euroradio.fm

Напярэдадні сустрэчы лідараў ЗША і Кітая нечакана наноў распачалося эканамічнае супрацьстаянне: Кітай забараніў экспарт усяго, што ўтрымлівае рэдказямельныя металы, у адказ Трамп увёў 100% падатак на усе тавары з Паднябеснай. У нашым рэгіёне свае “гульні”: колькасць мігрантаў, якія штурмуюць польскую мяжу, апошнім часам павялічылася. І гэта на фоне размоў, пра магчымае адкрыццё Варшавай прапускных пунктаў, якія былі зачыненыя раней: з-за арышту Пачобута, да прыкладу. А Літва прыняла рашэнне аб зніжэнні статусу бяспекі для Ціханоўскай…

Чым небяспечнае супрацьстаянне Пекіна і Вашынгтона і ці ставіць яно пытанне выбару перад Лукашэнкам? Ці здольны Лукашэнка вырашаць пытанне з мігрантамі на межах Беларусі з краінамі ЕС ці варта чакаць, што Польшча адкрые дадатковыя памежныя пераходы? Што стаіць за рашэннем Літвы адносна ўзроўню бяспекі для Ціханоўскай і якіх наступтваў гэтага рашэння вярта чакаць у будучым? Пра гэта і шмат што іншае мы і разважаем у штотыднёвым жывым эфіры Еўрарадыё з дацэнткай, кандыдаткай гістарычных навук, эксперткай па міжнароднай палітыцы Розай Турарбекавай

Мінулы тыдзень быў складаны для некалі ўплывовага гаманца Лукашэнкі, экс-уладальніка “Амкадор” Шакуціна, які некалькі дзён вымушана правёў у СІЗА. А таксама для адносінаў паміж ЗША і Кітаем — там наноў пачалася гандлёва-падатковая вайна. Затое, здаецца, Лукашэнку ізноў падфарціла: з-за ўкраінскіх атак па расійскіх НПЗ там склалася крызісная сітуацыя з палівам — і Масква хоча набываць бензін у Беларусі…

Што стаіць за непрыемнасцямі Шакуціна і дзякуючы чаму расце імпарт беларускіх ІТ-паслуг? Чым сусветнай эканоміцы пагражае супрацьстаянне Пекіна і Вашынгтона і ці закране гэта Беларусь? Ці здолее зарабіць Лукашэнка на праблемах з бензінам у Расіі і чым скончылася бітва за ўраджай беларускіх чыноўнікаў і аграрыяў? На гэтыя ды іншыя пытанні ў эфіры Еўрарадыё адказвае аўтар і вядоўца праграмы "Оптымум" на канале “Беларусы і рынак”, эканамічны аглядальнік Андрэй Махоўскі

Сяргей Ціханоўскі падвёў вынік сваіх “100 дзён на свабодзе” і прызнаў, што за гэты час “зрабіў шэраг памылак”. Паглыбляцца ў тэму і аналіз тых памылак Сяргей не стаў. Але гэта добра робяць за яго іншыя. І досыць актыўна. Хоць часам здараюцца і каментарыі ў абарону Ціханоўскага і яго слоў ды дзеянняў. Зрэшты, крытыкаваць (як і абараняць) у нас любяць. Да прыкладу, хваляць Трампа за тое, што дзякуючы яму на волю пачалі выходзіць беларускія палітвязні. І крытыкуюць Трампа ж за тое, што легітымізуе Лукашэнку, а вызваляюць палітвязняў не правільна.

Ці можна казаць, што Ціханоўскага не пачулі (ці ўсё ж пачулі?) у ЗША і ці адчуваецца вынік ад адмовы Ціханоўскай пайсці на CNN? Ці чакаць канфрантацыі паміж Сяргеем Ціханоўскім і іншымі супрацоўнікамі Офіса і чым небяспечнае зніжэнне ўзроўню бяспекі Ціханоўскай у Літве? Што адбываецца з беларускай дыяспарай і чым пагражае палітычным структурам за мяжой пацяпленне адносін Мінска і Вашынгтона? На гэтыя ды іншыя пытанні ў эфіры Еўрарадыё адказвае лідар фракцыі Каардынацыйнай Рады “Беларусы”, бізнесмен Вадзім Пракоп’еў.

Недыпламатычны Ціханоўскі і любімая трасянка — Еўразум за 10 кастрычніка | Новости Беларуси за 10 октября by Euroradio

Спробы прэзідэнта ЗША Дональда Трампа замірыць Расію і Украіну не даюць вынікаў, і таму баі там працягваюцца. І па-ранейшаму ў абароне Украіны ад расійскіх акупантаў бяруць удзел і беларускія добраахвотнікі. А некаторыя з іх яшчэ паралельна і грамадскай дзейнасцю займаюцца. Напрыклад, з’яўляюцца дэлегатамі Каардынацыйнай рады. Вось толькі чым далей, тым больш скепсісу чуваць у словах байцоў (ці ветэранаў) адносна і Каардынацыйнай рады, і іншых палітычных структур дэмсіл…

Што адбываецца на фронце і ці сапраўды камандаванне ЗСУ робіць усё, каб беларускія добраахвотнікі не фармавалі свае структуры ў войску? Што адбываецца ў каардынацыйнай радзе і чаму “Лахвіч” мінімізаваў сваю працу там? Ці верыць у магчымасць стварэння беларускіх мілітарызаваных структур за мяжой і як ставіцца да прапаноў пачаць перамовы з рэжымам Лукашэнкі? На гэтыя ды іншыя пытанні ў эфіры Еўрарадыё адказвае добраахвотнік, блогер, сябра Каардынацыйнай рады ад фракцыі “Незалежныя белаоусы” Аляксандр “Лахвіч” Наўковіч

Ужо не першы раз беларускія панкі з гурта Dzieciuki ладзяць цікавыя калабы з гуртамі з іншых краін. Гэтым разам супольны выступ ладзіцца з чэшскім хардкор/панк гуртом The Neunikneš. Прычым канцэрт будзе не толькі ў Варшаве. Увогуле, беларускія музыканты і гурты даволі актыўна ўбудоўваюцца ў еўрапейскую (і не толькі) музычную плынь. Усё часцей ладзяцца не толькі выключна беларускія фэсты, але і атрымліваюць запрашэнні на фестывалі еўрапейскія. Ладзяць не толькі сумесныя канцэрты з еўрапейскімі гуртамі, але і запрашаюць мясцовых музыкаў у свае каманды ці на запісы новых песень.

Чым адметныя музыкі з гурта The Neunikneš і як з імі лёс звёў Dzieciukоў? Ці складана арганізаваць у краінах Еўропы выступ для беларускіх гуртоў і ці ёсць да іх цікавасць у еўрапейскага слухача? Што адбываецца з беларускай музыкай у эміграцыі і як прызнанне экстрэмістамі ўплывае на творчасць музыкаў? На гэтыя ды іншыя пытанні ў эфіры Еўрарадыё адказвае удзельнік гурта Dzieciuki Алесь Дзянісаў і арганізатар канцэртаў Пётр Дудановіч

Апошнія тыдні былі для беларускіх дэмсіл насычанымі: удзел у мерапрыемствах, канферэнцыях ды сустрэчах рознага ўзроўню і ў розных краінах. Пытанні найчасцей разглядаліся агульныя і нават глабальныя, але, выглядае на тое, што і канкрэтныя праблемы беларускай моладзі не засталіся паза ўвагай.

Чым адметныя былі мерапрыемствы і сустрэчы, праведзеныя апошнім часам у Вялікабрытаніі, Германіі, Польшчы і якія канкрэтна моладзевыя пытанні ўздымаліся на тых сустрэчах? Ці сапраўды рэальна вырашыць праблемы, з якімі сутыкаюцца беларускія студэнты за мяжой, і што для гэтага робіцца? Чаму беларускія дэмсілы хвалюе пытанне тэлефонаў, якія вучні ў школах Беларусі вымушаныя здаваць перад пачаткам урокаў, і што там з расійскай дэлегацыяй ў Савеце Еўропы? Пра гэта і шмат што іншае мы і разважаем у жывым эфіры Еўрарадыё з прадстаўніцай па справах моладзі і студэнцтва Аб’яднанага пераходнага кабінета Маргарытай Ворыхавай

Камісія па вяртанні людзей у Беларусь вяртае людзей у Беларусь з сярэдняй хуткасцю ў адзін чалавек за месяц. Уладам бы нешта зразумець праз гэта — але яны, здаецца, так нічога і не разумеюць — дадалі яшчэ 1 тысячу грамадзянаў Беларусі ў міждзяржаўны вышук. Абмяркуем гэта з блогерам, сябрам Каардынацыйнай рады Аляксандрам Кныровічам (якога таксама дадалі ў вышук).

Таксама пагаворым пра "Камволь" і бульбу, складаную сітуацыю, у якой апынуўся Офіс Святланы Ціханоўскай у Літве. І пра Лукашэнку, якога раптоўна прарвала на саміце СНД: аказваецца, Савецкі Саюз ужо не аднавіць!

Летась Анка Упала выпусціла аповесць пад назвай “Раз на дваццаць пяць тысяч гадоў”. Кнігу можна чытаць як працяг папярэдняга раману пісьменніцы “На заснежаны востраў” (пра жыццё ў іншай краіне), а можна — як асобны твор. Крытыкі кажуць пра яго кінематаграфічнасць. Аўтарка не супраціўляецца — на яе стыль сапраўды паўплывала паўночнаеўрапейскае кіно з яго бесстароннім рэалізмам.

У аповесці “Раз на дваццаць пяць тысяч гадоў” галоўная гераіня, Алена, зноў едзе ў Стакгольм — каб папрацаваць у архівах і сустрэцца з сяброўкай Тунці — дзяўчынай афрыканскага паходжання. Акрамя швецкай лініі ў аповесці ёсць і беларуская — Алене робяць аперацыю ў мінскай бальніцы, яна ходзіць купацца на Цнянку. Камунікацыя і складанасці стасункаў з людзьмі — галоўная тэма твора.

“Ад гэтай кнігі дакладна не стане горш, а можа нават стане лепш”, — пішуць крытыкі. І мы ім верым. Тым больш, што кніга ўвайшла ў шорт-ліст літаратурнай прэміі імя Ежы Гедройця. Анка Упала стане госцяй сумеснага стрыму Еўрарадыё і беларускага ПЭН-цэнтру.

Зламаная адліга і беларускае золата — Еўразум за 9 кастрычніка | Новости Беларуси за 9 октября by Euroradio