Fotbolti.net

Chelsea varð á dögunum heimsmeistari félagsliða og fyrir komandi tímabil eru væntingarnar þær að liðið verði í titilbaráttu.

Stefán Marteinn Ólafsson og Haraldur Örn Haraldsson eru fárveikir Chelsea menn og þeir komu í heimsókn í Pepsi Max stúdíóið í dag til að fara yfir stöðuna hjá Lundúnafélaginu.

Ræddu þeir meðal annars um HM félagsliða, nýja leikmenn, sambandið við Arsenal og margt fleira.

Jónas Grani á ótrúlega áhugaverða sögu að baki! Hann er sá elsti til að þreyta frumraun sína í efstu deild og er líka sá elsti til að vinna sér inn gullskó. Ferillinn hófst á Húsavík en við fórum líka yfir árin í Kaplakrika, hvernig var að vera þjálfaður af Ásgeiri El áður en við brugðum okkur til Katar, Belgíu og AC Milan! Sögur Jónasar Grana frá þessum stöðum eru stórmerkilegar. Allegri stakk hann í bakið en hvar ætli hann endi næst! Ég er allavega búinn að bóka mig í heimsókn... Njótið!

Leiðin úr Lengjunni er hlaðvarpsþáttur tileinkaður næst efstu deild karla í knattspyrnu. Við munum í sumar gefa Lengjudeildinni góð skil og fara yfir allt það helsta sem gerist í Lengjudeildinni.Þáttarstjórnendur eru Stefán Marteinn Ólafsson, Sölvi Haraldsson og Sverrir Örn Einarsson.

Útvarpsþátturinn Fótbolti.net 26. júlí. Elvar Geir og Tómas Þór stýra þættinum og með þeim er Valur Gunnarsson.

Gestur þáttarins er Nikolaj Hansen, sóknarmaður Víkings, en Víkingar eru nýkomnir frá Albaníu þar sem þeir töpuðu 2-1 í fyrri leik sínum gegn Vllaznia í forkeppni Sambandsdeildarinnar.

Farið er yfir Evrópuleiki vikunnar, fréttir og slúður úr íslenska boltanum, Bestu deildina og Lengjudeildina. Sæbjörn Steinke er á línunni. Einnig er rætt um VAR en Þóroddur Hjaltalín og Gunnar Jarl mæta.

Það styttist í að nýtt tímabil í ensku úrvalsdeildinni fari af stað. Það eru aðeins tæpar þrjár vikur í að Liverpool mæti Bournemouth í upphafsleik deildarinnar.

Guðmundur Aðalsteinn settist í Pepsi Max stúdíóið í dag með Sölva Haraldssyni og Kára Snorrasyni og tóku þeir stöðuna þegar stutt er í mót.

Rætt var um félagaskipti sumarsins, hvaða lið séu líklegust til að taka titilinn og hvaða lið séu líklegust til að falla. Og margt fleira.

Halli Óla og Tómas Helgi fóru yfir 13. umferð í 2. og 3. deild karla, 11. umferð í 4. deild og 9. umferð í 5 deild. Íslenskur neðrideildar fótbolti er uppi og tölum um það.Fylgið okkur á Instagram, @grasrotin. Við setjum inn mörk, félagaskipti og margt fleira.2. deild, 11:25, 3. deild, 35:20, 4. deild, 1:06:15, 5.deild, 1:28:25.Þátturinn er í boði Asachat.is. Kíktu á Ásu til þess að vera viss sem fyrst.

Leiðin úr Lengjunni er hlaðvarpsþáttur tileinkaður næst efstu deild karla í knattspyrnu. Við munum í sumar gefa Lengjudeildinni góð skil og fara yfir allt það helsta sem gerist í Lengjudeildinni.Þáttarstjórnendur eru Stefán Marteinn Ólafsson, Sölvi Haraldsson og Sverrir Örn Einarsson.

Varamaður eða leikbreytir? Það er ekki öllum í lófa lagt að koma inn af bekknum og breyta gangi knattspyrnuleikja en það eru þó til mörg dæmi um slíkt. Við settumst niður og fórum yfir reglur knattspyrnusögunnar er varðar varamenn og fundum til sögur hérlendis og erlendis af mönnum sem skrifuðu nöfn sín í sögubækurnar af bekknum!

Innkastið heldur áfram að ferðast um landið og er sent út frá Akureyri að þessu sinni!

Elvar Geir, Sæbjörn Steinke og sérstakur gestur er Sigurður Heiðar Höskuldsson, þjálfari Þórs. Í raun var hann reyndar gestgjafi þáttarins frekar en gestur en það er önnur saga.

Farið var yfir stórleik Víkings og Vals og aðra leiki Bestu deildarinnar síðustu daga, Evrópuleiki, gluggann og Lengjudeildina.

Útvarpsþátturinn Fótbolti.net laugardaginn 19. júlí.

Elvar Geir og Benedikt Bóas skoða allar helstu fréttirnar úr íslenska boltanum; Evrópuleikirnir, Besta deildin, Lengjudeildin og félagaskipti.

Tómas Bent Magnússon, Eyjamaðurinn á miðju Vals, er gestur þáttarins og Valgeir Valgeirsson, leikmaður Breiðabliks, er á línunni.