Fotbolti.net

Úrslitakeppnin í 4. deildinni hefst á laugardaginn þegar flautað verður til leiks í 8-liða úrslitum.

Magnús Már Einarsson, Magnús Valur Böðvarsson og Haraldur Árni Hróðmarsson settust niður og fóru yfir riðlakeppnina og viðureignirnar sem eru framundan í úrslitakeppninni.

18. umferð Pepsi-deildar karla er að baki en umferðin var gerð upp í Innkastinu að vanda.

Elvar Geir, Magnús Már og Gunni Birgis voru á sínum stað og hituðu meðal annars upp fyrir stórleik Stjörnunnar og Vals sem verður á miðvikudagskvöld.

Meðal efnis: Mikilvægur sigur Fylkis, varnarsinnaðir Grindvíkingar, sanngjarn Stjörnusigur, Blikar að falla á prófum, varnarvandræði Fjölnis, Siggi Lár lætur til sín taka, KA missti unninn leik úr höndunum, KR með yfirburði gegn ÍBV, skyldusigur FH.

Innkastið heilsar með nýjum þætti og var farið yfir 3. umferðina í enska og einnig komið við á Ítalíu. Þættinum stjórnuðu Daníel Geir Moritz og Elvar Geir Magnússon en þeir ræddust við á sitt hvorri eyjunni.

Meðal þess sem rætt var í þættinum var ótrúlega dapurt gengi Man Utd, Liverpool vörnin, Arsenal sigur, Watford nær í Evrópu, Son og herskydan, Everton leikir bjóða upp á fjör, hanskinn tekinn upp fyrir Newcastle og Alexander Mitrovic.

Hér má nálgast upptöku úr útvarpsþættinum Fótbolti.net á X977.

Elvar Geir og Tómas Þór ræddu um fyrsta landsliðshóp Erik Hamren, hópinn sem valinn var fyrir leiki gegn Sviss og Belgíu í Þjóðadeildinni.

Þá sagði Tómas frá útreikningi sínum á meðalaldri liða á Íslandsmótinu í fótbolta.

Reynsluboltinn Ólafur Ingi Skúlason var gestur í útvarpsþættinum Fótbolti.net á X977.

Ólafur er kominn heim eftir atvinnumennskuna og spilar með Fylki. i Hann hjálpar uppeldisfélagi sínu að forðast fall úr Pepsi-deildinni.

Ólafur á 36 landsleiki fyrir Ísland og var í hópnum á HM í Rússlandi.

Hér má nálgast upptöku af spjalli Elvars og Tómasar við Ólaf.

Fjórar umferðir eru eftir af Inkasso-deildinni og hörð barátta framundan á lokasprettinum.

ÍA og HK eru í fínum málum á toppi deildarinnar og líklegast að þessi lið fari upp. Spenna er í fallbaráttunni en Selfoss og Magni sitja í fallsætunum.

Elvar Geir og Tómas Þór ræddu við Þorlák Árnason um lokasprettinn í útvarpsþættinum Fótbolti.net á X977.

Það vantaði ekki umræðupunktana eftir 17. umferð Pepsi-deildarinnar. Elvar Geir, Magnús Már og Gunnar Birgis fóru yfir málin.

Magnús og Gunnar leystu heimaverkefni sín. Þeir settu saman úrvalslið úr leikmannahópum þriggja efstu liða deildarinnar.

Meðal umræðuefna: Toppframmistaða Vals í toppslagnum, undarleg skipting Breiðabliks, Tamburini fær afsökunarbeiðni, mörg óþekkt nöfn á bekk Stjörnunnar, neikvætt leikplan KA, markaleysi í KR-leikjum, Óli Skúla öflugur, stuðningsmenn FH gefast upp á Kristni Steindórs, hvert fer Binni bolti ef Fjölnir fellur?, svekkelsi hjá Víkingum, Eyjamenn nánast öruggir og Eysteinn hendir mönnum á bekkinn.

Í fyrra Innkasti dagsins er enski boltinn í aðalhlutverki en einnig er rætt um helstu tíðindi frá Spáni og Ítalíu.

Elvar Geir, Magnús Már og Egill Sigfússon, starfsmenn Fótbolta.net, fóru yfir 2. umferð ensku úrvalsdeildarinnar og ræddu helstu mál.

Meðal efnis: Erfitt að finna veikan blett á Liverpool, Mourinho með miðverði í B-flokki, Murray æfði sig á Tenerife, Kante fær meira frjálsræði, erfið byrjun Emery, City betra en á síðasta tímabili, Kane aflétti ágústbölvuninni, Everton lærir loks að nota Gylfa, Kenedy klúðrar, tóm sæti hjá Real Madrid og ekkert getur stöðvað Juventus.

Leiðin út er hlaðvarpsþáttaröð þar sem rætt er við fótboltamenn sem fóru ungir út í atvinnumennsku.

Sumir eru þar enn, aðrir komu heim og fóru jafnvel aftur út. En hvað voru þeir að gera til að komast út og hvernig voru fyrstu skrefin erlendis?

Viðmælandi þáttarins er Orri Sigurður Ómarsson.

Orri Sigurður ræðir leiðina út og fyrstu skrefin, yngri landsliðin og hvernig var að koma aftur til Íslands.

Í þættinum kom meðal annars fram hvernig hann fagnar sigrum á Breiðablik, af hverju honum fannst KR óspennandi kostur og hversu erfitt var að vinna sig upp hjá AGF.

17. umferð Pepsi-deildarinnar er leikin á næstu þremur dögum. Hitað var upp fyrir umferðina í útvarpsþættinum Fótbolti.net á X977.

Sérstaklega var hitað upp fyrir leik Breiðabliks og Vals, toppslaginn, sem verður á mánudagskvöld.

Elvar Geir ræddi við Benedikt Bóas, stuðningsmann Vals, og Hilmar Jökul, stuðningsmann Breiðabliks.

Talað var um svekkjandi niðurstöðu í Evrópuleik Vals síðasta fimmtudag og sigur Breiðabliks gegn Víkingi Ólafsvík í undanúrslitum bikarsins. Þá var rætt um þá æsispennandi titilbaráttu sem framundan er.