No Parlamento, a maioría do Partido Popular permitiu aprobar a lei que vai regular a radio televisión de Galicia e que recolle como punto máis polémico que o presidente da compañía se poida elexir en última instancia por maioría absoluta.

Unha reforma da Lei da CRTVG que aumenta o control político de telexornais e programas, segundo denuncian os propios traballadores, o Colexio de Xornalistas e as principais asociacións de informadores.

Contra esta reforma protestaron no exterior do pazo do Hórreo membros da plataforma en defensa da RTVG.

Nunca antes sucedéronse tantos plenos extraordinarios en Vigo. Se a semana pasada houbo un polo proxecto de autovía a Porriño, esta semana haberá dous este xoves. O xa previsto polo caso Guns and Roses, forzado pola oposición, e outro a continuación porque Vigo non vai ser porto nodal.

O concello de Santiago saca por primeira vez a poxa os inmobles do Rexistro de Soares. Un procedemento que se armará dende cero, por lotes, e que afectará a catro inmobles da cidade histórica. A súa rehabilitación estará supeditada ó Plan especial.

- O PP da Coruña levará ó pleno do xoves unha moción contra o ruído da Casa da Veeduría. Asegura que está poñendo en perigo a saúde dos veciños.

- Pacientes oncolóxicos da área de Santiago denuncian demoras de dous meses para acudir a revisión. Aseguran que o SERGAS minte cando falan de redución das listas de agarda.

- Centos de persoas participaron este 10 de marzo en Ferrol no Día da Clase Obreira Galega

O conselleiro de Facenda explicará hoxe as razóns que levaron á Xunta a abandonar a reunión do consello de política fiscal e financeira na que se aprobou unha quita de débeda ás comunidades. Antes aprobarase a lei que regula a CRTVG : cadrando co debate e votación do dictame o comité intercentros convoca unha protesta ante o pazo do Horreo. Nesta primeira sesión do pleno non estará o presidente da Xunta que onte rematou, cunha reunión co presidente de Uruguai, unha viaxe a sudamérica. E, no hemiciclo si estará o socialista Gómez Besteiro, reelexido esta domingo como secretario xeral do seu partido.

O tempo. Quedamos nunha situación intermedia entre altas e baixas presións...as chuvias hoxe serán máis probables na metade leste; estará máis aberto no litoral atlántico

Alfonso Rueda agarda que se peche o acordo entre a Unión Europea e Mercosur, xa que abriría a porta a grandes oportunidades comerciais pra comunidade. Díxoo esta tarde Rueda, tras saír da reunión que mantivo co novo presidente do país, Yamandú Orsi.

Mentres, aquí en Galicia, Stellantis deu luz verde á aboar aos traballadores un bono dun 1,5% do salario tras suspender a paga de beneficios

Dirigido por Xosé Manuel García