Ar an gclár seo chualamar ó Shéamus Ó Broin ó Ghrúpa Gaeilge Manchain a labhair linn faoin bhféile ealaíon a bhíonn ag an ngrúpa gach bliain agus go leor eile. Chomh maith leis sin bhí Seoirsín Ní Mheachair ó Chraobh Chumar an Dá Uisce de chuid Chonradh na Gaeilge in Albany Nua Eabhrac agus ó Dhaltaí na Gaeilge linn le labhairt faoin Lá Gaeilge a bhí acu le gairid gar d'Albany, ceardlann amhránaíochta le Doiminic Mac Giolla Bhríde, seachtain samhraidh Gaeilge i measc go leor eile. Ar deireadh, go speisialta, chualamar amhrán ón gceoltóir Roehind sall i gCathair na nAingil na Stáit Aontaithe ar tháinig a céad albam, Buile, amach an tseachtain seo caite.

Ar an gclár seo chualamar ó Shiobhán Nic Ghaoithín a labhair linn faoin bhféile ilchultúrtha Fhéile le Chéile DLR de chuid Comhairle Contae Dún Laoghaire Ráth Dúin le grúpaí ó chúlraí éagsúla, dírithe ar an ionchuimsiú, dul in aghaidh ciníochais agus go leor eile! Chomh maith leis sin chualamar ó Ola Majekodumni a labhair linn faoin bpainéal iontach a mbeidh á stiúradh aici faoin ionchuimsiú sna meáin agus sna dána in Éirinn mar chuid den fhéile! Ar deireadh, go speisialta chualamar cúpla amhrán ón gceoltóir Roehind sall i gCathair na nAingil na Stáit Aontaithe atá á chur a céad albam, Buile amach an tseachtain seo.

Clár speisialta é seo ar Lá Eorpach na dTeangacha le triúr sall in Ollscoil Montana na Stát Aontaithe, Traolach Ó Ríordáin agus scoláirí Fulbright Abaigéal Drummy agus Niamh Hetherington, a labhair linn faoi chúrsaí Gaeilge agus cur chun cinn na teangan agus an chultúir Ghaelaigh ansin, agus go leor eile!

Ceiliúradh ar Fada is Fairsing atá sa chlár seo den 400ú clár agus breis is 10 mbliana den chlár ar an bhfód le daoine ó gach cearn den domhan! Clár speisialta a bhí anseo, dírithe ar an Oíche Chultúir á ceiliúradh Dé hAoine. Ar an gclár chualamar ó Monica de Bath ag caint linn faoina himeacht "Brat Do Bhríd – Ag Fí Ó Nádúr" i leabharlann Rathangan. Chomh maith leis sin chualamar ó Patrick O'Leary, Cláraitheoir Ollscoil na hÉireann a labhair linn faoi oscailt doirse na hOllscoile don Oíche Chultúir den chéad uair riamh, Duaiseanna OÉ agus go leor eile atá ar siúl ag lucht na hOllscoile faoi láthair.

Ar an gclár seo, chualamar ó Chian Ó Conchúir a labhair linn faoi thaispeántas a scannáin úir Gaeilge 'An Chathair Mhór' san Ionad Aisling i Nua Eabhrac agus an scannán féin. Chomh maith leis sin chualamar ó Ailísh Ní Chonghaíle, Oifigeach Forbartha Cultúir agus Óige san Ionad céanna, a labhair linn níos mó faoi sheirbhísí uile an Ionaid agus na himeachtaí cultúrtha a bhíonn ar siúl acu.

Ar an gclár seo chualamar ó Martha Wright i New Jersey na Stát Aontaithe ag labhairt linn faoina saol ansin agus a turas go hÉirinn le gairid! Chomh maith leis sin chualamar ó Chonchubhar Mac Giolla Bhríde atá ar scoláireacht Fulbright mar theagascóir Gaeilge in Ollscoil Wisconsin-Milwaukee faoi oscailt an chomórtais agus tús a scoláireachta féin!

Ar an gclár seo chualamar ó Kelly Doherty ó Na Gaeil Chicago a labhair linn faoi na cúrsaí Gaeilge a bheidh ar siúl ansin san fhómhar, a scéal féin agus Féile na nGael Milwaukee. Chomh maith leis sin bhí Andy Caomhánach, Feidhmeannach Ríomhaireachta le hAcadamh na hOllscolaíochta Gaeilge, Gaoth Dobhair linn le labhairt faoin dream mac léinn a tháinig chucu ó thuaidh as Washington le cur lena gcuid Gaeilge!

Ar an gclár seo labhair muid le hÁine Ní Bheinéid i Melbourne na hAstráile faoi Chorn Domhanda na mBan a bhí ar siúl ansin i rith an tsamhraidh. Chomh maith leis sin labhair Joe Simpson linn faoi Fhéile Eisteddfod sa Bhreatain Bheag ar fhreastail sé air le gairid - meascán de chultúr na Breataine Bige, an phobail aitigh agus go leor eile!

Ar an gclár seo d'éist muid le hagallamh a rinne mé ag Oideas Gael i nGleann Cholm Cille le hEvin Ó Dúnaigh ó Chonradh na Gaeilge i nGlaschú agus Briain Finnegan ó Chumann Chaitlín agus Thomáis Uí Chleirigh i Nua Eabhrac faoin tseachtain a chaith siad le Gaeil ó áiteanna i bhfad is i gcéin i dTír Chonaill. Chomh maith leis sin chualamar an chéad leath d'agallamh a rinne mé le Karl Birthistle san Eilvéis faoina chuid oibre leis an Roinn Sláinte i gcantún Basel-Land mar víreolaí cliniciúil don straitéis leighis don chlár vacsaínithe i rith na paindéime, na cúrsaí Gaeilge a rinne sé le hOllscoil Mhá Nuad, le hOllscoil na Gaillimhe agus Oideas Gael agus go leor eile!

Ar an gclár seo labhair muid leis an tráchtaire spóirt Cóilín Ó Dubhthaigh faoi Chluichí Domhanda an Chumainn Luthchleas Gael Chomh maith leis sin labhair Seán Ó Daimhín linn faoi Thuras Fraince na mBan nó Tour de France Femmes a raibh sé ag coinneáil súile géire air ar TG4 agus ar Eurosport ó thús deiridh an tseachtain seo caite!