Farafinna sɔrɔ ko

Nɔnɔ caman bɛ sɔrɔ Mande duguw la. Nga, o san ko, o bayɛlɛmako, o ye fenw ye min ma sinsin Mande jamanaw kɔnɔ kɔsɔbɛ. Senegal 100 sara la, nɔnɔ hakɛ 84 bɛ bi bɔ kɔkan ? Mun bɛ naa ni kɔkan nɔnɔ san ye k'an fɛ nɔnɔw to ? A bayɛlɛmako bɛ cogodi  Senegal ? A feere ko don ? An bɛna ɲini k'olu jaabi jɛmukan in kɔnɔ.

Banganmara bɛ ni jɔyɔrɔba ye Manden jamanaw kɔnɔ. Wa a bɛ nafaba lase baganmaralaw ma ani jamana fana ma. Dɔ bɛ se ka fara o kan yɛrɛ ni baganmaracogo kuraw donna ba la.

CFA wari miliyari 500 de bɔra ka CAN ndonlantankɛnɛw jɔ ni ka dɔw lakuraya. CAN min kɛra ka taa janvier kalo tile 13 k'a kuncɛ février kalo tile 11 lon saan 2024, a kɔ jɔli baara tora tiɲɛ ye.

A senkɔrɔ, Cote d'Ivoire kan caman de ye nafaw sɔrɔ. 

Mun ka kan ka kɛ ka jɔlibaaraw tɔnɔ bɔ u kana labila tan?

An bɛn'o jabi lase aw ma yanni dɔni. An bɛn'o kumakɛ n'an ka maa weelelenw ye. 

Décembre kalo tile 26 lon, Côte d'Ivoire kurako minisiri Mamadou Sangafowa COULIBALY bɔra ka fɔ ko dasi 10 bi fara kuran sɔngɔ kan 100 sara la.

O donna bara saan tile fɔlɔ wa Côte d'Ivoire kanw y'o nɔ ye u ka kalosaa tɛmɛnen kura sɔngɔ la.

Mun nana ni kuran sɔngɔ yɛlɛ in ye kokura sabu la a siɲɛ filanan de ye kalo 6 kɔnɔ ?

A bi mun kɔlɔlɔ lase jamanadenw ni baarakɛlaw ma sɔrɔko fanfɛ. Cote d'Ivoire  bi kuran feere a dafɛ jamana caman ma, yala sɔngɔ yɛlɛ bi se olu fana ma ?

Farafinna jamanaw yɛrɛ konɔ kuran sɔngɔ ka gɛlɛ ka tɛmɛ diɲɛ fan tɔw kan, nɔgɔya bi se ka don o ra cogo di ?

An bɛn'o jaabi lase u ma an ka sɔrɔko jɛmukan na.

RFI Mandenkan lamɛbagaw, sɔrɔko jɛmukan kanubagaw aw ni yan tuma, aw dansɛ!
Karilon decembre kalo tile 17 suu ka dugugwɛ tɛnɛlon, saan 2023, taa mɛnɛna Kaloum taajii mara yɔrɔ ba la.

Mɔgɔ 23 nin tɔra a dafɛ, 200 ni kɔ jɔginna. Nka kasara in kɔ kɔlɔlɔ barika bɔɲɛna sɔrɔko fanfɛ, jamanadenw kan ani jamana yɛrɛ kan.

Sɔrɔko jɛmukan an bɛna kuma o kɔlɔlɔw de kan. Oradon, an ye kanbɔ Dr. Mamadi KEITA ma, ale ye sɔrɔko donbaga ye ani sanfɛ kalanfa Université Lansana CONTE la Guinée. An bɛna an ka laseliw dɔw lamɛ, kasara in ko kan ana kɔlɔlɔw ni ka jumankan in laban ni an ka lamɛlikɛla dɔ hakilinan ye.

I ko kalo o kalo, an bi kuma di muso cɛsirilen dɔw ma minnu bɛɛ ye kɛnyɛrɛye cakɛda sigibagaw ye. Nin kalo in na tuguni an bi lada latilen. An bi taga bɔ muso fila fɛ.

Fɔlɔ ye Aminata KAFANDO OUATTARA ye. Ale ka cakɛda tɔgɔ ye Dan Agro, a ka baara ye ka tiga ni dɔ k'a ma tigin, k'o bayɛlɛma. Filanan ye, Goné BARRY DIALLO ye, a bɛ kwɛlɛ dan de kɛ ni k'o danfaniw feere.

Farafinw k'u yɛrɛ ka fɛndilannenw san, ka fɛnw fana dilan Farafinw bɛ min dumu ! 

O ye laɲiniba ye min kuma bɛ fɔ kabi san caman. Nga, a waleyali ye tɔ-ka-jɛ ye. Nga, kabi san damani fana, baara caman bɛ ka kɛ yasa ka yɛlɛma don o la.

Farafinna fɛndilanw bɛ sankɔrɔta cogodi yasa a ka san ni ka dumu ? 

O de y'an ka sɔrɔko jɛmukan in babu ye. Issouf ZERBO n'a ka mɔgɔ weelelenw kumana o de kan, a y'olu minnu kunbɛn "FIDAK" tako 31nan kɛnɛ kan. 

Nin desanburu kalo in na, an bɛ taga ka muso kɛnyɛrɛye dɔw kuma fɔ aw ye. 

Olu bɔra Mali jamana kɔnɔ kana u ka siman bayɛlɛmanenw yira ani fana ka baaraɲɔgonya sigi muso wɛrɛw ye. An ye masaala kɛ n'o muso cɛsirinen 4 ye Dakar suguba "Foire Internationale de Dakar" taako 31nan kɛnɛ kan. 

"FIDAK" tako 31nan daminɛ desanburu kalo tile fɔlɔ, a bɛ kuncɛ a tile 31 don "CICES" kɛnɛ kan. 

Ɲinan ta babu sigira musow ka yɛrɛtali de kan, o min bɛ sababu ye k'o yiriwa o sirafɛ ka sigida ni jamana yiriwa. Jamana 22 denw nana ka talikɛ a la, a talikɛla wa 7 ni 700 ɲɔgɔn de bɛ kɛnɛ kan. 

Ka danfaniw sankɔrɔta ni k'a donbagaw caya alisa, o hakilila de nana ni sugu sigili ye Dakar min bɛ weele Fransikan na "Salon International pour la valorisation du pagne tissé". A tako filanan kɛra Dakar ka ta novanburu kalo tile 24 ka kuncɛ a tile 26 don.  Sɔrɔko jɛmukan in bɛ taga n'an ye o sugu kɛnɛ kan.