Svandís Svavarsdóttir, fyrrverandi þingmaður VG og fyrrverandi heilbrigðisráðherra, gagnrýnir að Landspítalinn sé ekki aðili að nýjum samningum íslenska ríkisins við einkarekin heilbrigðisfyrirtæki. Sjúkratryggingar Íslands undirrituðu langtímasamninga við um skurðaðgerðir við þau í síðustu viku.

Svandís segir að hún hafi alltaf talið heppilegra þegar hún var heilbrigðisráðherra að Landspítalinn væri í miðlægu hlutverki í slíkri samningagerð. Á sama tíma gagnrýnir hún að Landspítalinn sé ekki með í þessum samningum í ljósi þess að Ríkisendurskoðun var að skila gagnrýnni skýrslu um starfsemi Sjúkratrygginga Íslands. Yfirlæknir á Landspítala segir sjúkrahúsið ekki hafa haft neina aðkomu að samningum Sjúkratrygginga.

Um árabil var Svandís stór þátttakandi á Alþingi í umræðu um einkavæðingu í heilbrigðiskerfinu. Hún segir að í dag sé enginn gagnrýni á einkarekstrarvæðingu á þingi og átelur Samfylkinguna fyrir hægri beygju í málaflokknum undir stjórn Kristrúnar Frostadóttur.

Umsjón: Ingi Freyr Vilhjálmsson