Füzz

Gestur þáttarins er glæpasagnarithöfundurinn og verkfræðingurinn Yrsa Sigurðardóttir sem hefur gegnum tíðina valdið andvökunóttum hjá fjölda lesenda sinna.

Yrsa hefur sent frá sér fjölda bóka á undanförnum árum, margar hafa verið þýddar á fjölda tungumála og eftir einni þeirra; Ég man þig, var gerð vel heppnuð kvikmynd fyrir nokkrum árum. Yrsa heimsækir Füzz með uppáhalds ROKKplötuna sína um kl. 21.00.

Plata þáttarins er Fyrsta plata ensku hljómsveitarinnar Free - Tons of Sobs sem kom út 1969 þegar liðsmenn sveitarinnar voru 16. - 17. Og 18. ára gamlir.

Platan kom út í mars ´69 og Free var blúshljómsveit fyrst og fremst, skipað barnungum piltum frá London.

Tónlistin er í baksýnisspeglinum einhverskonar blúsrokk en sveitin kom upp í bresku blúsbylgjunni á sjöunda áratugnum.

Það vakti athygli á sínum tíma hvað þetta voru ungir strákar og flinkir. Upptökustjóri plötunnar var Guy Stevens sem síðar átti eftir að taka upp plötur með Mott the Hoople og stjórna upptökum á London Calling plötu The Clash.

Free var stofnuð árið áður, 1968. Tvær fyrstu plöturnar komu út ´69 og sú þriðja 1970. Á þeirri plötu (Fire and Water) er stærsta smellinn þeirra að finna, lagið All right now sem varð gríðarlega vinsælt. Á þeim fjórum árum sem sveitin starfaði sendi hún frá sér sex stórar plötur. Söngvarinn magnaði, Paul Rodgers, hefur verið að syngja af og til í seinni tíð með Queen og er einn besti rokksöngvari sögunnar að margra mati. Eftir að Jim Morrison lést vildu eftirlifandi liðsmenn Doors frá Paul í sínar raðir en það varð ekkert úr því. Hann stofnaði hljómsveitina Bad Company 1973 ásamt Simon Kirke trommara sem var með honum í Free. Gítarleikarinn Paul Kossoff stofnaði hljómsveitina Back Street Crawler 1975 en lést svo ári síðar. Bassaleikarinn Andy Fraser stofnaði hljómsveitina Sharks.

Free var um tíma ein allra vinsælasta rokksveit Evrópu og 1970 spilaði Free á Isle of Wight hátíðinni fyrir 600.000 manns.

Rokk og Jazz er það sem boðið verður upp á í Füzz í kvöld.

Gestur þáttarins er Selma Ragnarsdóttir klæðskeri og kjólameistari sem rekur sitt eigið fyrirtæki sem heitir Zelma. Selma er fædd í Vestmannaeyjum nokkrum mánuðum fyrir gosið í euyjum. Flutti með foreldrum sínum upp á land í gosinu en svo aftur heim eins fljótt og mögulegt var eftir gos. Það er talsbvert rokk í Selmu og hún mætir með uppáhalds rokkplötuna sína.

Plata þáttarins er svo Jazz, sjöunda hljóðversplata hljómsveitarinnar Queen.

Platan kom út síðla árs 1978 og hefur að geyma lög eins og Bycycle race, Mustapha, Don´t stop með now og Fat bottomed girls.

Platan náði 2. Sæti breska vinsældalistans og 6. Í Bandaríkjunum. Í dag hafa selst rúmlega fimm milljónir eintaka af plötunni.

Garg-fréttirnar frá garg.is verða á sínum stað og svo fáum við A+B með hljómsveitinni Rainbow frá árinu 1975.

Hér er lagalistin:

Þursaflokkurinn - Jón var kræfur karl og hraustur

Stuðmenn - Heví metal maður

Iron Maiden - Wrathchild

Guns´n Roses - Get in the ring

AC/DC - Rock´n roll train

Queen - Mustapha (plata þáttarins)

Agent Fresco - See Hell

Nirvana - Heart shaped box (óskalag)

SÍMATÍMI

Sonic Youth - Sugar kane

Kontinuum - Steinrunninn skógur (óskalag)

Royal Blood - Figure it out (óskalag)

The Black Keys - Howlin for you

Langi Seli og Skuggarnir - Drullukalt

GARG FRÉTTIR

Smashing Pumpkins - Bullets with butterfly wings

UM PLÖTU ÞÁTTARINS - QUEEN - JAZZ

Queen - If you can´t beat them (plata þáttarins)

Hellacopters - I´m in the band

GESTUR ÞÁTTARINS - SELMA RAGNARSDÓTTIR

Scorpions - Still loving you

GESTUR ÞÁTTARINS - SELMA RAGNARSDÓTTIR - SYKURMOLARNIR - LIFE´S TOO GOOD

Sykurmolarnir - Deus

GESTUR ÞÁTTARINS - SELMA RAGNARSDÓTTIR - SYKURMOLARNIR - LIFE´S TOO GOOD

Sykurmolarnir - Delicious demon

Uriah Heep - Easy livin (óskalag)

A+B

Rainbow - Man on the silver mountain (A)

Rainbow - Snake charmer (B)

Sex Pistols - My way

Queen - Dead on time (plata þáttarins)

Gestur þáttarins er Ingólfur Magnússon framkvæmdastjóri leigusviðs Exton sem er tækja og hljóðkerfaleiga og ein sú stærsta og elsta á landinu.

Gestur þáttarins er Ingólfur Magnússon framkvæmdastjóri leigusviðs Exton sem er tækja og hljóðkerfaleiga og ein sú stærsta og elsta á landinu. „Sérfræðingar Exton búa yfir einstakri reynslu í hönnun hljóð-, ljós- og myndlausna. Hvort sem verkefnið er lítið fundarherbergi eða heilt tónlistarhús - borgar sig að fara rétt að“ segir á vef Exton.

Golli rót eins og Ingólfur hefur löngum verið kallaður í bransanum er Akureyringur og fyrsta verkefnið var að vera „rótari“ hjá Baraflokknum sem er ein þekktasta hljómsveit Akureyrar fyrr og síðar. Golli er fæddu árið 1963 og á sama afmælisdag og David Bowe og Elvis. Hann mætir með uppáhalds Rokkplötuna sína um kl. 21.

Plata þáttarins er engin að þessu sinni en þess í stað skoðum við hvaða rokkplötur og lög eru tilnefnd til Grammy verðlauna en Grammy verðlaunin verða afhent í sextugasta sinn í New York á sunnudagskvöld. Mastadon, War on Drugs, Metallica, Nothing More, Queens of the Stone Age, Foo Fighters og Avenged Sevenfold eru á meðal tilnefndra í þessum flokkum.

Garg-fréttirnar frá garg.is verða á sínum stað og svo fáum við A+B með Van Halen frá árinu 1988.

Gestur þáttarins er Hlín Jóhannesdóttir kvikmyndaframleiðandi sem er ein af konunum á bakvið kvikmyndina Svanurinn sem var frumsýnd núna á dögunum.

Svanurinn er byggð á samnefndir sögu Guðbergs Bergssonar og er fyrsta kvikmyndin sem Ása Hlega Hjörleifsdóttir leikstýrir.

Með helstu hlutverk í myndinni fer hin 13 ára gamla Gríma Valsdóttir, Þuríður Blær Jóhannsdóttir, Þorvaldur Davíð Kristjánsson, Ingvar E. Sigurðsson og Katla Margrét Þorgeirsdóttir. Það er mikið af konum á bakvið Svaninn og Hlíns segir okkur hvers vegna, en hún mætir með uppáhalds rokkplötuna sína um kl. 21, en hún er með Sonic Youth!

Plata þáttarins er Led Zeppelin, fyrsta plata Led Zeppelin sem kom út í Bretlandi þennan dag árið 1969 fyrir 49 árum.

Platan var tekin upp í Olympic Studios í Barnes í London á 36 kukkustundum og kostaði ekki nema £1.782 £ sem þótti ekki sérlega mikið eða dýrt. Hún var að mestu tekin upp „live“ í hljóðverinu og litlu bætt við eftirá. Platan kom út nokkru síðar í Bandaríkjunum, eða 31. mars ´69.

Þessi plata fékk enga glimrandi gagnrýnenda þegar hún kom út en það kom ekki í veg fyrir að hún seldist vel og þessi nýja hljómsveit sló í gegn með plötunni.

Hljómsveitin var reyndar byggð á gruni annarar vinsællar hljómsveitar; The Yardbirds sem hafði nýlega liðast í sundur og breyst í „The New Yardbirds“ sem gítarleikarinn Jimmy Page leiddi. Það var hann sem safnaði saman mannskapnum sem myndaði The New Yardbirds sem breyttist svo í Led Zeppelin sem varð ein af stærstu, þekktustu og virtistu hljómsveitum rokksögunnar.

Með Jimmy Page þar voru söngvarinn Robert Plant, bassaleikarinn John Paul Jones og trommarinn John Bonham. Allt séní!

Þegar Rolling Stone gerði lista yfir bestu plötur sögunnar árið 2003 lenti Led Zeppelin í 29. Sæti. Þegar listinn var uppfærður 2012 hélt hún sama sæti. Platan var vígð inn í frægðarhöll rokksins 2004.

Á þessari plötu eru lög eins og Babe i´m gonna leave you, Good times, bad times, Communication breakdown og Dazed and confused. Við heyrum amk. 3 lög af þessari plötu í þættinum.

Gestur þáttarins er Eiríkur Hauksson sem verður á línunni frá Oslo þar sem hann syngur í kvöld og plata þáttarins er 45 ára gömul plata með Bruce Springsteen.

Já Eiríkur Hauksson verður á línunni frá Oslo þar sem hann syngur í kvöld. Í fyrramálið flýgur hann til Keflavíkur og syngur í Reykjavík á morgun með hljómsveitinni Gullkistunni sem Gunnar Þórðarson verndari þáttarins Füzz leiðir, en þar eru líka Ásgeir Óskarsson (trommur), Jonni Ólafs (bassi) og Óttar Felix Hauksson (gítar). Eiki segir okkur vonandi frá uppáhalds Rokkplötunni sinni þegar við hringjum í hann um kl. 21.00

Plata þáttarins er Greetings from Ashbury Park, fyrsta plata Bruce Springsteen sem fagnar 45 ára afmæli í ár í dag, hún kom út 5. janúar 1973.

Springsteen var 23 ára gamall þegar platan kom út en hann var búinn að vera að spila og semja í mörg ár þegar stóra tækifærið kom, að gefa út plötu og það hjá Columbia sem var útgáfufyrirtækið sem gaf út plötur Dylans.

Dylan var eitt af átrúnaðargoðum hins unga Springsteen og mikill áhrifavaldur, og sá sem gaf honum grænt ljós hjá Columbia var einmitt sami náunginn og „uppgötvaði“ Dylan áratug fyrr, og líka Arethu Franklin og Billie Holiday. Maðurinn var John Hammond. Og lagið sem kveikti í Hammond var lokalag plötunnar; It´s hard to be saint in the city sem minnir einmitt talsvert á Dylan eins og fleiri lög á plötunni og síðari tíma plötum Bruce Springsteen. Bruce þurfti ekki meira en spila það eina lag til heilla Hammond.

Þegar búið var að semja við Springsteen og hann byrjaður að taka upp átti fólkið hjá Columbia von á að útkoman yrði „kassagítarplata“ á ljúfu nótunum. Springsteen var sjálfur með annað í huga en þurfti að gefa heilmikið eftir þegar kom að heildarhljómi plötunnar, hann vildi sjálfur að hún væri talsvert rokkaðri og harðari en hún er.