Fotbolti.net

„Ég er mjög ánægður með þessa viðbót við hópinn," segir Sævar Pétursson, framkvæmdastjóri KA, um þá tvo nýju leikmenn sem Akureyringar fengu um hátíðarnar.

Spænski markvörðurinn Cristian Martínez kom frá Víkingi Ólafsvík og miðvörðurinn Hallgrímur Jónasson er kominn heim úr atvinnumennskunni og gekk í raðir KA.

Það var nóg að ræða við enska hringborðið í útvarpsþættinum Fótbolti.net á X977.

Elvar Geir Magnússon og Tómas Þór Þórðarson fengu til sín góðan gest. Magnús Þór Jónsson af kop.is kom í gasklefann.

Umræða um Liverpool tók vænan tíma. Tilraunir Barcelona til að fá Coutinho, kaupin á Van Dijk og ásakanir á hendur Firmino komu við sögu.

Útvarpsþátturinn Fótbolti.net var á sínum stað á X977 en Elvar Geir Magnússon og Tómas Þór Þórðarson hófu þáttinn á því að fara yfir helstu fréttirnar í upphafi árs úr íslenska boltanum.

Indónesíuferðin, landsleikirnir í mars, kvennalandsliðið og Dagný Brynjarsdóttir, vetrarmótin, Björn Bergmann Sigurðarson og fleira koma við sögu í spjalli þeirra.

Veglegur áramótaþáttur þar sem fótboltaárið 2017 var gert upp á X977.

Umsjónarmenn: Elvar Geir Magnússon, Tómas Þór Þórðarson, Magnús Már Einarsson og Benedikt Bóas Hinriksson.

Meðal viðmælenda: Aron Einar Gunnarsson, Andri Rúnar Bjarnason, Einar Örn Jónsson, Davíð Snorri Jónasson og Tómas Meyer.

Veitt voru verðlaun í ýmsum flokkum og gleðin var við völd.

Annað fjórðungsuppgjör ensku úrvalsdeildarinnar var á dagskrá á X977. Elvar Geir Magnússon og Tómas Þór Þórðarson fengu góðan gest í hljóðver, Kristján Atla Ragnarsson sérfræðing um Liverpool.

Tryggvi Páll Tryggvason af raududjoflarnir.is var á línunni frá Akureyri og Benedikt Bóas Hinriksson flutti tíðindi úr El Clasico.

Valið var úrvalslið ensku úrvalsdeildarinnar hingað til, besti leikmaðurinn og mestu vonbrigðin.

Elvar Geir Magnússon og Daníel Geir Moritz fara yfir enska boltann í síðasta Innkasti ársins.

Innkastið var tekið upp strax eftir 3-1 sigur Everton gegn Swansea í ensku úrvalsdeildinni. Gylfi Þór Sigurðsson skoraði gegn gömlu félögunum.

Í þættinum var sett saman úrvalslið ensku úrvalsdeildarinnar hingað til og spáð í spilin fyrir fallbaráttuna.

Myndbandsdómgæslan er að ryðja sér til rúms í fótboltanum. Sitt sýnist hverjum en ljóst að tæknin er komin til að vera á efstu stigum íþróttarinnar.

Þegar er farið að nota myndbandsdómgæslu í ítalska og þýska boltanum og tilraunir voru gerðar með fyrirkomulagið á HM félagsliða. Allt stefnir í að myndbandsdómgæsla verði notuð á HM í Rússlandi næsta sumar.

Kristinn Jakobsson, formaður dómaranefndar KSÍ, ræddi um kosti og galla myndbandsdómgæslunnar í útvarpsþættinum Fótbolti.net á X977.

Á föstudaginn var opinberaður landsliðshópur Íslands sem fer til Indónesíu í janúar og leikur tvo leiki gegn heimamönnum, 10. og 14. janúar. Ekki er um opinberan landsleikjadag að ræða svo hópurinn er að stærstum hluta skipaður leikmönnum sem spila í Skandinavíu.

Elvar Geir og Tómas Þór ræddu við Sigurbjörn Hreiðarsson um hópinn, verkefnið framundan og þá leikmenn sem ekki fengu kallið.

Þá var hringt í Böðvar Böðvarsson, leikmann FH, sem er meðal leikmanna úr Pepsi-deildinni sem eru í hópnum.

Sigurbjörn Hreiðarsson, aðstoðarþjálfari Vals, var gestur í útvarpsþættinum Fótbolti.net á X977.

Í fyrri hluta spjallsins við Sigurbjörn var rætt um Íslandsmeistara Vals, rifjaðir upp gamlir tímar og horft fram á veginn.

Halldór Marteinsson, stuðningsmaður Manchester United, var gestur í Innkastinu þessa vikuna.

Elvar Geir Magnússon, Daníel Geir Moritz og Halldór horfðu saman á leiki kvöldsins í enska boltanum áður en upptaka hófst.