De novo o lume protagonista. Outro incendio, este declarado no concello lugués de Pantón, obrigou a declarar a situación dúas pola ameaza pra algunhas casas. O lume estendeuse con rapidez e a última hora da tarde xa afectara a 80 hectáreas .

A AP-9 segue no centro do debate político: a Xunta ameaza con acudir a xustiza se Transportes non fai publico o informe que enviou a Bruxelas. Sobre a orixe do problema, a ampliación irregulaar da concesión por un goberno do PP, a conselleira de Infraestructuras sinala que non hai que mirar ó pasado.

O tempo. Hoxe sen cambios... a partir da fin de semana baixan as temperaturas. Ata dez graos.

Volve o pesadelo dos incendios forestais. Activo un lume no concello de Pantón, en Lugo. A Xunta decretou a situación dúas de emerxencia por prevención, porque as lapas ameazan ao núcleo de Lornís, na parroquia de Pombeiro. Tamén estivo en risco o de San Cosmede. O alcalde vén de trasladarnos que polo de agora non houbo evacuacións. Son 20 hectáreas as arrasadas segundo a última estimación de Medio Rural. Numerosos medios traballan no lugar pra tratar de sofocar o incendio. O tren entre Lugo e Ourense está agora mesmo interrompido pola súa proximidade ás vías

A Xunta e os concellos do litoral abordaron en Santiago o xeito de xestionar a costa despois de que o goberno galego asumise as competencias. Falaron de cogobernanza e xa se anunciou que pra semana santa podería estar xa abertos os novos chiringuitos de praia. Pro seu deseño, a consellaría de Medio Ambiente abriu un concurso de ideas.

- O ministro do Interior recoñeceu a chegada de narcosubmarinos con droga, pero defendeu en Vigo o traballo das forzas de seguridade.

- Renovar e descarbonizar a flota e atraer a mocidade á pesca son os grandes retos que enfronta o sector.

- A Xunta quere ver o informe que Transportes lle enviou á Comisión Europea sobre a AP-9 e non descarta acudir á via xudicial.

- O tempo. Volvemos a temperaturas diurnas propias do mes de agosto, sobre todo na metade sur

Comezamos este Mediodía Galicia nunha xornada con presenza en Vigo do ministro do Interior. Fernando Grande Marlaska aproveitou para eloxiar o traballo policial nas últimas operacións antidroga.

Unha mañá na que a plataforma sanitaria da Mariña inicia unha recollida de firmas. Piden cubrir a falta de médicos de familia e pediatras.

Ademais esta tarde Ferrol acolle unha xornada médica sobre alimentación, nós nesta espazo imos abordar este asunto: os bos hábitos e os trastornos asociados á imaxe como a anorexia ou a bulimia

Que tal, bo día...Comezamos cunha última hora...A autopsia revela que a ferrolá MAtilde Muñoz morreu por asfixia...Así o acaba de facer público o informa de policía de Indonesia, onde apareceu o seu corpo o pasado 30 de agosto.

Confírmase así a morte violenta que defendía a familia...Hai dúas persoas detidas relacionadas co caso.

Nin rescate nin, de momento, litixio na xustiza europea. O ministerio de Transportes opta, no último día de prazo, polo que chama unha resposta ampliada ó requerimento que lle fixo a Comisión Europea. Semella un intento de gañar tempo. A xunta culpa ó goberno de castigar ós galegos, aínda que foi un goberno do Partido Popular a que ampliou a concesión ata 2048 e ademais, fíxoo de xeito irregular, como acredita Europa.

Esta mañá está en Galicia o ministro do Interior que preside a entrega dun buque pra Garda civil no estaleiro Armón de Vigo.

O tempo. Hoxe con temperaturas nos 30 graos en boa parte de Galicia. volvemos a valores que fixeron deste verán pora extremadamente seco e cálido. Agora ampliamos. Pero antes vemos que abre este xoves.