Fotbolti.net

Útvarpsþátturinn Fótbolti.net laugardaginn 25. júní. Umsjón: Elvar Geir og Tómas Þór.

Fjallað er um Víking í Meistaradeildinni og Haraldur Haraldsson framkvæmdastjóri félagsins fer yfir möguleika Íslands á að endurheimta fjórða Evrópusætið.

Sérstakt Bestu deildar uppgjör þar sem valið er úrvalslið deildarinnar hingað til, besti leikmaðurinn og besti þjálfarinn. Hvaða leikmenn hafa verið mestu vonbrigðin?

Einnig er fjallað um Lengjudeildina og besti leikmaður deildarinnar hingað til valinn. Rafn Markús Vilbergsson er á línunni.

Þá er rætt um Breiðablik - KR, spáð í spilin fyrir Mjólkurbikarinn og rýnt í helstu fréttir, þar á meðal skipti Frederik Schram í Val.

Í boði Orku Náttúrunnar, Dominos og bílaumboðsins Heklu hitar Heimavöllurinn upp fyrir EM á Englandi! Mist rúllaði á Selfoss og hitti þar fyrir þjálfarana Björn Sigurbjörnsson og Báru Kristbjörgu Rúnarsdóttir og saman fóru þau yfir B-riðil mótsins þar sem Danmörk, Finnland, Spánn og Þýskaland munu takast á.

Innkastið. Elvar Geir, Tómas Þór og Benedikt Bóas í þættinum að þessu sinni.

Víkingar með Meistaradeildarsýningu gegn Levadia Tallinn, Valsmenn tengja saman sigra, Leiknir og ÍBV eiga á hættu að missa af lestinni, Eiður Smári byrjaði á jafntefli við erfiðar veðuraðstæður, Fram vígði nýjan völl, markverðir gerðu mistök, himininn er blár og Ísak býr til mörk og KR safnar jafnteflum.

Sverrir Mar, Gylfi Tryggva og hinn síveiki Óskar Smári settust niður og fóru yfir sjöttu umferðina í 2. og 3. deild karla.

Meðal umræðuefnis:

ÍR fyrsta liðið til að tapa fyrir KFA og Arnar Halls hætti fyrir stærstu leikina, Ægismenn fengu á sig þrjú mörk en unnu þó, Njarðvík með endurkomu gegn Völsungi í 6 stiga leik, flóðgáttir opnuðust hjá Víkingi Ó, Kári og ÍH með tvo í röð, Víðir ýktasta jojo liðið, Dalvík á sigurbraut aftur og sendi Kormák/Hvöt í fallsæti.Þátturinn er í boði Bola, Jako, Ice og Acan.is.

Hægt er að hlusta á í spilaranum hér að ofan, í gegnum Podcast forrit eða á Spotify.

Útvarpsþátturinn Fótbolti.net laugardaginn 18. júní.

Umsjón: Tómas Þór og Sverrir Mar.

Það var margt að ræða í Innkastinu þessa aðfaranótt föstudags. Heil umferð í Bestu deildinni, brottrekstur og fyrsta tap toppliðsins.Fjögur jafntefli, Víkingssigur, Valssigur og þrjú mörk í uppbótartíma.Þeir Sverrir Mar Smárason og Baldvin Már Borgarsson fóru yfir hlutina með Sæbirni Steinke.

Dominos, Hekla og Orka Náttúrunnar bjóða upp á fótboltaveislu á Heimavellinum. Landsliðskonurnar Elísa Viðarsdóttir, fyrirliði Vals, og Áslaug Munda Gunnlaugsdóttir, leikmaður Breiðabliks, komu í gott spjall um Bestu-deildina og mál málanna: Úrslitakeppni Evrópumótsins sem er rétt handan við hornið.

Sverrir Mar, Gylfi Tryggva og maðurinn sem skrifar löngu viðtölin, Sæbjörn Steinke, settust niður og fóru yfir sjöttu umferðina í 2. og 3. deild karla.

Meðal umræðuefnis:

ÍR harka inn öðrum sigri í röð, Luka Jagacic gæti fengið sparkið frá Reyni S., Ægismenn fengu á sig sitt fyrsta mark en unnu þó, Rafael Victor er hinn nýji Cristofer Rolin, fyrsti sigur ÍH stoppaði Augnablik, Víðir með virðingu eftir helgina, Kári reif sig í gang og KFS með sigur á Hvolsvelli. Þátturinn er í boði Bola, Jako, Ice og Acan.is.

Hægt er að hlusta á í spilaranum hér að ofan, í gegnum Podcast forrit eða á Spotify.

Landsliðsuppgjör í Innkastinu að þessu sinni og einnig hitað upp fyrir komandi umferð í Bestu deildinni sem fer aftur af stað á miðvikudaginn.

Elvar Geir, Tómas Þór og Sæbjörn Steinke ræða um jafnteflið gegn Ísrael og landsleikjagluggann í heild.

Dráttur íslensku liðanna í Evrópu og U21 landsliðið eru einnig til umræðu ásamt því að Lengjudeildarhornið er á sínum stað.

Útvarpsþátturinn Fótbolti.net laugardaginn 11. júní.

Umsjón: Elvar Geir og Tómas Þór.

Rætt um harða gagnrýni á landsliðið og landsliðsþjálfarann, síðustu leiki og ákvörðunina að spila gegn Sádi-Arabíu.

Gestur er Arnar Gunnlaugsson, þjálfari Íslands- og bikarmeistara Víkings. Hann ræðir um landsliðið, U21 og Bestu deildina.

Þá skoðar Mist Rúnarsdóttir valið á kvennalandsliðshópnum fyrir EM.

Sérfræðingur: Mist Rúnarsdóttir.