 187mil euros entà diuèrsi projèctes coma era senhalizacion dera rota des lacs de Colomèrs, uns estudi sus era microtoponimia deth municipi e er enlumenat der arriu Malo de Baqueira. Tanben s'an creat uns uarts urbans damb era collaboracion dera empresa Arrels Studio.