افتح قلبك

افتح قلبك

Download on the App Store

افتح قلبك episodes

  • هل الشغل بيخليكي أم مقصّرة؟ | ازاي تتخلصي من فخ المثالية وتوازني بين بيتك وشغلك؟

    هل كل أم بتشتغل لازم تحس بالذنب؟ وهل النجاح في الشغل معناه بالضرورة تقصير في البيت؟ في الحلقة دي من بودكاست #افتح_قلبك، بنناقش واحد من أصعب المشاعر اللي بتواجه الستات: "فخ الإحساس بالذنب والمثالية". ومن خلال قصة حقيقية لأم ناجحة جداً، هنعرف ليه مش قادرة تستمتع بنجاحها بسبب "أفكار مغلوطة" زرعها المجتمع والميديا في عقولنا. في الحلقة دي هنتكلم عن: ✅ إحساس الذنب عند الأم العاملة: هل هو دليل تقصير ولا مجرد وهم؟ ✅ إزاي المجتمع والإعلام زرعوا "جلد الذات" جوه كل أم؟ ✅ هل ينفع فعلاً تنجحي في شغلك وبيتك مع بعض؟ ✅ كذبة "الأم المثالية" وليه السعي للكمال هو العدو الأول لسلامك النفسي. ✅ خطوات عملية للتوازن بين أولويات الشغل والبيت من غير ما تمري باحتراق نفسي (Burnout). الحلقة دي رسالة لكل أم بتشتغل، أو قاعدة في البيت، أو محتارة بين الاتنين، عشان تفتكري دايماً: مش مطلوب منك تكوني مثالية، لكن مطلوب منك تكوني مرتاحة، وإنتي تقدري تنجحي في الاتنين، والقرار بيبدأ من وعيك إنتي.. مش من كلام الناس. 💙

    14 min
  • إزاي تبني Personal Branding حقيقي وتنجحي من غير ما تفقدي حقيقتك؟

    ياترى الناس بتشوفك إزاي؟ تفتكري إيه الأثر اللي بتسيبيه لما بتمشي من أي مكان؟ وتفتكري الناس بتحس بإيه بعد ما يسمعوكي؟ اللي الناس بتقوله عنك هو الـ Personal Brand الحقيقي، مش اللي انتي بتقوليه عن نفسك، وده محور حلقة النهاردة من بودكاست #افتح_قلبك.في الحلقة دي بنستضيف خبيرة البراندينج واستراتيجيات العلامات التجارية نهال رجب واللي هتقولنا إزاي نبني هوية حقيقية بوعي تعبر عننا من غير تمثيل ومن غير ما نخسر نفسنا وسط ضغط الشغل والحياة. في الحلقة هتعرفي: ✔️يعني إيه براندينج شخصي، وازاي تبنيه صح؟ ✔️إزاي تكوني حقيقية من غير ما تخسري نفسك، والفرق بين الإبهار اللحظي والتأثير الحقيقي؟ ✔️ مفهوم "التوازن الواعي" وازاي تحمي نفسك من الاحتراق الذاتي (Burnout). ✔️ قوة كلمة "لا" وإزاي تحطي حدود (Boundaries) صحية في شغلك وبيتك. ✔️ فخ المثالية: ازاي تتغلبي على الخوف، الفشل، والـ Self Talk السلبي؟ ✔️ ليه الـ Me-time ضروري، وإزاي وقتك لنفسك بيخليكي أنجح كأم، كوتش، وموظفة.

    32 min
  • ليه دايمًا بنكرر نفس العلاقات المؤذية؟ | سر جروح الطفولة وعلاقتها بشريك حياتك "التوكسيك"

    هل بتحسي إن نفس نوعية الناس ونفس نوعية العلاقات بتتكرر في حياتك كأنه سيناريو فيلم وبيتعاد كل شوية بممثلين مختلفين؟ كل مرة بتحاولي تختاري صح وبرضه بتقعي في فخ الشخصيات التوكسيك؟! في الحلقة دي من بودكاست افتح قلبك بنتكلم عن سبب تكرار العلاقات الغلط، وإزاي جروح الطفولة والـ Inner Child ممكن تكون هي اللي بتتحكم في اختياراتك من غير ما تحسي. هتتعرفي في الحلقة على: لعنة المألوف: ليه عقلنا بيطارد "الوجع" اللي اتعود عليه في طفولته؟ جروح الطفولة الخمسة: إزاي الرفض، الإهمال، أو غياب الأمان بيخلوكي تختاري غلط النهاردة. فخ الـ Red Flags: ليه بنغمي عينينا عن العلامات الحمراء من أول يوم؟ تمرين الطفلة الداخلية: خطوات عملية للتواصل مع الـ (Inner Child) وبداية رحلة التشافي. سؤال التشافي: إزاي تعرفي الشخص ده طاقة من الماضي ولا طاقة للمستقبل؟ الحلقة دي هتساعدك تخرجي بره دور الضحية، وتبطلي تلومي نفسك، وتفهمي نفسك بوعي أكبر يساعدك تكسري دايرة العلاقات التوكسيك اللي بتمري بها وتفهمي أصل المشكلة فين الحلقة دي ممكن تكون أول خطوة تغيير حقيقية ليكِ

    19 min
  • التربية الإيجابية وجروح الطفولة | إزاي تربي ولادك صح من غير عصبية؟

    دايماً حاسة إنك مضغوطة وأي غلطة صغيرة من ولادك بتخليكي تنهاري وتنفجري؟ عمرك فكرتي إن عصبيتك دي ممكن تبقى جروح طفولتك اللي لسه متشافتش؟ في الحلقة دي من بودكاست #افتح_قلبك، بنستضيف ياسمين عمرو (Parenting Coach) عشان نجاوب على السؤال الأهم: نبتدي من الطفل ولا من الأم؟ في الحلقة دي هتتعلمي: ليه الصحة النفسية للأم أساس التربية الإيجابية إزاي جروح الطفولة بتظهر في عصبية الأم وتعاملها مع ولادها؟ إيه اللي بيحصل في مخ الطفل وقت نوبات الغضب (Tantrums) قاعدة ذهبية في التربية: ليه لازم نحضن الطفل وهو غلطان؟ إزاي نربي أطفال واثقين بدون خوف من الفشل إزاي تتعاملي مع شريك حياتك لو رافض أسلوبك في التربية؟ الحلقة دي مهمة لكل أم بتعاني من العصبية، ولكل ست مهتمة بـ التربية الإيجابية، ولكل أم عايزة تربي أطفال أصحاء نفسيًا ومتوازنين. ابنك مش محتاج أم مثالية، لكن محتاج أم فاهمة نفسها ومرتاحة

    44 min
  • ازاي ترجعي لنفسك بعد الانفصال؟ | التشافي من جرح الطفولة

    بعد الانفصال أو أي تجربة مؤذية، ممكن تحسي إنك واقفة مكانك ومش قادرة تمشي لقدام وكأن الدنيا انتهت، الحلقة دي من بودكاست "افتح قلبك" هتساعدك ترجعي لنفسك من تاني، وتفهمي جذور مشاعرك، وتتعلمي أدوات عملية هتساعدك في رحلتك للتشافي من جروح الطفولة بعد الانفصال. في الحلقة دي هنتكلم عن:

    ليه بنقف بعد الانفصال، ومبنقدرش نكمل؟ (السر وراء التعلق العاطفي).

    إيه علاقة جرح الطفولة باختياراتنا الغلط في العلاقات التوكسيك؟

    ليه بننجذب لنفس الشخصية اللي بتوجعنا، وبنكرر نفس العلاقة؟

    ازاي نرجع للطفلة اللي جوانا ونتواصل معاها؟

    أدوات عملية للتصالح مع النفس

    15 min
  • جروح الطفولة وتأثيرها على علاقاتك | ليه دايمًا بننجذب للشخص الغلط؟

    هل جروح الطفولة لسه مأثرة على حياتك وإنتِ كبيرة؟ ليه بنقع في نفس العلاقات وننجذب لنفس النوع من الأشخاص اللي بيكرروا نفس الجرح القديم؟ في الحلقة دي من بودكاست #افتح_قلبك، بستضيف الدكتورة دينا العالم وهنكشف سوا ازاي جروح الطفولة بتبدأ، وليه بترجع تظهر في اختياراتنا، علاقاتنا، وحتى نظرتنا لنفسنا. في الحلقة هتعرفي: يعني إيه جرح الطفولة وإزاي بيبان في تصرفاتنا ومشاعرنا واحنا كبار؟ أسباب انجذابنا لشخصيات مؤذية وتكرار نفس النمط. إزاي نكتشف جرحنا ونواجهه من غير لوم أو جلد ذات. علامات العلاقة الصحية، والمؤذية هل نقدر نعالج جروح الطفولة لوحدنا؟ وإمتى نحتاج متخصص؟ أهم خطوات وقواعد التعافي وبناء علاقة آمنة مع النفس. لو حاسة إن في نمط بيتكرر في علاقاتك، أو بتحاولي تفهمي نفسك أكتر، الحلقة دي هتساعدك تشوفي الصورة أوضح وتبدئي رحلة تعافي حقيقية. شوفي الحلقة للأخر، وقولي لي في التعليقات لو سبق ولاحظتي جرح طفولة أثّر على علاقتك؟ و لو حسّيتي إن الموضوع يهم حد تعرفيه، شاركيها معاه. 💛 #جروح_الطفولة #العلاقات #التعافي #بودكاست #الصحة_النفسية #افتح_قلبك

    41 min
  • حب الذات Self-Love| ليه مش بعرف أحب نفسي؟ | ازاي تبدئي رحلة الاهتمام بنفسك؟

    بتحسي إنك بتدي كتير لكل اللي حواليكي، بس مش عارفة تحبي نفسك أو تلاقي وقت ليكي؟ في حلقة النهاردة من بودكاست "افتح قلبك" هنتكلم عن مشكلة حب الذات وإزاي نتخلص من شعور الإرهاق النفسي اللي بييجي من قلة اهتمامنا بنفسنا وانشغالنا بمسؤولياتنا. وهكشف لك السر اللي غيّر حياة واحدة من عميلاتي، وخلّاها تحسّن علاقتها بنفسها وبالناس اللي حواليها، وإزاي استخدمنا أدوات الكوتشينج علشان تبدأ رحلة حب الذات خطوة بخطوة لحد ما بقت أحسن. واتفرجي على الحلقة عشان تعرفي تمرين دايرة الأولويات اللي فعلاً هيغيّر حياتك، وهيخليكي تشوفي أولوياتك على حقيقتها وتعيدي ترتيبها من جديد. اسمعي الحلقة للآخر وشاركيها مع صاحبتك اللي محتاجة تسمع الكلام ده النهاردة 💌

    ومتنسيش تعملي التمرين اللي في آخر الحلقة! ولو حسيتي إنك محتاجة دعم أكتر وعايزة تحبي نفسك صح وتهتمي بها،

    9 min
  • ليه دايمًا حاسة إنك مش كفاية؟ | سر الثقة بالنفس لكل ست! | بودكاست افتح قلبك

    أنا مش واثقة في نفسي! يمكن دي الجملة اللي عمرك ما قولتيها بصوت عالي… علشان ميبانش إنك شاكة في نفسك، أو بتقارنيها بغيرك، أو لأنك دايمًا حاسة إن مهما عملتي، برده مش كفاية. ولأن كلنا بنمر باللحظة دي، الحلقة دي من بودكاست #افتح_قلبك معمولة مخصوص ليكي 💜 هنتكلم فيها عن:

    • ليه بتحسي إنك مش كفاية وبتقارني نفسك بغيرك؟
    • إزاي الثقة بالنفس مهارة ممكن تكتسبيها وتطوريها؟
    • إيه هو المصدر الحقيقي للثقة بالنفس؟
    • تمرين بسيط جدًا هيساعدك تبني ثقتك بنفسك خطوة بخطوة.

    اسمعي الحلقة للآخر وشاركيها مع صاحبتك اللي محتاجة تسمع الكلام ده النهاردة 💌 ومتنسيش تعملي التمرين اللي في آخر الحلقة! ولو حسيتي إنك محتاجة دعم أكتر أو مش قادرة ترجعي ثقتك بنفسك لوحدك،

    9 min
  • ليه لازم تحبي نفسك الأول؟ | أسرار التوازن والسعادة في حياتك

    أنا مش كفاية! الكلمة اللي يمكن بتقوليها لنفسك كل يوم من غير ما تاخدي بالك، واللي بتخليكي طول الوقت مضغوطة، بتحاولي تكوني مثالية في كل حاجة، وفي الآخر بتحطي نفسك في آخر الأولويات.

    الصوت اللي جواكي، اللي دايمًا بينتقدك ويشكّك فيكي، سببه بسيط: إنك لسه مبدأتيش تحبي نفسك بجد، حتى لو بتقولي العكس.

    في الحلقة دي من بودكاست "افتح قلبك"، هنتكلم عن: المعنى الحقيقي لحب الذات ليه حب النفس مش أنانية؟

    إزاي الصور الذهنية الغلط بتأثر على تقديرنا لنفسنا؟

    4 معوقات بتمنعنا نحب نفسنا خطوات عملية تعلي بها حبك لذاتك،

    وتتعاملي بلطف معاها وليه السعي للمثالية بيستهلكك بدل ما يكمّلك؟

    اسمعي الحلقة للآخر، وشاركيها مع أي حد محتاج يحب نفسه من تاني 💛

    23 min
  • إزاي تعلي طاقة الأنوثة جواكي؟ | خطوات عملية للتوازن، الراحة النفسية، والثقة بالنفس

    العصبية الزايدة، التوتر المستمر، الصوت العالي، أو حتى الإحساس إنك مش كفاية… كلها علامات على إنك مش متصلة بطاقة الأنوثة اللي جواكي. والسبب في ده مش إنك ضعيفة، لكن لأنك مشغولة جدًا، ونسيتي تهتمي بنفسك وسط زحمة الحياة ومسؤولياتها في الحلقة دي من بودكاست "افتح قلبك"، هنتكلم عن طاقة الأنوثة الحقيقية بعيدًا عن الصور النمطية اللي المجتمع والميديا رسموها لنا. هتعرفي: إيه الفرق بين الأنوثة كمظهر والأنوثة كطاقة؟

    إزاي تجارب الحياة بتأثر على أنوثتك؟

    خطوات عملية ترفعي بيها طاقتك الأنثوية؟

    ليه التعبير عن مشاعرك هو أهم خطوة للاتصال بذاتك؟

    الأنوثة مش بس شكل أو مظهر خارجي، دي طاقة وشعور جواكي محتاجة وعي واهتمام...

    21 min

About افتح قلبك

From the publisher's feed

Empowering women. How to find happiness. We will talk about your mental health

More shows like افتح قلبك

PaperSamwich ساندوتش ورقي by PaperSamwich ساندوتش ورقي

PaperSamwich ساندوتش ورقي

1,170 Listeners

بودكاست أبجورة by بودكاست أبجورة

بودكاست أبجورة

3,696 Listeners

مفهوم الانوثة by Rima Rai

مفهوم الانوثة

2 Listeners

بودكاست قصص من المحاكم by Courtsstories

بودكاست قصص من المحاكم

449 Listeners

Zubbdah |بودكاست الزُبّدة by بودكاست الزبدة

Zubbdah |بودكاست الزُبّدة

10 Listeners

شوية طاقة ايجابية💕 by Shahd Sakkijha

شوية طاقة ايجابية💕

2 Listeners

كنبة السبت by Mics مايكس

كنبة السبت

2,241 Listeners

أزرق by Mics مايكس

أزرق

189 Listeners

هدوء by Mics مايكس

هدوء

637 Listeners

Insijam Podcast with Dalal Al-Janaie by Dalal Al-Janaie

Insijam Podcast with Dalal Al-Janaie

49 Listeners

بكل ثقة by Asharq Podcasts | الشرق بودكاست

بكل ثقة

23 Listeners

NofPod | نوف بود by Nouf

NofPod | نوف بود

5 Listeners

DUPAMICAFFEINE | دوباميكافين by DUPAMICAFFEINE

DUPAMICAFFEINE | دوباميكافين

120 Listeners

واقع خيالي مع سمير كمال by Samir

واقع خيالي مع سمير كمال

0 Listeners