Galicia Informativos

Sopresa e indignación na familia de Déborah Fernández, a moza que apareceu morta no Rosal. 20 anos despois aparece material, descoñecido ata agora, relacionado coa investigación, nunha comisaría de Madrid. Foi a propia policía a que comunicou a localización de, entre outras cousas, un teléfono movil, pero sen a tarxeta de memora.

Deseguido buscamos máis datos desde Vigo....E temos que dar conta de dúas mortes en accidentes con maquinaria agrícola. Un veciño de Taboada morreu mentres manexaba unha rozadoira, e en Silleda faleceu outro home tras caer cunha segadora por un desnivel

Axenda política do PSOE hoxe na Coruña, coa participación do ministro de Presidencia, Félix Bolaños. Manifestación en contra dos recortes no ensino en Santiago e a prol da Sanidade Pública en Moaña. Despedida ademais a Saleta Goy, viúva de Manuel María

Tempo da entrevista. Hoxe, Xosé Manuel García falta coa portavoz nacional do BNG, dña. Ana Pontón

Vai quentando motores o curso político. Este sábado xa con Consello Nacional do BNG en Teo, e populares e socialistas participando en diversos actos pola xeografía galega. A pandemia mantén os datos á baixa, mentres no Día Mundial de Prevención do Suicidio se escoitan voces pra que se aplique un plan real para paliar esta lacra

Boas novas pros familiares do villa de pitanxo. Tras sete meses loitando pra que se baixe ó pecio afundido en augas de terranova, agora abrése-lles unha nova vía de esperanza trala aceptación da audiencia nacional pra asumir a investigación do naufraxio.  O presidente da Xunta, Alfonso Rueda, anuncia medidas pra paliar os efectos da inflación. Mentres, a CIG propón unha serie de medidas urxentes coa mesma finalidade.

Aínda falta un mes pero xa está a maquinaria en marcha pra prepara-la celebracion do macro-xuizo polo accidente do tren Alvia en Angrois... máis de 9 anos despois do sinistro centos de avogados atenderán a máis de 160 víctimas, nunha vista na que van a declarar centos de testemuñas... e que será seguida por numerosísimos medios de comunicación. Un reto que non se pode atender axeitadamente nunha sede xudicial, polo que a Xunta prepara xa un dispositivo especial pra súa celebración, no edificio CINC do Gaiás... - A CIG quere evitar a clase traballadora acabe sufrindo pagando os efectos da crise e a escalada de prezos. Pra iso pide unha tarifa eléctrica galega, un incremento salarial do 4,50% e conxelar as clausulas das hipotecas variables e dos alugueiros. - A situación sanitaria no Morrazo non mellora tralo periodo estival. En Moaña ata o 16 de setembro só hai un médico pola tarde ademáis as urxencias continúan derivándose a Cangas. Nesta localidade só hai pediatra pola mañá. - Promoción da pesca de cerco no mercado do Progreso, en Vigo. Durante toda a mañá as pescantinas ofrecen información aos seus clientes sobre este tipo de peixe. A actividade repetirase o vindeiro venres na praza de Lugo, na Coruña. - Unións Agrarias alerta de ofertas de compra de leite que poden resultar unha fraude. Algunhas de ata 50 céntimos por litro. Antes de acpeta-las piden que analicen a súa procedencia, pois hai primeiros compradores un longo historial de impagos.

As novas da provincia de Ourense presentadas por Marta Landeira e Carlos Cerecedo