euroradio.fm

Украіна дагэтуль не атрымала ракет да амерыканскай сістэмы “Пэтрыёт”. Гэта не паўплывала на ўдары ўглыб расійскай тэрыторыі, але значна зменшыла магчымасці па абароне ўкраінскіх гарадоў. І наноў паставіла пытанне пра колькасць “козыраў” у кожнага з бакоў у магчымых мірных перамовах. На якія так марыць патрапіць Лукашэнка. Разлічваючы на падтрымку з боку ці то Пуціна, ці то Трампа. Кіеў у гэтым пытанні (калі яно ўвогуле ўзнікне) нібыта аддае перавагу дэмсілам, але і з імі апошнім часам супраца не асабліва пашыраецца. Не кажучы ўжо пра вырашэнне праблем беларусаў, якія жывуць ва Украіне, і беларускіх добраахвотнікаў…

Чаму ў Зяленскага не атрымліваецца знайсці ракеты для сістэм СПА і ці не з’яўляецца гэта сітуацыя своеасаблівым прымусам Кіева да ўступак Маскве? На якім узроўні эскалацыі спыніліся адносіны паміж Кіевам і Мінскам, і чаго чакаць далей? Чаму няма працягу адносін Кіева з дэмсіламі, і што сёння з тымі беларускімі дэмсіламі адбываецца? На гэтыя ды іншыя пытанні ў эфіры Еўрарадыё адказвае палітолаг, дырэктар украінскага Інстытута сусветнай палітыкі, эксперт iSANS Яўген Магда

Дэмсілы збіраюцца на чарговую канферэнцыю “Новая Беларусь”, якая пройдзе ў Варшаве 8–9 жніўня. Але выглядае на тое, што да сёлетняй гадавіны падзей 2020 года беларуская супольнасць падыходзіць структурна і арганізацыйна аслабленай і з вялікім наборам праблем, якія не толькі не вырашаюцца, але і назапашваюцца. І ўсё адбываецца на фоне запавольвання перамоў паміж Вашынгтонам і Мінскам, узмацнення ваеннай пагрозы як з боку Беларусі, так і для Беларусі.

У якім стане і з якімі вынікамі падыходзяць дэмсілы да чарговай гадавіны падзей 2020 года, і на што ім варта было б найперш звяртаць увагу ў будучым? Чаму так і не знялі з “ручніка” перамоўны працэс Мінска з Вашынгтонам, і ці чакаць паездкі Лукашэнкі да Трампа? Як змяняецца Еўрасаюз пасля іспанскага міграцыйнага крызісу, і чаму Лукашэнка не пакіне ў спакоі з’ехаўшых за мяжу беларусаў? На гэтыя ды іншыя пытанні ў эфіры Еўрарадыё адказвае палітычны аналітык, эксперт Берлінскага цэнтра Карнегі Арцём Шрайбман

Лукашэнка знайшоў у Мінскай вобласці палі, што "зараслі нават не хмызняком, а пустазеллем". І патрабуе ўсё выправіць — як звычайна, "іменем рэвалюцыі". З года ў год, з раёна ў раён — усё адно і тое ж.

Тым часам Ганну Канапацкую "закінулі" ў Варшаву. Навошта? Не іначай, як яна збіраецца паўдзельнічаць у Канферэнцыі "Новая Беларусь", што пачнецца 8-га жніўня. Што там будуць абмяркоўваць, і якія пытанні прапанавалі падняць на гэтай канферэнцыі блогеру Аляксандру Кныровічу?

Універсітэт будучыні і бясконцае чаканне Коўла — Еўразум за 6 жніўня | Новости Беларуси за 6 августа by Euroradio

Напярэдадні канферэнцыі “Новая Беларусь”, якая пройдзе ў Варшаве 8–9 жніўня, лукашэнкаўскія спецслужбы кінуліся збіраць інфармацыю пра тых, хто плануе яе наведаць. А ў Віцебску, паводле інфармацыі праваабаронцаў, міліцыя зноўку пайшлa па тых, каго ўнеслі ў базу “Беспорядки”. Правяраюць месца прапіскі і тэлефоны ў людзей, якіх прыцягвалі да адказнасці за ўдзел у несанкцыянаваных масавых акцыях падчас пратэстаў 2020 года. Беларусы ж па абодва бакі мяжы працягваюць чакаць прыезду ў Мінск Коўла…

Чаму лукашэнкаўскія спецслужбы так уважліва сочаць за дзейнасцю дыяспары і чаму не могуць “адпусціць 2020 год”, да чаго заклікаюць людзей ужо нават асобныя прадстаўнікі дэмсіл? Чаму ніякіх зрухаў на перамоўным трэку “Мінск — Вашынгтон” больш не чуваць, і чаму Латвія вырашыла не закрываць мяжу з Беларуссю? Як змяняецца Еўрасаюз пасля іспанскага міграцыйнага крызісу? Пра гэта і шмат што іншае мы і разважаем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам

9 жніўня ў цэнтры Варшавы, каля помніка Мікалаю Каперніку, адбудзецца Дзень Годнасці — традыцыйная маштабная падзея, прымеркаваная да шостай гадавіны прэзідэнцкіх выбараў 2020 года ў Беларусі і пачатку мірных пратэстаў. Мерапрыемства ў Варшаве, таксама як і ў Вільні, Празе, Вене, Таронта, Нью-Ёрку, Сан-Францыска і шмат яшчэ дзе — гэта не толькі нагода ўспомніць жнівень 2020 года, але і магчымасць яшчэ раз паказаць, што беларусы па ўсім свеце застаюцца адзінымі ў падтрымцы свабоды, праўды, чалавечай годнасці і дэмакратычных каштоўнасцей.

Чаму не варта забывацца на падзеі 2020 года і чаму мы не мусім проста “жыць далей”? Чым адметнае сёлетняе мерапрыемства і як на актыўнасць беларусаў уплываюць пагрозы рэжыму? Ці варта верыць у “акно магчымасцей” і як не спазніцца і скарыстацца ім? На гэтыя ды іншыя пытанні ў эфіры Еўрарадыё адказваюць прадстаўнік па нацыянальным адраджэнні Аб’яднанага пераходнага кабінета Павел Баркоўскі і адна з ананімных удзельніц “Вольнага хору”

З пачатку ХХ стагоддзя ЗША змагаецца з камуністамі. Потым СССР разваліўся, і камуністы нібыта зніклі, але гэтая барацьба, якую вядуць ЗША, працягваецца і сёння. Праўда, як кажуць палітолагі, цяпер ворагаў называюць не камуністамі, а “левакамі”. У выпадку з Трампам размова ідзе пра дэмакратаў. У такой сітуацыі вырашальным аргументам для амерыканскага выбаршчыка з’яўляюцца не нейкія знешнепалітычныя перамогі прэзідэнта краіны і яго партыі, а перамогі ўнутраныя. Калі не над коштамі на бензін, то хаця б над сучасным увасабленнем камуністаў — “левакамі”. Маўляў, пра якую вайну ва Украіне ці палітвязняў у далёкай Беларусі можна казаць…

Як камуністы сталі галоўнымі ворагамі стагоддзя для ЗША і пры чым тут сённяшнія дэмакраты ды іншыя “левакі”? Ці сапраўды для амерыканскага выбаршчыка кошты на безін важнейшыя за геапалітычную перамогу краіны, і пры чым тут, ізноў жа, перамога над сваімі “левакамі”? Ці паўплываюць выбары ў ЗША на перамоўны трэк з Мінскам і ці будзе новы візіт Коўла? На гэтыя ды іншыя пытанні ў эфіры Еўрарадыё адказвае амерыканіст, дарадца Агенцтва еўраатлантычнага супрацоўніцтва Антон Пянькоўскі

+40 у Беларусі і факапы апазіцыі — Еўразум за 5 жніўня | Новости Беларуси за 5 августа by Euroradio

Набліжаецца 9 жніўня — ужо шостая гадавіна рэвалюцыі 2020 года і час падвядзення вынікаў на чарговай канферэнцыі “Новая Беларусь”. Але ці ёсць дэмсілам гэтым разам чым пахваліцца? Чым далей ад 2020 года, тым меншая цікавасць да беларускіх пратэстаў як з боку заходніх палітыкаў і грамадства, так і з боку саміх беларусаў. У якіх чым далей, тым больш праблем назапашваецца. Вырашыць якія бывае вельмі няпроста. А існуючыя структуры дэмсіл дапамагчы з іх вырашэннем не ў стане.

Якія на сёння галоўныя выклікі стаяць перад беларусамі — як ў замежжы, так і ў Беларусі, — і ці ёсць у дэмсіл магчымасці і рэсурсы гэтыя праблемы вырашаць? На якім этапе знаходзіцца перамоўны працэс паміж Вашынгтонам і Мінскам, і ці ёсць разлік на тое, што “Круглы стол” магчымы ў бліжэйшы час? Ці захоўваецца вера ў “акно магчымасцей”, і як не спазніцца і скарыстацца ім? На гэтыя ды іншыя пытанні ў эфіры Еўрарадыё адказвае лідарка дэмакратычных сіл Беларусі, кіраўніца Аб’яднанага пераходнага кабінета Святлана Ціханоўская

Украінскія дроны ўпарта трапляюць не толькі ў расійскія НПЗ, але (і нават з большай упартасцю) і ў хабы Wildberries. Расія ж у адказ працягвае тэрарызаваць крытычную інфраструктуру ўкраінскіх гарадоў. А Лукашэнка са свайго боку не спыняецца тэрарызаваць суседнія краіны нелегальнай міграцыяй і пагрозамі. Што праўда, Мінск ужо атрымаў адказ ад Латвіі, якая проста закрыла мяжу з Беларуссю. А пагрозы прымушаюць суседзяў не на перамовы з Лукашэнкам ісці, а працаваць над метадамі бяспекі мяжы і выпрацоўваць сістэму супрацьдзеянняў любой агрэсіі з усходу.

Ці сапраўды ў Беларусі існуе патрэба ў новым Інстытуце “будучыні” і пра што сведчаць вынікі сёлетняй уступнай кампаніі? На якім этапе знаходзіцца перамоўны працэс паміж Вашынгтонам і Мінскам і ці захоўваецца цікавасць да Лукашэнкі з боку Трампа? Ці чакаць закрыцця меж з Літвой і Польшчай, і як на сітуацыю ў нашым рэгіёне ўплываюць вайна ЗША з Іранам і міграцыйны крызіс у Іспаніі? Пра гэта і шмат што іншае мы і разважаем у штотыднёвым жывым эфіры Еўрарадыё з дацэнткай, кандыдаткай гістарычных навук, эксперткай па міжнароднай палітыцы Розай Турарбекавай