Clár speisialta é seo le Galt Barber, a bheirt mhic Conall agus Tadhg, agus a bhean Janet atá ag cur fúthu gar do San Francisco, California na Stát Aontaithe. Labhraíomar faoina saol ansin, lena gclann á thógáil trí Ghaeilge, ciníochas agus éirí aníos na ndaoine gorm faoi láthair i SAM agus go leor eile.

Ar an gclár seo, labhraíomar le Martha Wright i New Jersey na SA ag labhairt linn faoina saol ansin, éirí aníos #BlackLivesMatter, paindéim #Covid_19 agus eile. Chomh maith leis sin bhí Noelle O Connell ó Ghluaiseacht na hEorpa in Éirinn ag labhairt faoin bpaindéim agus an Eoraip, obair na heagraíochta agus eile.

Ar an gclár seo chualamar ó Audrey Nickel i gCalifornia faoi na léirsuithe thall ansin agus ar fud na Stát Aontaithe ar son an phobail ghoirm faoi láthair. Chomh maith leis sin chualamar an dara cuid d'agallamh a rinne mé le Seán Ó Coistealbha i Muintearas i gConamara faoi na tionscnaimh éagsúla atá á reachtáil acu le daoine ar fud na cruinne ar líne i láthair na huaire.

Ar an gclár seo bhí Matt Holmberg i mBostún linn le labhairt faoi bhás George Floyd agus éirí amach #BlackLivesMattter timpeall ar na Stáit Aontaithe le déanaí. Chomh maith leis sin chualamar ó Sheán Ó Coistealbha i Muintearas i gConamara faoi thionscnamh a rinne siad le Foras na Gaeilge chun scéal fiannaíochta ó Oileán Leodhais a roinnt ar líne agus tionscnaimh eile le daoine ar fud na cruinne ar líne.

Ar an gclár seo bhí Clár Ní Bhuachalla, Stiúrthóir Gaeltacht UCD i gCOBÁC ag labhairt linn faoi obair a hoifige in aimsir #covid-19 agus eile. Chomh maith leis sin bhí Mícheál Ó Conaire ón Roinn Cultúir, Oidhreachta agus Gaeltachta ag labhairt linn faoi oscailt comórtas d'intéirneachtaí in institiúidí na hEorpa, maoinithe ag an Roinn.

Ar an gclár seo bhí Eoin McEvoy ag labhairt linn faoin Lá Idirnáisiúnta i gcoinne homafóibe, défhóibe, idirghnéasachais agus trasfóibe agus an grúpa an Queercal Comhrá anseo in Éirinn. Chomh maith leis sin bhí Seáinín Mac Conraí ag labhairt linn faoi Ghaeil Brattleboro Vermont - conas atá ag éirí leo i rith pandéim #COVID19 , a gcuid imeachtaí ar líne, obair Sheáinín in oispidéal i Vermont agus eile.

Ar an gclár seo bhí Maitiú Ó Coimín, eagarthóir Nós ag caint linn faoin scéal seo- bailiúchán airgid in Éirinn mar bhuíochas don phobal bundúchasach Navachóch agus Hóipeach i Meiriceá Thuaidh mar chúnamh agus an pobal buailte go dona leis an gcoróinivíreas. Chomh maith leis sin, bhí Pa Sheehan ag labhairt linn faoin saol i dTalamh an Éisc, Ceanada faoi láthair agus a phleananna bogadh go Toronto a bheith mar theagascóir ICUF.

Ar an gclár seo bhí Karen Reshkin ag labhairt linn faoina saol i Palatine, Illinois leis an gcoróinvireas, Gaeil Chicago ar líne, an caora cliste agus eile! Chomh maith leis sin, bhí Ian Mac Gabhann ag labhairt linn faoi conas mar a d'éirigh leis an bhfeachtas #trasnanadtonnta le gairid!

Ar an gclár seo labhair Paula Melvin ó Choimisiún Fulbright na hÉireann linn faoi chlár Fulbright agus conas atá ag éirí leis in aimsir géarchéime. Chomh maith leis sin, bhí James McDonald ag labhairt linn faoin saol i Londain Shasana faoi láthair, Conradh na Gaeilge i Londain, an cóir Gaelic Voices agus eile!

Ar an gclár seo labhair mé le Caitríona Weafer faoi chúrsaí thall i Virginia na Stát Aontaithe faoi láthair agus le Colleen Ní Chairmhic faoina cuid oibre leis an dlí trí Ghaeilge i Nua Eabhrac!