Fotbolti.net

Það var nóg að fara yfir í Uppbótartímanum, hlaðvarpi um kvennaboltann að venju.

Það verður breytt þjálfarateymi hjá A-landsliði kvenna og voru spekúleringar um það, markaflóð í síðustu leikjum í Bestu deild kvenna, FHL er komið á blað í deildinni og stærsti leikur ársins, bikarúrslitaleikurinn, er framundan.

Guðmundur Aðalsteinn og Magnús Haukur Harðarson settust niður í Pepsi Max stúdíóinu með Mist Rúnarsdóttur og fóru yfir stöðu mála.

Fótbolti.net hefur síðustu daga hitað upp fyrir ensku úrvalsdeildina með hlaðvörpum við stuðningsmenn stærstu félaganna. Núna er komið að síðasta liðinu sem er Manchester City.

City vann ekki neinn stóran titil á síðasta tímabili og það voru vonbrigði eftir árangurinn síðasta áratug.

Pep Guardiola hefur farið í að endurbyggja liðið og spurningin er hvort City komist aftur á toppinn. Oasis, sem eru miklir stuðningsmenn City, komu til baka í sumar en mun City gera það líka?

Magnús Ingvason og Davíð Eldur, stuðningsmenn City, mættu í Pepsi Max stúdíóið og fóru yfir stöðu mála hjá sínu félagi.

Manchester United átti mjög slæmt tímabil í fyrra og endaði í 15. sæti. Það eru teikn á lofti að mun bjartari tímar séu framundan, öflugur gluggi í sumar og tiltekt í gangi. Benjamin Sesko, Bryan Mbeumo og Matheus Cunha eru mættir og vonir um að Gigi Donnarumma og Carlos Baleba komi einnig.

Enski boltinn fór alla leið til Akureyrar í dag og var því ekki tekinn upp í Pepsi Max stúdíóinu.

Þeir Hallgrímur Mar og Hrannar Björn eru harðir United menn og eru mjög spenntir fyrir komandi tímabili. Þeir fóru yfir það helsta með Sæbirni Steinke.

Innkastið eftir gríðarlega fjöruga 18. umferð Bestu deildarinnar. Elvar Geir, Valur Gunnars og Benni Bóas.

Þjálfurunum er heitt í hamsi, KR-ingar fengu urmul færa og náðu sigri, Valur vann stórleikinn gegn Breiðabliki og Víkingar töpuðu gegn tíu Stjörnumönnum.

Leiðin úr Lengjunni er hlaðvarpsþáttur tileinkaður næst efstu deild karla í knattspyrnu. Við munum í sumar gefa Lengjudeildinni góð skil og fara yfir allt það helsta sem gerist í Lengjudeildinni.Þáttarstjórnendur eru Stefán Marteinn Ólafsson, Sölvi Haraldsson og Sverrir Örn Einarsson.

Útvarpsþátturinn Fótbolti.net 9. ágúst 2025. Umsjón: Tómas Þór og Elvar Geir.

Rætt er um Evrópuleiki vikunnar og Sverrir Geirdal framkvæmdastjóri knattspyrnudeildar Víkings ræðir um boltabullulæti stuðningsmanna Bröndby.

Sigurbjörn Hreiðarsson er á línunni og ræðir um markamet Patrick Pedersen.

Magnús Þór Jónsson mætir í settið og ræðir um Lengjudeildina, Liverpool og enska boltann.

Félagarnir Hermann Rijkaard og George Gullit fóru með skipi frá Surinam til Hollands árið 1957. Í septembermánuði fimm árum seinna áttu þessir félagar báðir eftir að eignast syni, Frank Rijkaard og Ruud Gullit, sem áttu eftir að breyta fótboltanum í Hollandi og víðar.Við fórum yfir ótrúlega áhugaverðan ferill þessara æskuvina, sem leikmenn undir Sacchi og Berlusconi og sem þjálfarar sem vinna meistaradeildina og fá Shearer og Big Duncan brjálaða inn á skrifstofu til sín!Njótið vel!

Innkastið eftir 17. umferð Bestu deildarinnar. Þar sem allir leikirnir nema einn enduðu með jafntefli. Elvar Geir, Valur Gunnars og Maggi Hödd.

ÍBV vann Þjóðhátíðarleikinn og KR er líklegt til að falla, markametið var slegið en Valsmenn fóru illa að ráði sínu, umdeilt atvik á ögurstundu í Kópavogi og margt fleira.

Arsenal hefur endað í öðru sæti ensku úrvalsdeildarinnar þrjú ár í röð en núna eru öll hráefnin til staðar til þess að Mikel Arteta, stjóri liðsins, fari að elda.

Sóknarmaðurinn Viktor Gyökeres er mættur og breiddin er orðin meiri en áður.

Gunnar Birgisson og Jón Kári Eldon, stuðningsmenn Arsenal, eru gestir í Pepsi Max stúdíóinu í dag og taka stöðuna fyrir tímabilið hjá Lundúnafélaginu.

Andrea Rán Snæfeld hefur átt ótrúlega áhugaverðan fótboltaferil!Hún lék sinn fyrsta leik í efstu deild aðeins 15 ára og hefur síðan spilað í tveimur efstu deildum Bandaríkjanna, í Frakklandi og í Mexíkó ásamt því hafa spilaði í háskólaboltanum í Bandaríkjunum. Í dag stjórnar Andrea umferðinni á miðjunni hjá FH sem nýlega komst í bikarúrslit í fyrsta sinn í sögu félagsins. Við ræddum um ferilinn, hvað þarf til að byggja sterka liðsheild og hvað skiptir máli í fari góðra þjálfara og vinnuna við að hjálpa ungu íþróttafólki að finna sér skóla við hæfi!Góða skemmtun!