Fotbolti.net

Íslenska landsliðið leikur á laugardaginn leik gegn Albaníu í undankeppni EM 2020. Hafnfirðingurinn, Emil Hallfreðsson leikmaður Udinese í Serie A á Ítalíu er í hópnum en hann er kominn til baka eftir erfið meiðsli.

Emil settist niður með Arnari Daða Arnarssyni og fór yfir landsleikinn á laugardaginn og síðustu mánuði með landsliðinu. Auk þess fóru þeir yfir nýafstaðið tímabil Emils á Ítalíu þar sem hann gekk undir aðgerð í desember og skipti um félag í miðri endurhæfingu.

Einnig var rætt um uppeldisfélag Emils, næstu skref á ferlinum og hvað Emil ætlar að gera að ferlinum loknum.

Sögulínurnar verða bara stærri og merkilegri í Pepsi Max-deildinni!

Valsmenn eru í neðsta sæti þegar sjö umferðir eru búnar. ÍBV kom öllum á óvart með því að vinna ÍA og Breiðablik var í miklum ham gegn FH.

Elvar Geir, Tómas Þór og Gunni Birgis fóru yfir 7. umferð Pepsi Max-deildarinnar í Innkastinu.

Úr útvarpsþættinum Fótbolti.net á X977.

Framundan eru landsleikir á Laugardalsvelli, gegn Albaníu næsta laugardag og svo gegn Tyrklandi þremur dögum síðar.

Um er að ræða gríðarlega mikilvæga leiki í undankeppni EM.

Landsliðshópurinn var opinberaður á fréttamannafundi á föstudaginn og helsta umræðuefnið er valið á Kolbeini Sigþórssyni.

Rætt var við Frey Alexandersson í þættinum.

Úr útvarpsþættinum Fótbolti.net á X977.

Almarr Ormarsson, leikmaður KA, var á línunni og ræddi meðal annars um vítspyrnukeppnina gegn Víkingi Reykjavík í Mjólkurbikarnum.

Almarr tók spyrnu í keppninni og flestir telja að boltinn hafi verið inni en aðstoðardómarinn dæmdi ekki mark og KA féll úr leik.

Úr útvarpsþættinum Fótbolti.net á X977.

Elvar Geir og Benedikt Bóas stýrðu þættinum að þessu sinni.

Þeir ræddu um úrslitaleik Meistaradeildarinnar. Hjörvar Hafliðason var í beinni frá Madríd.

Þá ræddi Jóhann Már Helgason, stuðningsmaður Chelsea, um sigur liðsins í Evrópudeildinni. Farið var yfir tímabilið hjá Chelsea og framhaldið.

Það er ýmislegt í umræðunni í nýjasta þætti Heimavallarins en þáttastýrurnar Hulda Mýrdal og Mist Rúnarsdóttir fara yfir helstu atburði síðustu daga með gesti þáttarins, Brynju Dögg Sigurpálsdóttur.

Þær fara yfir tvær síðustu umferðir Pepsi Max-deildarinnar, spjalla um neðri deildirnar og heyra í Betsy Hasset, leikmanni KR og Nýja Sjálands, sem er á leið á sitt þriðja Heimsmeistaramót.

Fótbolti.net fjallar vel um Inkasso-deild karla og í samvinnu við Inkasso bjóðum við upp á hlaðvarpsþætti um deildina í sumar.

Arnar Daði Arnarsson er umsjónarmaður þáttarins.

Í þessum þætti ræðir hann við Rafn Markús Vilbergsson þjálfara Njarðvíkur sem hefur náð áhugaverðum árangri með liðið síðan hann tók við því í mikilli fallbaráttu í 2. deildinni sumarið 2016.

Lokaþáttur Evrópu-Innkastsins þetta tímabilið! Sportbarinn Ölver í Glæsibæ býður þér upp á þáttinn!

Elvar og Daníel ræddu málin eftir að Chelsea rúllaði yfir Arsenal í úrslitaleik Evrópudeildarinnar. Daníel var sár og svekktur.

Hitað var upp fyrir úrslitaleik Meistaradeildarinnar. Hvernig yrði sameiginlegt lið Liverpool og Tottenham?

Stjóramálin, Balotelli og Atalanta koma einnig við sögu í Evrópu-yfirferðinni.

Það er komið að Innkastinu eftir 6. umferð Pepsi Max-deildarinnar.

Elvar Geir, Gunni Birgis, Magnús Már og Tómas Þór ræða málin.

Meðal efnis: Hvaða þjálfarasæti eru farin að hitna í deildinni? Valsvandræðin, Íslandsmeistaravonir Skagamanna, ummæli Rúnars Kristins um Bjögga Stef, enginn átti að fá stig í Kórnum, Gunni giskar og Inkasso hornið.

Úr útvarpsþættinum Fótbolti.net á X977.

Kristján Atli Ragnarsson, stuðningsmaður Liverpool og sérfræðingur þáttarins um enska boltann, mætti við enska hringborðið með Elvari og Tómasi.

Hann gerði upp tímabilið á Englandi, valdi besta leikmanninn og mestu vonbrigðin.

Rætt var um meistarana í Manchester City, vonbrigðin hjá grönnum þeirra og hitað upp fyrir komandi úrslitaleiki í Evrópukeppnunum.

Chelsea og Arsenal eigast við í úrslitaleik Evrópudeildarinnar á mivikudag og næsta laugardag eigast við Liverpool og Tottenham í Meistaradeildinni.