Sekoly Sabata

Kristy no lohan'ny fiangonana, ny fiangonana no tena. Izy no manapaka ny fiangonana. Fanahy iray no nanaovana batisa antsika ho lasa tena iray, dia ny fiangonan'Andriamanitra izany. Ny Fanahy Masina no manao batisa antsika, na manitrika antsika ao anatin'ny tenan'i Kristy - na fiangonan'i Kristy. Ny lalana hahatongavana amin'izany dia:

Ny hoe manao batisa amin'ny anaran'i Jesosy dia midika hoe manao batisa amin'ny fahefan'i Jesosy Kristy.

Ny hoe manao batisa amin'ny anaran'ny Ray sy Zanaka ary Fanahy Masina dia midika hoe asitrika na ampidirina ao amin'ny ankohonan'Andriamanitra.

Rehefa tonga ho momba ny tenan'i Kristy dia manao ny asany, amin'ny alalan'ny fitoriana ny Filazantsara, fametrahan-tanana sy fanasitranana ny marary, fitondrana am-bavaka ny hafa, ary mandroaka devoly amin'ny anaran'i Jesosy Kristy. Ny asan'Andriamanitra dia ny mamahana ny ondrikelin'i Kristy. Izany dia midika hoe mitarika, mitaiza, mampianatra, ary manoro hevitra. Ny Baiboly iray manontolo mihitsy no totkony harahina, izay mirakitra ny didy sy fitsipika ary lalàn'Andriamanitra izany.

Fampaherezana - Sabata 2021-07-31

Enina hetsy lahy no isan'ny zanak'Isiraely avy tany Egypta (Nomery 11:16-29). Maro tamin'izy ireo no tsy tafiditra tao amin'ny tany Kanana noho ny fimonomononany sy ny tsi-finoany. Ny zanak'Isiraely dia te-hijanona ho andevo tany Egypta.

Ny tany Kanana dia tandindon'ny Fanjakana Arivo Taonan'i Kristy. Mosesy dia mbola hampianatra ny lalàn'Andriamanitra any amin'ny Fanjakan'Andriamanitra. 

Rehefa mitandrina ny lalàn'Andriamanitra isika dia sokafany mandrakariva ny fahalalana ny marina avy aminy.

Tenin'Andriamanitra : 

Nomery 11:16-29, Jaona 21:15-19, 1 Korintiana 12:1-14

Andriamanitra dia manome ny Fanahiny ho an'ny olona izay irahiny hanao ny asany. Tamin'ny andron'i Mosesy dia nisy 70 lahy nomena Fanahy Masina ary naminany ireo. Mosesy dia naniry ny hananan'ny olona rehetra ny Fanahin'Andriamanitra mba hahatonga azy ireo hatahotra an'Andriamanitra.

Jesosy Kristy koa dia naniraka 70 lahy hanao ny asan'Andriamanitra, dia ny hitory ny Filazantsara. Jesosy Kristy koa dia maniraka antsika hitory  ny Filazantsaran'ny Fanjakan'Andriamanitra amin'ny olona rehetra mba ho vavolombelona aminy. Atao amin'ny finoana ny asa ary tsy tokony himonomonona na ho kivy na dia tsy mihaino aza ny olona.

Ny Fanahy Masina dia manao batisa antsika ho ao amin'ny tenan'i Kristy; izany hoe, mametraka antsika ao amin'ny fiangonan'Andriamanitra -tenan'i Kristy) ny Fanahy Masina. Kristy no lohan'ny tena na lohan'ny fiangonana.