Fotbolti.net

Það var ekki amalegur gestur í útvarpsþættinum Fótbolti.net á X977 en Heimir Guðjónsson kom í heimsókn.

Það var víða komið við í spjalli við Heimi sem fór yfir ótrúlega blómlegan tíma hans í Kaplakrikanum og ræddi um næsta verkefni hans sem er að koma HB aftur á toppinn í Færeyjum.

Heimir var rekinn frá FH eftir síðasta tímabil þegar liðið endaði í þriðja sæti. Eftir tímabilið talaði Heimir um að þjálffræðilegt afrek hafi verið að ná FH í Evrópusæti.

Það er sannkallaður Ofursunnudagur í enska boltanum framundan. Liverpool mætir Everton og Manchester United mætir Manchester City.

Elvar Geir Magnússon og Tómas Þór Þórðarson ræddu við tvo helstu sérfræðinga útvarpsþáttarins um enska boltann.

Tryggvi Páll Tryggvason skoðaði leikinn á Old Trafford og Kristján Atli Ragnarsson ræddi um leikinn á Anfield.

Útvarpsþátturinn Fótbolti.net var á sínum stað á X977 en Elvar Geir Magnússon og Tómas Þór Þórðarson héldu um stjórnartaumana.

Í fyrsta hluta þáttarins var farið yfir fótboltafréttir vikunnar.

Baráttan um gullknöttinn, Meistaradeildin, landsliðið í fótbolta og íslenskir leikmenn á faraldsfæti komu við sögu.

Elvar Geir Magnússon og Daníel Geir Moritz hittast í hverri viku og ræða um Evrópufótboltann í Innkastinu.

Þátturinn að þessu sinni var tekinn upp eftir að riðlakeppni Meistaradeildarinnar lauk.

„Ég er núna í Osló," sagði Freyr Alexandersson þegar Tómas Þór Þórðarson og Elvar Geir Magnússon heyrðu í honum hljóðið í beinni útsendingu í Útvarpsþættinum Fótbolta.net á X977 í gær.

Freyr er landsliðsþjálfari kvenna en hann starfar líka sem leikgreinandi hjá karlalandsliðinu.

Elvar Geir Magnússon og Tómas Þór Þórðarson stýrðu sérstökum HM þætti á X977 í dag.

Gestur þáttarins var Arnar Grétarsson, fyrrum landsliðsmaður.

Þór Bæring var á línunni frá Rússlandi og rætt var um HM dráttinn þar sem Ísland fór í riðil með Argentínu, Króatíu og Nígeríu.

Það er komið að Evrópu-Innkastinu. Daníel Geir Moritz er fjarri góðu gamni þessa vikuna en Elvar Geir fékk Magnús Má og Gunnleif Gunnleifsson til að fara yfir enska boltann.

Gunnleifur er stuðningsmaður Manchester City og fær toppliðið vænan sess í þætti dagsins. Þá myndaðist skemmtileg umræða um endurkomu Sam Allardyce.

Heimir Hallgrímsson landsliðsþjálfari vonast eftir því að Íslendingar muni panta sér ferðir til Rússlands í hrönnum þegar ljóst verður á föstudag hvar keppnisstaðir landsliðsins verða.

Beðið er með mikilli eftirvæntingu eftir því að dregið verður í riðla á föstudaginn, klukkan 15:00 að íslenskum tíma.

Heilmikil umræða skapaðist varðandi umgjörð og annað í Pepsi-deildinni í útvarpsþættinum Fótbolti.net á X977.

Döpur mæting áhorfenda var einnig til umræðu.

Eftir að Jón Rúnar Halldórsson var í viðtali í upphafi þáttarins mætti Hörður Magnússon, umsjónarmaður Pepsi-markanna, og sagði meðal annars sína skoðun á því hvort auknar sjónvarpsútsendingar hafi neikvæð áhrif á mætingu.

Jón Rúnar Halldórsson, formaður knattspyrnudeildar FH, var gestur í útvarpsþættinum Fótbolti.net á X977.

Hann ræddi þar um sóknarmöguleika í íslenskum fótbolta, dræma mætingu á völlinn, samtökin ÍTF, fjölmiðlaumfjöllun um Pepsi-deildina, liðsstyrk FH-inga og fleira.