euroradio.fm

Як Макс Корж у Варшаве выступаў — Еўразум за 11 жніўня | Новости Беларуси за 11 августа by Euroradio

На канферэнцыі “Новая Беларусь”, якая праходзіла 9-10 жніўня ў Варшаве, прысутнічала досыць вялікая група замежных гасцей — дыпламатаў, палітыкаў, прадстаўнікоў экспертнай супольнасці. І ажно некалькі чалавек прадстаўлялі на беларускім форуме Украіну. Сярод іх і вядомы сацыёлаг ды грамадсткі актывіст Дзмітрый Грамакоў. Той самы, які два гады казаў, што ўкраінскія ўлады тады сур’ёзна будуць ставіцца да беларускіх дэмсіл, а Зяленскі знойдзе час на сустрэчу з Ціханоўскай, калі яна прыгоніць на фронт некалькі Haimars ці хаця б Abrams-аў.

Як з цягам часу змяняецца ва Украіне стаўленне да беларусаў і ад чаго гэтыя змены залежаць? Як успрымаюцца словы Сяргея Ціханўскага пра жаданне сустрэцца з Уладзімірам Зяленскім і ці такая сустрэча магчымая? Якія ўражанні ад беларускай Канферэнцыі і ці можна верыць слову Лукашэнкі пра вучэнні “Захад-2025”, якія “не нясуць пагрозы суседзям”? На гэтыя ды іншыя пытанні ў эфіры Еўрарадыё адказвае намеснік дырэктара і кіраўнік даследчых праектаў Міжнароднага цэнтра супрацьдзеяння расійскай агрэсіі, украінскі палітолаг Дзмітрый Грамакоў.

Экс-палітвязень Сяргей Ціханоўскі завітаў у студыю Еўрарадыё і расказаў пра грошы, свае эплвотчы, паездку ў ЗША і магчымую сустрэчу з Уладзімірам Зяленскім.

2020-ты праз пяць гадоў: дзе мы цяпер — Еўразум за 8 жніўня | Новости Беларуси за 8 августа by Euroradio

Пакуль яшчэ не масава і, магчыма, не асабліва голасна, але гучаць думкі пра тое, што сённяшнія лідары дэмсіл (як і стрыктуры, створаныя і ўзначаленыя імі) не справіліся са сваімі задачамі, не дасягнулі пастаўленых у 2020 годзе мэтаў і таму павінны сысці ў нябыт — самараспусціцца. Калі не хочуць, каб іх прымусова, як “гнілую калоду”, прыбралі са сваёй дарогі самі беларусы. Маўляў, святое месца пустым не бывае, а беларускі рух мусіць ачысціцца, бо час для такога ачышчэння прыйшоў.

Ці сапраўды сітуацыі ў дэмсілах і беларускай супольнасці дасягнула такой стадыі, калі патрабуецца абнаўленне, і ці ёсць кім абнаўляцца? Ці варта спадзявацца, што замена адных лідараў на іншых не прывядзе да абвалу ўзроўню кантактаў і падтрымкі беларускай супольнасці з боку заходніх партнёраў? Чаму прапанова круглагга стала так нервуе і рэжым, і частку дэмсіл і ці існуе ў дэмсіл стратэгія далейшага дзеяння? На гэтыя ды іншыя пытанні ў эфіры Еўрарадыё адказвае паліталагіня, кіраўніца працоўнай групы па контрэкстрэмізму Моладзевай рады ЗША Аліна Харысава.

Прыхільнікі адмовы ад стратэгіі ціску на рэжым і пачатку з тым рэжымам перамоўгнага працэсу сустрэлі досыць негатыўна ідэю круглага стала дэмсіл з прадстаўнікамі рэжыма Лукашэнкі, агучаную прадстаўніком Офіса Ціханоўскай Дзянісам Кучынскім. Маўляў, гэтая ідэя і гэты стол могуць прывесці да параліча перамоваў паміж Вашынгтонам і Мінскам. І як наступствы — да спынення вызваленняў палітвязняў, якія адбываюцца апошнім часам як вынік тых перамоў.

Чаму стратэгія ціску на рэжым прыводзіць, на думку Кавалеўскага, да адваротных вынікаў і ці сапраўды за апошнія гады Беларусь аддалілася ад сваіх дэмакратычных мэтаў? Як дасягненню дэмакратычных мэтаў дапаможа “перагорнутая старонка”? Якім чынам ініцыятыва перамоваў дэмсіл з рэжымам можа прывесці да параліча перамоўнага працэсу паміж Мінскам і Вашынгтонам і ці ёсць такія перамовы сёння? Гэтыя ды іншыя эканамічныя тэмы абмяркоўваем у жывым эфіры Еўрарадыё з кіраўніком Агенцтва еўраатлантычнага супрацоўніцтва Валерыем Кавалеўскім.

Разуменне таго, дзе па выніку 5 апошніх гадоў апынулася беларускае грамадства, у кожнага сваё. Хтосьці кажа, што мы дасягнулі таго, чаго раней апаненты рэжыма ніколі не дасягалі. Іншыя кажуць, што няма ніякіх станоўчых вынікаў і лепшае, што могуць зрабіць пабудаваныя за гэты час структуры — самараспусціцца. Трэція перакананыя, што сёння ад дзейнасці гэтых дэмсіл толькі шкода і іх неабходна зрынуць са свайго шляху. А ўвогуле, ёсць адчуванне, што “новай апазіцыі” у нас больш няма, бо яна перайшла ў катэгорыю апазіцыі “старой”…

Дзе ж сёння апынуліся беларусы і ці ёсць разуменне ў якім кірунку ісці далей? Ці здольныя палітычныя лідары і актывісты вызначыцца далейшым шляхам і стратэгіяй на палях канферэнцыі “Новая Беларусь”? Чаму прапанова круглага стала так нервуе рэжым і калі ўжо дэмсілы прыйдуць да аб’яднання? На гэтыя ды іншыя пытанні ў эфіры Еўрарадыё адказвае кіраўнік цэнтра “Еўрапейскі дыялог”, дарадца Святланы Ціханоўскай па парламенцкім супрацоўніцтве і канстытуцыйнай рэформе Анатоль Лябедзька.

Увечары 9 жніўня 2020 года канваірам у СІЗА №1 выдалі зброю. Міліцыянты ў калідорах абмяркоўвалі, што людзі неўзабаве прыйдуць вызваляць зняволеных апанентаў Лукашэнкі.

Але прыкладна а 1-й ночы ім сказалі здаць пісталеты. Усё супакоілася.

Пра гэта, а таксама пра перадумовы, дасягненні і памылкі 9 жніўня 2020 года і пра тое, дзе мы знаходзімся цяпер, размаўляем з блогерам і палітыкам Аляксандрам Кныровічам. Абмяркуем таксама 15 тысяч еўра, якія Лукашэнка загадаў выдаць Ціханоўскай, і ці сапраўды цяперашняя беларуская апазіцыя — "газпрамаўская", як кажуць некаторыя.

Ціханоўская 2020 і 2025: што не так — Еўразум за 7 жніўня | Новости Беларуси за 7 августа by Euroradio

9 жніўня ў Варшаве будзе праходзіць ужо традыцыйная Канферэнцыя “Новая Беларусь”. Але вядома, што аднымі “акадэмічнымі рэфлексіямі” на тэму 5-й гадавіны беларускага паўстання 2020 года не абыдзецца. У гэты дзень беларусы ва ўсім свеце будуць ладзіць розныя мерапрыемствы, каб нагадаць пра тыя рэпрэсіі і пераследы, якія і да сёння працягваюцца ў нашай краіне. Ад жалобных сходаў і маршаў да культурных мерапрыемстваў і акцый салідарнасці — сусветная дыяспара аб'ядноўваецца, каб нагадаць свету, што барацьба за свабоду ў Беларусі працягваецца. Калі ж казаць канкрэтна пра Варшаву, то тут адбудзецца марш, у якім возьмуць удзел і лідары дэмсіл на чале са Святланай і Сяргеем Ціханоўскімі.

Якое значэнне для палітычнай барацьбы з рэжымам маюць вулічныя маршы па-за межамі Беларусі і як яны ўплываюць на беларускае грамадства? Ці мэтазгодна праводзіць такі марш на фоне пагрозаў, што гучаць з боку прадстаўнікоў лукашэнкаўскага рэжыма і што наконт бяспекі ўдзельнікаў марша? Ці магчыма нешта рабіць для нацыянальнага адражэння, знахоодзячыся за межамі краіны і ці патрэбна гэта беларусам у эміграцыі? На гэтыя ды іншыя пытанні ў жывым эфіры Еўрарадыё адказваюць в. а. прадстаўніка Аб’яднанага пераходнага кабінета па нацыянальным адраджэнні, кандыдат філасофскіх навук, дацэнт Павел Баркоўскі і сябра Беларускай асацыяцыі палітвязняў Алег Кулеша.