Fotbolti.net

Pepsi-Max deildin hófst aftur með látum eftir landsleikjahlé. 27 mörk voru skoruð í leikjunum sex, KR hirti toppsætið og Íslandmeistarar Vals lyftu sér af botninum.

Útvarpsþátturinn Fótbolti.net á X977. Elvar Geir og Tómas Þór ræddu helstu fótboltamálin.

Í byrjun: Brúðkaup Gylfa

13:30 Pepsi Max-deildin

50:00 Ólafur Ingi Skúlason í viðtali

1:02:55 Landsliðið og Laugardalsvöllur

1:21:00 Inkasso-deildin

Fótbolti.net fjallar vel um Inkasso-deild karla og í samvinnu við Inkasso bjóðum við upp á hlaðvarpsþætti um deildina í sumar.

Arnar Daði Arnarsson er umsjónarmaður þáttarins.

Í þessum þætti ræðir hann við tvo sérfræðinga um stöðuna í deildinni, fer yfir hvaða lið eru líklegust til að fara upp og falla niður um deild. Í lokþáttar velja sérfræðingarnir síðan það lið sem hefur valdið hvað mestu vonbrigðum og hvaða lið hefur komið mest á óvart í deildinni það sem af er.

Sérfræðingarnir eru þeir Baldvin Már Borgarson, fréttaritari Fótbolta.net og Úlfur Blandon þjálfari Þróttar Vogum í 2. deildinni.

Það eru sex umferðir búnar í 2. deildinni og línur farnar að skýrast.

Selfoss og Víðir eru á toppi deildarinnar með 13 stig á meðan Tindastóll er á botni deildarinnar ennþá án stig.

Atli Jónasson og Óskar Smári Haraldsson eru sérfræðingar í 2. deildinni og settust niður með Arnari Daða Arnarssyni og fóru yfir öll liðin og stöðuna í 2. deildinni.

Auk þess var farið yfir næstu umferð í deildinni sem fram fer um helgina.

Böðvar Böðvarsson ólst upp í Hafnarfirði, nánar tiltekið í Kinnunum og lék upp yngri flokkana með FH. Hann er fæddur árið 1995 og lék sinn fyrsta leik í efstu deild sumarið 2013 með uppeldisfélagi sínu FH.

Í dag leikur hann með pólska úrvalsdeildarfélaginu, Jagiellonia Bialystok. Böddi löpp, eins og hann er kallaður er gestur Miðjunnar að þessu sinni.

Þar fer hann yfir unglingsárin í FH, fyrstu leikina með meistaraflokki, Íslandsmeistaratitlana tvö sem hann hefur unnið, vonbrigðin á ferlinum, tímann í Danmörku þar sem hann fór á lán til Midtjylland og að sjálfsögðu fyrsta árið í Póllandi.

Það er komið nýtt landsliðs-Innkast! Beint frá Laugardalsvelli.

Elvar Geir, Tómas Þór og Magnús Már horfðu á Ísland vinna gríðarlega mikilvægan sigur gegn Tyrklandi.

Rætt er um stórfurðulegan aðdraganda að leiknum, pirringinn í gestum okkar, frammistöðu liðsins, hvaða þýðingu þetta hefur fyrir Erik Hamren og íslensku þjóðina!

Björn Már Ólafsson, helsti sérfræðingur Íslendinga um ítalska boltann, gerir upp tímabilið í ítölsku A-deildinni.

Í þessum þætti ræðir Elvar Geir við Björn Má um tímabilið og þjálfarakapalinn sem er í gangi. Hvar er mesta gleðin og hvar eru vonbrigðin?

Liðin eru skoðuð og úrvalslið tímabilsins valið.

Sérstakur landsliðsþáttur af Innkastinu var tekinn upp á Laugardalsvelli beint eftir 1-0 sigurinn gegn Albaníu.

Elvar Geir og Tómas Þór fóru yfir leikinn og fengu til sín góðan gest, Frey Alexandersson aðstoðarlandsliðsþjálfara.

Útvarpsþátturinn Fótbolti.net er með öðruvísi sniði þessa vikuna og er frumfluttur í hlaðvarpsformi.

Ástæðan er sú að leikur Íslands og Albaníu í undankeppni EM verður flautaður á meðan þátturinn er í gangi.

Elvar Geir og Tómas Þór hita upp fyrir landsleikina og skoða það sem framundan er í íslenska boltanum.

Það er komið að því. Flautað verður til leiks á Heimsmeistaramótinu á föstudagskvöld. Það er því við hæfi að þáttur vikunnar á Heimavellinum sé tileinkaður stórmótinu.