Frederick Theodore Albert Delius deriva d'ina veglia famiglia da commerziants e fabricants da textilias oriunda da la Germania. Malgrà ch'el ha gia sco uffant gì instrucziun da clavazin e violina, n'ha ses bab betg giavischà per el ina carriera musicala. Il 1884 ha el survegnì ils daners per sa domiciliar a Florida sco pur (farmer) d'oranschas. Bainbaud ha el però negligì la lavur sin sia farma ed è sa deditgà a la musica. Ina buna decisiun, sco Vus pudais As persvader en quest Artg musical.