O Tribunal Superior anula parte do decreto da Xunta que lle permite recorrer a empresas externas para a avaliación ambiental dos proxectos, caso por exemplo do que tramita para a celulosa de Altri. o Alto Tribunal considera que a norma vai en contra das funcións exclusivas dos empregados publicos. Haberá que ver o impacto que ten o fallo no proxecto de Palas.

O recurso foi presentado pola CIG que hoxe explicará o fallo nunha conferencia de prensa en Santiago.

O tempo. volveu o frío.... hoxe con alternancia de nubes e claros, con chuvascos máis probables na metade norte e as temperaturas aínda algo máis baixas

A Xunta e a Deputación de Pontevedra presentaron o plan de uso do Teatro Cine Fraga de Vigo, co obxectivo de convertelo nun "referente cultural de primeiro nivel" no noroeste peninsular.

Así o indicaron o conselleiro de Cultura, José López Campos, e a vicepresidenta provincial, Luisa Sánchez, nun acto no que mostraron á cidadanía a folla de ruta das instalacións.

A sesión de control no Parlamento volveu evidenciar tensións entre o goberno de Rueda e a oposición. Coa lembranza do 8 M ainda recente, o presidente da Xunta e Ana Pontón retornaron aos reproches polos ataques a conselleira de Política Social en ton machista. E o líder do PSdeGa acusou ao Rueda de non traballar a prol dos galegos opoñéndose á condonación da débeda.

Mentras, a maior empresa galega e española por capitalización bursátil, Inditex, perdía un 7,5 por cento de valor en bolsa despois de presentar os resultados anuais. Non foron malos senón moi bos, aumento de facturación e beneficios, pero para os operadores non abondaron.

Encendido debate no Parlamento entre o presidente da Xunta e a portavoz nacional do BNG. Alfonso Rueda insiste en que os nacionalistas non poden dar leccións sobre feminismo ou defensa da muller, mentres non condene determinadas actuacións. Ana Pontón acusou a Xunta de non adoptar medidas que eviten a vulneración de deritos laborais a centos de mulleres que traballan nos servizos públicos.

No debate co socialista Gómez Besteiro, Rueda non aclarou se chegado o caso a Xunta aceptará a quita dunha terceira parte da débeda da comunidade que agora rexeita.

Ferrol xa goza do primeiro tramo da avenida das Pías tras máis de dous anos de obras. Uns traballos de humanización financiados con fondos europeos que acurta as distancias entre os barrios do Bertón e Caranza. E para o próximo treito non haberá que agardar moito máis, a previsión é que estea aberto en abril.

-As vivendas públicas en réxime de alugueiro que a Xunta constrúe en Santiago estarán rematadas entre este ano e o que ven. Algo menos da metade estarán destinados a menores de 36 anos.

-Os orzamentos da Coruña quedaron aprobados automáticamente esta noite ante a falta de acordo do PP e o BNG para presentar unha moción de censura. Os populares lamentan unha erosión da democracia no concello.

-Folga indefinida dos traballadores de Quirón Prevención, que prestan servizos en Navantia. Piden a súa inclusión no convenio provincial do metal e equipos de proteccións individual

Alfonso Rueda retomará nun par de horas no Parlamento a actividade en Galicia. Será na sesión de control... tra-la axitada sesión de control deste martes na que se aprobou a lei que regulará a CRTVG e na que o conselleiro de Facento cualificou de engano a quita da débeda ás comunidades. E no Congreso, o Goberno reiterou que no é viable o rescate da AP-9 e culpou ó PP de que a autopista galega teña a concesión máis longa de todas.

E, Lugo xa ten novo alcalde, o socialista Miguel Fernández.

O tempo. O mércores unha nova borrasca irase achegando ao suroeste de Galicia. Aumenta a inestabilidade e descenden as temperaturas.

Lugo xa ten novo alcalde. Miguel Fernández ven de ser investido hai escasos minutos nun pleno extraordinario. De seguida imos ata alí en directo...

Na política autonómica, hoxe o PP aprobou en solitario no parlamento o proxecto de lei que regulará a radio televisión de Galicia. Unha reforma que suscitou as protestas da plataforma en defensa da RTVG, que se concentraron ás portas do pazo do hórreo.

Un pleno, por certo, que esta tarde tamén deixou un cruce de acusacións de machismo entre a Xunta e o BNG