Við fengum til okkar Sigurð K. Kolbeinsson, eiganda Ferðaskrifstofu eldri borgara, í viðtal í dag. Á heimsíðu ferðaskrifstofunnar segir að markmið þeirra sé að framleiða áhugaverðar ferðalausnir sem henta eldri borgurum, sem innihalda skemmtilega afþreyingu, spennandi áfangastaði og þægindi. Sigurður sagði okkur frá því hvaða ferðir eru í boði og hvernig hefur gengið á þessum skrýtnu tímum Covid og sóttvarna.

Fóstbræðra saga er talin með yngri Íslendingasögum, frá lokum 13. aldar. Sagan gerist öll eftir kristnitöku og segir frá ævintýrum fóstbræðranna Þorgeirs Hávarssonar og Þormóðar Kolbrúnarskálds. Hún lýsir sambandi gjörólíkra persónuleika fóstbræðranna og önnur mikilvæg persóna er Ólafur Haraldsson Noregskonungur og er Fóstbræðrasaga fleyguð inn í Ólafs sögu helga í Flateyjarbók. Ásdís Egilsdóttir, prófessor emeritus í íslenskum bókmenntum fyrri alda við Háskóla Íslands, kom í þáttinn í dag og sagði frá því Fóstbræðrasögu og námskeiði sem hún verður með hjá Endurmenntun H.Í. í lok september.

Engilbert Ingvarsson er fæddur árið 1927 í Unaðsdal á Snæfjallaströnd og má með sanni segja að hann muni tímana tvenna. Kristín Einarsdóttir, okkar kona á Ströndum, settist niður með Engilbert og fékk hann til að segja frá lífinu á Snæfjallaströnd fyrir næstum hundrað árum.

UMSJÓN GUÐRÚN GUNNARSDÓTTIR OG GUNNAR HANSSON